الماتور بيفصل

[ابن الحتة]

السلام عليكم
اخوانى انا لاحظت من يومين التالى

وانا ماشى على الطريق بسرعة فوق 80 الاقى العربية فجأة اتبرجلت
والماتور فصل كهربا كانى فاتح الكونتاكت بس وال rpm ينزل للصفر
الماتور فصل كهربا خالص

تقوم العربية تهدى تهدى وانا كمان ادوس فرامل


بس ممكن لو دوست بنزين بعد فترة العربية تقوم تانى وتمشى

او استنى لما تقف خالص وادور وتمشى


وديتها لكهربائى امبارح طلع ونزل وفتح الكبوت والفيوزات وفضل نص ساعة وقال العيب دا ميكانيكى مش عندى

بس طلع محترم رفض ياخد فلوس الكهربائى بتاعى بقى وعارفة وعارفنى

بس ملحقتش اروح للميانيكى لان الساعة وصلت 9 بالليل

اية الحل شباب
؟؟؟؟؟؟؟؟؟؟؟؟؟؟؟؟؟؟؟؟؟؟؟

[Hamroosh]

شوف فلتر البنزين ،، أو فول تانك البنزين من بنزبنة كويسة اذ ربما يكون البنزبن فيه حاجة.

[ابن الحتة]

أنا بفول من بنزية كويسة ومعرفة وبفول منها على طول

ثانيا انا معنديش فلتر للبنزين
انا عربيتى ابيزا 94

ممكن تكون من طرمبة البنزين ؟؟؟؟؟

[M_Marwan]

احتمال كبير تكون طرمبة بنزين

[dr.hazem]

ممكن الموبينا...
متأكد ان عربية حضرتك مفيهاش فلتر بنزين؟؟

Sent from my SE Arc S using Forum Runner

[ابن الحتة]

والله الميكانيكى قالى قبل كدا مفهاش

مش ممكن يكون السبب فى البوجيهات ؟؟؟

[ahmedesmat1987]

لسه امبارح بالليل حصل معايا نفس الموقف ونفس الاعراض بعد ما حطيت 92 من بنزينه على الاوتوستراد وتوقعاتى بنسبه 90 % طرمبه بنزين عشان العربيه بتهدى وبتقف زى ميكون فصلت بنزين ولما اسيبها شويه تدور تانى .. ودا معناه ان الطرمبه لما تسخن بتفصل ولما تبرد تمشى تانى .......

[ابن الحتة]

لسه امبارح بالليل حصل معايا نفس الموقف ونفس الاعراض بعد ما حطيت 92 من بنزينه على الاوتوستراد وتوقعاتى بنسبه 90 % طرمبه بنزين عشان العربيه بتهدى وبتقف زى ميكون فصلت بنزين ولما اسيبها شويه تدور تانى .. ودا معناه ان الطرمبه لما تسخن بتفصل ولما تبرد تمشى تانى .......

لقد وقعنا فى الفخ


اييييييييييييييييييييييييييييييييييييييييييييييية البنزين انضرب ولا اية

على فكرة البنزية اللى بفول منها مشهورة جدا وسمعتها ممتازة

وانا بحط بنزين منها بس ودا من شهور