ما هى طريقه تظيف البساتم من الكاربون

[tefa22m]

لقيت الموضوع ده فى مشاركه قديمه لتنظيف راس البستم من الكاربون

هتشتري منظف كربراتير نوع نظيف ويففضل يكون امريكي
-هتدور العربيه وهي بارده هتفك العمه لو كانت كربراتير او خرطوم الهوا لو كانت رشاشات
-هتبدا ترش المنظف جوه الكربراتير او من فتحه البوابه بالراحه وواحده واحده
-هتلاحظ ان الموتور عاوز يطفي(نتيجه اختلال مكونات الحرق) عادي هتسند بايدك الشمال علي الاكسراتير وتزود للموتور علشان مايطفيش
-هتستخدم نص العبوه فقط
-الطريقه دي بتنظف رؤوس الصبابات والبساتم
-لاحظ ان حاجتين هيتوسخوا بالكربون اللي خرج من الموتور ..البوجيهات والزيت لذلك يفضل عمل الموضوع ده قبل ميعاد تغيير الزيت مباشره وبعدها نغير بوجيهات جديده
-النتيجه هتحس بيها من صوت الموتور اللي هيبقي انعم من الاول وتحس انه مرتاح
حد عنده فكره عن الموضوع ده و هلى فى منه ضرر
و هل لو بمفك طويل مثلا و من مكان فتحه البوجيهات حاولت اشيل الكربون من على البستم هل ده هاينفع و لا غلط

[truss]

انا اعرف الطريقة دى لتنضيف البوابة و المانيفولد او الكربراتير
لكن الكربون اللى ع البساتم .. مش عارف,
من فترة كدة كنت فاكك الموتور عشان شوية اصلاحات و كان قدامى البساتم عليها كربون, الصنايعى كحتها بسكينة معجون و كانت ناشفة جداً مش عارف المنظف دة يقدر عليها ولا لأ
متحاولش تنضفها بمفك من فتحة البوجيه عشان ما تجرحش حاجة جوة

[bmya]

ياباشا دي طريقه تنضيف البوابه انما البساتم معرفش ده ينفع معاها ولا لاءه بس في اضافات بتتحط مع الزيت تقريبا لتضيفها فيليكوي مولي

[tefa22m]

طيب حد شاف الفيديو ده قبل كده
Remove Carbon Deposits from Subaru Sti using Sea Foam - YouTube

[mrastra]

هات عبوة wd40
وهات بخاخة زى اللى بتلمع الزجاج بالجلانس

املى البخاخة بالدبليو دى 40 لمدة عشرين ثانية
وكمل البخاخة مية من الحنفية

دور الموتور ولو كربراتير فك العمة وبخ فى بابا الكربراتير
لو انجكشن فك عمة الهواء ورش فى المنفولد بالبخاخة

بامر الله كل الكربون اللى على سطح البستون هايطلع من الشكمان

[mhopa2440]

هات عبوة wd40
وهات بخاخة زى اللى بتلمع الزجاج بالجلانس

املى البخاخة بالدبليو دى 40 لمدة عشرين ثانية
وكمل البخاخة مية من الحنفية

دور الموتور ولو كربراتير فك العمة وبخ فى بابا الكربراتير
لو انجكشن فك عمة الهواء ورش فى المنفولد بالبخاخة

بامر الله كل الكربون اللى على سطح البستون هايطلع من الشكمان

فكرة حضرتك رائعة وجميعة وانا ناوي اجربها ف عربيتي نوبيرا

بس طبعا عايز تاكيد للموضوع وكمان سؤال صغير انا هضيف ميه على المنظف وهرشل ف المانفلود كدا المية هتخش على البساتم اعتقد ان العربية هتبطل وممكن يحصل اي حوار ومتشتغلش ياريت توضح اكتر للاستفادة

[mhopa2440]

وكمان ياريت توضح انت جبت المعلومة دي من فين وليه منظف دبلو 40 ليه ميكنش منظف كاربراتير وليه هنضيف الميه ممكن نضيف سولار او جاز ابيض له قدره اعلى على تنظيف الكربون فياريت مصدر المعلومة عشان نجربها بقلب جامد

[dr.hazem]

أفضل حل لازالتها هو الانجن فلش flush وهو مضر ولا ينصح بيه....
تحياتي

Sent from my SE Arc S using Forum Runner

[mrastra]

فكرة حضرتك رائعة وجميعة وانا ناوي اجربها ف عربيتي نوبيرا

بس طبعا عايز تاكيد للموضوع وكمان سؤال صغير انا هضيف ميه على المنظف وهرشل ف المانفلود كدا المية هتخش على البساتم اعتقد ان العربية هتبطل وممكن يحصل اي حوار ومتشتغلش ياريت توضح اكتر للاستفادة

مهو انا جربتها وعشان كدة كتبتها
المصدر موقع اجنبى وفيدو على اليو تيوب

جربتها فى كثير من السيارات كربراتير وانجكشن

والاصل فى الموضوع او اللى كان بيتعمل زمان هو الماء فقط
تخيل معايا بستم على سطحة طبقة كربون وفى كل الاوقات الكربون عامل زى الفحم ومحمر على طول
لما بيجى علية شحنة البنزين اكيد البنزين بينفجر قبل معادة وخصوصا مع الضغط

تخيل بقى الوسط دة والمعطيات دى كلها ادتلة مياة باردة اية اللى ممكن يحصل
اكيد طبقة الكربون دى هاتفرقع وتطلع من الشكمان

ولما بنضيف الـ wd40 هو نفسة من مكوناتة الجاز وقليل مية نار ومنظفات كيماوية وخلافة

ولما تحط الدبليو دى 40 مع المية وترج البخاخة هايمتج الاثنان وهتلاقى لونهم بقى عامل زى اللبن

رش متخفش فى الكربراتير او المانفولد وزود شوية بنزين عشان العربية متبطلش

واحنا لينا النتايج
وبكرر على حضرتك الموضوع متجرب عملى بالفعل

[mhopa2440]

شكرا جدا جدا على ردك واهتمامك بس انا متعود اني اعرف اصل المعلومة وتعبت حضرتك معايا

انا ان شاء الله راح احاول اعملها انهاردة وان شاء الله هكتب النتيجة اللي وصلت ليها

[AhmedNaeem]

متابع

[spownl]

ايه يا باشا الدبليو دى 40 دة وبيجى من وين ...اصل انا اول مرة اسمع عنه

وجزاك الله كل خير

[Eng_Mostafa_89]

ايه يا باشا الدبليو دى 40 دة وبيجى من وين ...اصل انا اول مرة اسمع عنه

وجزاك الله كل خير

دة مزيل صداء وبيعمل كمان نوع من انواع التزييت
هتلاقية موجود فى اماكن كتير عند بتوع قطع غيار السيارات وعند بتوع الكماليات والاكسسوارات وعند بتوع الحدايد والبويات

[tameromarw]

موضوع في فكره رائعه وناوي اجربها ان شاء الله
واحب اعرف هنعمل عملية التنظيف دي والعربية بارده ولا سخنه والحراره 90 ؟
يا ريت توضيح