مشكلة محيراني في موتور 128

[ahmedsa3eid]

المشكلة تتلخص في ان العربية اول مادورها لما تكون باردة لو دوست بنزين تنتش جامد وتتقتق وتبطل وكانها مأخرة كهربا جامد ولما تسخن يقل التنتيش ولما تمشي بيها مشوار محترم يختفي التنتيش ويظهر التصقيف كانا مقدمه كهربا جامد ... مع العلم ابلتين وكوندينسر ويلك وبوجيهات وموبينه جداد مكملوش 2000 كم وبمشي بنزين 80 .... ياريت لو حد عنده خبرة يساعدني في الموضوع ده ..

[ahmed_rgina]

فى ريحة بنزين نى او ظهور دخان لونة اسود من الشكمان .وعموما راجع على فتحة الابلاتين وضبط الكربراتير والاسبراتير عند ميكانيكى محترم

[aw2100]

المشكلة تتلخص في ان العربية اول مادورها لما تكون باردة لو دوست بنزين تنتش جامد وتتقتق وتبطل وكانها مأخرة كهربا جامد ولما تسخن يقل التنتيش ولما تمشي بيها مشوار محترم يختفي التنتيش ويظهر التصقيف كانا مقدمه كهربا جامد ... مع العلم ابلتين وكوندينسر ويلك وبوجيهات وموبينه جداد مكملوش 2000 كم وبمشي بنزين 80 .... ياريت لو حد عنده خبرة يساعدني في الموضوع ده ..

ده عيب فى الكوندينسر نوعه ردئ ولما بيسخن مع الموتور قيمته بتتغيير ودة اللى بيغير ضبطة الأسبراتير بيقدم وياخر غيره وبص لى الأبلاتين ممكن يكون بوظة وممكن يكون فية تبويش فى الأسبراتير نفسة بيعمل العيب دة ؟؟؟

[ahmedsa3eid]

كله جديد

ده عيب فى الكوندينسر نوعه ردئ ولما بيسخن مع الموتور قيمته بتتغيير ودة اللى بيغير ضبطة الأسبراتير بيقدم وياخر غيره وبص لى الأبلاتين ممكن يكون بوظة وممكن يكون فية تبويش فى الأسبراتير نفسة بيعمل العيب دة ؟؟؟

الابلتين والكوندينسر جداد نوعه انجليزي ب25ج واعرف ازاي ازا كان فيه تبويش في الاسبراتير

[ahmedsa3eid]

فى ريحة بنزين نى او ظهور دخان لونة اسود من الشكمان .وعموما راجع على فتحة الابلاتين وضبط الكربراتير والاسبراتير عند ميكانيكى محترم

لا مفيش دخان اسود هو الموتور لما بيكون علي السلانيسة بحس بتفتفة في الشكمان لكن لما ازود بنزين بينتظم ويعرق مية وبتبقي فيه تقطيعه خفيفة كل فترة في الشكمان والكربيراتير عملتلوا طقم اصلاح ايطالي من 4 شهور

[aw2100]

الابلتين والكوندينسر جداد نوعه انجليزي ب25ج واعرف ازاي ازا كان فيه تبويش في الاسبراتير

الكوندينسر بيبقى مرطب ساعات حتى وهو جديد نتيجة انة قديم مركون بقالة فترة فبيرطب ودة حصل معايا لما كانت معايا ال128 وغيرته بواحد تانى وضبط الكهرباء علشان كدة لما العربية بتسخن بيظبط الكهرباء بالنسبة لتبويش الاسبراتير بتفك الغطاء وتمسك الشاكوش وتهزه عامودى يمين وشمال حتحس انه مبوش وممكن تخلى الكهربائى يبص علية افضل !!!

[ahmedsa3eid]

انا فكيت وش الاسبراتير وفعلا العمود الي فيه الشاكوش بيترج يمين وشمال .... شكلة فعلا مبوش ..... طيب والحل