العربيه وقفت

[O.M.S]

السلام عليكم

انا ركبت ماتور 4age blacktop 20v في تويوتا كورولا 97 من حوالي شهرين وفي خلال الفتره دي العربيه وقفت مني حوالى 5 مرات واقعد جنبها شويه نص ساعه مثلا وتدور تاني وتمش عادي بس اخر مره من حوالي اسبوع العربيه وقفت خالص المره دي ومابتديش صوت مرش ولا اي حاجه والبطاريه سليمه 100% ومش عارف كل ما اوديها لورشه (العالميه) في الحرفيين الي مسقط الماتور ده يقول مافيهاش حاجه اسيبها يوم وارجع تاني وتوقف بيا انا زهقت وتاني حاجه حاسس ان مش بيأدي ومش عارف اعمل ايه نفسي حد يكشفلي عليها ويجربها وهجيلوا في اي حته بس يكون فاهم طبعا بعد ما امشيها

[ahmed_h_g]

لما تحاول تدورها نور العداد بيضعف والمارش مبيلفش ؟

[O.M.S]

لما تحاول تدورها نور العداد بيضعف والمارش مبيلفش ؟

لا نور العداد ما بيقلش خالص والانوار كلها شغاله الا الساعه بس بتقفل نورها مش عارف ليه و المرش ما بلفش ولا يدي اي صوت خالص
وشكرا جدا على الاهتمام

[ahmed_h_g]

عندك 3 حاجت تراجع وراهم بالترتيب
تراجع على قواطيش البطارية تنضفهم وتركبهم تانى و تراجع على سلك الأرضى للبطارية ممكن يكون ضعيف وبيعمل شرز لما تيجى تدور وأخيرا" المارش ممكن يكون محتاج صيانة

[O.M.S]

عندك 3 حاجت تراجع وراهم بالترتيب
تراجع على قواطيش البطارية تنضفهم وتركبهم تانى و تراجع على سلك الأرضى للبطارية ممكن يكون ضعيف وبيعمل شرز لما تيجى تدور وأخيرا" المارش ممكن يكون محتاج صيانة

هو انا لسه مغير القواطيش ومركب كبل ارضي جديد هي الحاجه الوحيده الي مشفتهاش المرش بس هو المرش لو فيه عيب مش لازم يعمل صوت او يخبط حتى ولا مش لازم

[ahmed_h_g]

أنا سألتك الأول المارش بيعمل صوت ولا لأ ؟

[O.M.S]

أنا سألتك الأول المارش بيعمل صوت ولا لأ ؟

المارش مابيعملش اي حاجه خالص

[ahmed_h_g]

يبقى تخلى الكهربائى يكشف على المارش والكونتاك وإن شاء الله بسيطه

[SHNORY]

بتقف منك وانت ماشي بيها ؟؟
ولا بعد مشوار طويل مثلا تبطلها وتيجي تدورها متدورش؟؟؟

[O.M.S]

يبقى تخلى الكهربائى يكشف على المارش والكونتاك وإن شاء الله بسيطه

جازاك الله كل خير وان شاء الله بسيطه انا لسه فايقلها النهارده وهروح اوديها وهقولكم ان شاء الله على الاخبار

[O.M.S]

بتقف منك وانت ماشي بيها ؟؟
ولا بعد مشوار طويل مثلا تبطلها وتيجي تدورها متدورش؟؟؟

لا هيا كانت بتبطل وانا ماشي وتدور بعد فتره ,وبعد ما عملتها باسبوع مرديتش تدور بعد ما انا بطلتها لما وصلت مدينه نصر وكنت جاي من اكتوبر مشوار طويل وفي الزحمه كمان وكانت ماشيه كويس لغايه ما بطلتها