سكسكة في موتور لانوس 2002

[mahmed.saleh]

انا عربتي دايو لانوس 2002 علمة 85000 كم بغير زيت ....l 5000 علي 3000 وفلتر مرة اة ومرة لا, بس ماكنتيش بتحرك بيها كتير في القترة الي فاتت ,ولكن من حوالي كام اسبوع ظهر صوت سكسكة في الموتور وبيزيد مع السرعة رحت لكذا مكانيكي وكان الرد ان دا الكوستبنات والكامة واحد يقول سبها مش هتاثر علي حاجة و واحد يقول لا لازم نفك ونغير التالف منهم انا مش عارف اغيرهم ولا لاء .وهل يصلح تنظيف الكامة او الكوستبنات ان امكن بدل التغير ولا لازم اغيرهم ؟
مع العلم اني جربت flush oil صوت المتور سكت شوية في يوميها و تاني يوم رجع الصوت تاني اكتر حاجة خايف منها من التغير هو عدم وجود وش سلندر نظيف في السوق والكل بيرشح زيت معليش انا طولت .ارجوا الافادة

[mahmed.saleh]

ارجو المساعدة يا اخواني

[mahmed.saleh]

انا جديد في مجال السيارات اريد المساعدة

[mahmed.saleh]

48 مشاهدة ولا رد

[abo_lamar]

ريح نفسك مفيش حد حيرد عليك والله لو فضلت تنادي للصبح .... اصل اخوك مجرب قبل كده .
الأعضاء بقت تخش تتفرج على المواضيع من غير اي تعليقات الا نادر جدا وتعليقات زي ( متابع ) لا اكتر ولا اقل وده اللي مضايقني من المنتدى الا بصراحة زمان اول ما ابتدى كانت المشاركة وتبادل المعلومات في كل دقيقة و كل ثانية .

عموما على قد معرفتي ممكن تغير نوع الزيت اللي حضرتك بتستعمله وتجيب فيسكو لان الناس شكرت فيه اوي وبالذات ان في موضوع للزميل العزيز محمد ممدوح قبل كده كان بيستعمل زيت فيسكو دايما ومرة واحدة بس استعمل زيت شل ( مع اني شخصيا مرتاح مع زيت شل ) ومعجبوش لانه سببله الصوت اللي انت بتقول عليه وساعتها قال ان ده صوت الكستبانات ... ولما رجع لزيت فيسكو الصوت راح على طول .... والله اعلم .

[mahmed.saleh]

شكرا اخي الكريم علي الرد والاهتمام

[bebom]

جرب تغير الزيت زي مقالك
لو المشكله في الكوستبنات عادي مش هتأثر كانت عند واحد اعرفه والميكانيكي قاله مش هتأثر

وأي مشكلة في الانوس اكتبها في قسم الانوس الناس هناك لو عرفين مشكلتك محدش هيتأخر