مشكلة مجننانى فى الماتور .. بيفصل بعد ال 100

[المجرى]

السلام عليكم

انا معايا ابيزا 94
الماتور معايا لما بعدى ال 100 بيفصل كانى فاتح الكونتاكت بس
وطبعا مؤشر ال rpb بيزل للصفر لان الماتور فصل

ولازم ادور العربية بسرعة لان الفرامل مبتشتغلش فى الحالة دى


لفيت وكل واحد بكلام وميش فايدة
تختفى كام يوم او توصل لاسبوع وترجع تانى

[mohmmedzohier]

السلام عليكم

اولا شوف الموبينه تانيا وغالبا طرمبه البنزين وياريت تعرفنا عملت ايه

[phantom0xx0]

أنا كان عندي نفس المشكلة ده في عربية فورد اسكورت 1300 موديل 1999 ، حصل نفس الكلام دة في سنه 2002 لما كنت بوصل لسرعة 90-100 كم الموتور يفصل و العربية تطفي و متشتغلش تاني لحد ما تقف خالص و رحت لرجب و كذا مكانيكي و مفيش أي حد عرف يحل المشكلة .

بعد كدة فيه واحد مكانيكي كان شغال في السعودية و له في العربيات الأمركاني ، الراجل دة كان في فيصل بس محترف ، فك الكربراتر حتة حته و غسله ، أنا ساعتها قلت العربية انتهت خلاص.. الموضوع دة أخد فيه بتاع 12 ساعة ، بعد لما ركب كل حاجة ، العيب دة انتهى تماماً

[المجرى]

يارب نجرب ونشوف

[buddha]

لو الموتور على كربراتير .... يبقى مشكلة بيك السرعات العالية مسدود
لو العربية انجكشن يبقى مشكلة كنترول

متابع

[tareksakr]

ياريت تقولنا الموتور اللي راكب هو موتورها ال 1300 واللا موتور تاني متسقط عشان نقدر نفيدك في حل المشكلة

[المجرى]

شكرا يارجالة
الماتور بولو 1400

[amrelsaqqa]

لما بتدورها تانى بتدور على طول ولا بتغيب؟

خليك دايس بنزين لما تفصل وما تدورش بالمارش ( كأنك بترمى للعربية ) ، شوفها هتدور تانى لوحدها بعد قد ايه

ولما بتدور بتفصل تانى عند 100 بالظبط ولا ممكن تعدى الـ 100 طالما فصلت عندها اول مرة ؟

برضه عايزك تقرص على النقلات شوية ، يعنى تغير نمط السواقة اللى بيخليها تفصل عند 100
شوف الفصل برضه لسة مرتبط بالسرعة ولا مرتبط بالار بي ام اكتر ؟ ( يعنى هات ال100 على التالت مثلا مش الرابع )

في رأيي ده عيب كهربا مش بنزين عشان عداد الار بي ام بينزل للصفر ، لو عيب بنزين عداد الار بي ام مش هينزل طالما العربية بتجري والكونتاكت مفتوح ومش ممورة ...

الموضوع مش هيخرج عن الموبينة والاسبراتير ان شاء الله بنسبة 95% وخصوصا مشط الاسبراتير


واتأكد برضه من كهربة العربية عامة وان مفيش حاجة بتعمل قفلة وحالة البطارية والدينامو برضه اكشف عليهم كويس ، قد يكون بيحصل قفلة بطريقة او بأخرى تخلى العربية تبطل ، برضه عايز اسألك لو مشغل الكاسيت او الراديو ، بيقطعوا لما العربية تبطل ، ولا ما بتحسش ان في قفلة حصلت وكهربة العربية طبيعية ؟

[المجرى]

لما بتدورها تانى بتدور على طول ولا بتغيب؟

خليك دايس بنزين لما تفصل وما تدورش بالمارش ( كأنك بترمى للعربية ) ، شوفها هتدور تانى لوحدها بعد قد ايه

ولما بتدور بتفصل تانى عند 100 بالظبط ولا ممكن تعدى الـ 100 طالما فصلت عندها اول مرة ؟

برضه عايزك تقرص على النقلات شوية ، يعنى تغير نمط السواقة اللى بيخليها تفصل عند 100
شوف الفصل برضه لسة مرتبط بالسرعة ولا مرتبط بالار بي ام اكتر ؟ ( يعنى هات ال100 على التالت مثلا مش الرابع )

في رأيي ده عيب كهربا مش بنزين عشان عداد الار بي ام بينزل للصفر ، لو عيب بنزين عداد الار بي ام مش هينزل طالما العربية بتجري والكونتاكت مفتوح ومش ممورة ...

الموضوع مش هيخرج عن الموبينة والاسبراتير ان شاء الله بنسبة 95% وخصوصا مشط الاسبراتير


واتأكد برضه من كهربة العربية عامة وان مفيش حاجة بتعمل قفلة وحالة البطارية والدينامو برضه اكشف عليهم كويس ، قد يكون بيحصل قفلة بطريقة او بأخرى تخلى العربية تبطل ، برضه عايز اسألك لو مشغل الكاسيت او الراديو ، بيقطعوا لما العربية تبطل ، ولا ما بتحسش ان في قفلة حصلت وكهربة العربية طبيعية ؟

اة لو دورتها بتدور
او ممكن ارميلها بنزين تدور لوحدها

هيا مش كل مرة بتفصل
يعنى ممكن اعدى عادى وممكن تفصل

اناغيرت الموبينة ومفيش فايدة
الميكانيكى قال عيب قاعدة الكاربراتير وغيرتها ومفيش فايدة
قال الكاربراتير عايز يتنضف وبردة مفيش فايدة

حكاية الكاسيت دى والله مش عارف اصلى مركزتش فيها
بس بكرة اشوفهالك ياغالى بسيطة

[aboomar22]

بص من كام سنة حصلت مع واحد صاحبى والمشكلة دى وكانت مش عارفين ليها حل العربية بتبطل على السرعات العالية لحد ميكانيكى ماوصل للسبب كانت المصفاة اللى فى التانك فيها رواسب كتير فكانت بتخرج كميات بنزين قليلة فمش بتقدر توفى باحتياجات العربية فى السرعات العالية من البنزين فكانت بتفصل (تبطل يعنى ) --الطلمبة بتشفط بسرعة الرواسب تتراكم وتسد المصفاه تحدث فجوة فى امداد النزين العربية تبطل ساعتها العربية --فتم تنظيف التانك والمصفاه والخراطيم وتغير فلتر البنزين العربية بقت زى الفل وبجد دى حاجة مكنتش فبالنا

[المجرى]

لما الماتور بيفصل
الكهربا بتفضل شغالة والكاست بيكمل مبيفصلشى

[amrelsaqqa]

روح لميكانيكى شاطر ويكون شغال في العربية بتاعتك كتير وخليه يبدل المشط بتاع الاسبراتير بواحد من عنده ، وجرب، احتمال كبير يبقى العيب منه