مشكله فى الموتور

[ma7med_3atef]

مشكله
انا عربيتى قيات 131
الموتور لسه من شهر مغيرله طقم شمبر وبساتم عشان كان فيه دخان من خرطوم الفايظ وبتنطر زيت
نفس المشكله حصلت تانى مع ان العربيه مقرصتش عليها ولينت براحتها خالص
هل ده ممكن يكون عيب حاجة تانيه
ارجوكم حد يفيدنى

[ma7med_3atef]

ايه يا جماعه مفيش رد

[احمد سعيد كمال]

انت عملت جلد صباب ولا لا

[ma7med_3atef]

انت عملت جلد صباب ولا لا

انا اصلا مش عارف ايه جلد الصباب دى الميكانيكى لما عمل العربيه قالى طقم شمبر وطقم بستم وجوانات وفلتر هوا ده اللى انا اعرفه

[ma7med_3atef]

مفيش اى اجابه ولا ايه
؟؟!

[ma7med_3atef]

يعنى محدش هيرد
لا اله الا الله

[ma7med_3atef]

يعني مفيش رد اعمل ايه يعني!!؟؟؟؟

[houras1010]

الرجل هو اللى مستنى ردك غيرت صبابات ولا ايه

[amrelsaqqa]

كان المفروض تعمل الصبابات بالمرة
وتعمل روديه
عشان الموتور يبقى محكوم كويس من فوق ومن تحت
ده بافتراض ان الكرنك والسبايك سلام والا كنت تعمل عمرة كاملة او تغير موتور
انما تعمل حاجة وتسيب حاجة ده كدة فلوس ع الفاضى

والشمايز عملتها ولا لا ؟

[ma7med_3atef]

يا باشا انا خبرتى فى حاجات الموتور دى تقريبا صفر
اللى الميكانيكى قالى عليه جيبته اللى انا كاتبه فى اول الموضوع غير كده مش عارف
بس انا عايز اعرف كده الشمبر ركب غلط ولا فيه حاجة تانيه ولا ايه ؟؟

[amrelsaqqa]

لا مش فكرة غلط
الفكرة ان لو الحااجات التانية كانت محتاجة تتغير وما اتغيرتش يبقى ولا كأنك عملت حاجة ، لانها برضه بتعمل نفس الاعراض

روح لميكانيكى تاني كويس وافتح الموتور وشوف ايه اللى فيه ، هل نص العمرة اللى انت عملتها ما نجحتش ولا في مشاكل في مكونات تانية ، ماقدامكش حل غير كدة وربنا معاك

[احمد سعيد كمال]

اسال الميكانيكى عملك جلدالصباب بالماره ولا لا عشان اكيد هو العملك القلق ده كله ومكنش ينفع تعمل طقم شنبر من غير جلد صباب