إعـــــــلان

Collapse

.

,
See more
See less

دوره التبريد و الحر

Collapse
X
 
  • Filter
  • الوقت
  • Show
Clear All
new posts

  • دوره التبريد و الحر

    السلام عليكم
    تحيه للقائمين و المشاركين في المنتدي .. صراحتا اتعلمت منه كتيير جداا
    الحمد لله من شهر اشتريت فيات بونتو 2003 و ربنا يكفينا شرها و شر الطريق
    طبعا انا لسه معملتش سرفيس للعربيه كل الي عملته غسلت دوره التبريد و حطيت فيها مايه خضرا من 15 يوم تقريبا
    الحمد لله العربيه (حتي الان) مفيهاش مشاكل .. لكن النهارده ظهرت حاجه خضيتني .. كالعاده في الزحمه قبل اي بنزينه و الاحظ عداد الحراره متجنن و عالي جدا و طبعا الموتور بقي بيسقف لما اطلع علي الاول من السخونيه ... وقفت و نزلت فتحت الكبوت وبصيت لقيت فيه تنقيط مايه خضرا من تحت الموتور جنب فلتر الزيت ؟؟؟!!! طبعا مش شايف مصدر التسريب لكن دا كان الواضح قدامي .. و طبعا الردياتير مفيهوش اي تسريب واضح و الخراطيم سليمه .. المايه بتنزل منين مش عارف ؟؟!!
    مشيت عليها كدا بالعافيه ﻷول بنزينه فتحت القربه و طبعا زودت مايه . العربيه مخدتش غير نص لتر فقط .. قفلت و مشيت بردو بتسخن بطريقه غريبه .. وصلت تاني بنزينه فتحت الكبوت .. مفيش تنقيط مايه نهااائي (شغل عفاريت) .. فتحت القربه و زودت المايه خدت تقريبا 3 لتر مايه ؟؟!! يعني كانت فاضيه ؟!!!
    و من بعدها شغاله عادي الحمد لله .. طبعا عديت ع الميكانيكي .. بعد الفحص بيقولي مفيش تسريب العربيه مفيهاش حاجه .. نسخن في العربيه .. مفيش مشكله .. نفحص الزيت عشان نتأكد من جوان وش السلندر .. الزيت عادي جدا .. زي العسل الاسود بس فاتح شويه (طبيعي)
    ..!! المشكله منين .. مش عارف !! ممكن تكون طرمبه مايه ؟؟!! و لو طرمبه هتسرب شويه و تقف شويه ؟؟!!
    انا عايز اعرف سبب الموضوع دا ايه .. ﻷنه مقلق جدا خصوصا في الحر دا
    و طبعا دي اجابه اسئله تساعد في التشخيص
    و شكرا مقدما
    عدد الكيلو مترات 84000 عمل السيرفيس خلال ايام
    لا يتم تزويد الزيت
    شكل العادم عادي
    البوجيهات .. بحاجه للتغير مع السيرفيس
    الفلاتر .. فلتر زيت /بنزين جديد
    استهلاك البنزين طبيعي / الشكمان طبيعي
    الفرامل جيده
    السيور تجدد مع السيرفيس
    بطاريه و دينمو حاله جيده
    قواعد ماتور بحاجه للتجديد

  • #2
    ده عيب من ترموستات الميه بتهيس فبتخنق حركة المية فى دورة التبريد فالحرارة بتعلى ويزيد ضغط المية فيسرب من اى خرطوم منفس شوية ولما تتضبط بتبقى الدنيا 10/10 !!
    [U][SIZE=5][COLOR=Lime]مع تحياتى وليد [/COLOR][/SIZE][/U]
    [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

    Comment


    • #3
      شكرا علي ردك
      ولكن من ملاحظات النهارده
      طبعا طول النهار عن الميكانيكي .. سيرفيس .. تغيير فلاتر و بوجيهات و سيور و قواعد موتور
      من الملاحظه و العربيه مرفوعه انه لما الموتور بيعلي يعني لما اكبس بنزين . بتنقط مايه و مش من ناحيه الردياتير خااااااالص ...
      طبعا بكره ان شاء الله الميكانيكي يكمل شغل و نبقي نشوف موضوع المايه دا
      و سؤال ﻷهل الخبره مسمار الشداد (المسمار الرأسي) اتكسر و معصلج لكن الحمد لله فيه منه حوالي 1 سم من القلاووظ خارج لبره القنطره .. نخرج المسمار دا ازاي ؟؟؟
      انا رافض اي تسخين او قطع في القنطره .. حد مر بالتجربه دي قبل كدا
      و شكرا ليكم

      Comment


      • #4
        المشاركة الأصلية كتبت بواسطة new_mostafa مشاهدة المشاركة
        شكرا علي ردك

        من الملاحظه و العربيه مرفوعه انه لما الموتور بيعلي يعني لما اكبس بنزين . بتنقط مايه و مش من ناحيه الردياتير خااااااالص ...

        و شكرا ليكم
        دى طرمبة المياة الى بتنقط عندك هتحتاج تغيرها
        [SIGPIC]http://img546.imageshack.us/img546/6030/sh36.jpg[/SIGPIC]

        Comment


        • #5
          متابع بأهتمام
          [SIZE=4][COLOR=blue]اللهم ارنا الحق حقا وارزقنا اتباعه وارنا الباطل باطلا وارزقنا اجتنابه للتواصل 01025698091 01149400460
          [/COLOR][/SIZE]

          Comment


          • #6
            او طبة من طبب الميه اللى فى الماتور هى اللى بتسرب

            Comment


            • #7
              متابع بأهتمام الصيف على الابواب

              Comment


              • #8
                شكراا لكل الردود .... عدي 15 يوم و كل يومين ازود نص لتر مايه .... نفس المشكله عند الفحص عند الميكانيكي كل حاجه 100/100 و بعد ما امشي المشكله موجوده ... حد يعرف ميكانيكي فيات حيث ... و هل الاصح تروح لميكانيكي ولا لبتاع ردياتيرات ؟؟!!

                Comment


                • #9
                  بالنسبه لموضوع الترموستات لا اعتقد انها مهيسه .. ﻷن بالاساس لو مهيسه كان اداء دوره الميه اتلخبط و كان ظهر علي مؤشر الحراره
                  ارجح موضوع طرمبه المايه في انتظار رأي الخبراء

                  Comment


                  • #10
                    تم بحمد الله تحديد مكان التسريب ... ماسوره المياه الخارجه من الطرمبه .. الماسوره مهترأه و الباروما مخليها مخرمه .. لما الضغط يعلي يبتدي التسريب

                    Comment


                    • #11
                      نصيييييييييييييييييييييييييييييييييييييييييييييييي حه ياجماعه الميه الخضرا كلام فاضي عن تجربه وتجربة ناس كتير افتح صفحه جديده مع عربيتك ونظف دورة التبريد وروح عند اي حد من موزعين قطع غيار تويوتا المعتمدين وهات منه ازازتين ميه حمراء وحط عليهم 3لتر ميه مقطره وامزجهم في بعض وسمي وشرب العربيه هاتتمنى تسمع صوت المروحه تاني وتشوف املاح في دورة ميه العربيه تاني الازازتين ب140 جنيه بس هاتنسى العربيه 3 سنين ان شاء الله

                      Comment


                      • #12
                        المشاركة الأصلية كتبت بواسطة new_mostafa مشاهدة المشاركة
                        تم بحمد الله تحديد مكان التسريب ... ماسوره المياه الخارجه من الطرمبه .. الماسوره مهترأه و الباروما مخليها مخرمه .. لما الضغط يعلي يبتدي التسريب
                        مبروك على الإصلاح!!

                        المشاركة الأصلية كتبت بواسطة تويوتا افريقي مشاهدة المشاركة
                        نصيييييييييييييييييييييييييييييييييييييييييييييييي حه ياجماعه الميه الخضرا كلام فاضي عن تجربه وتجربة ناس كتير افتح صفحه جديده مع عربيتك ونظف دورة التبريد وروح عند اي حد من موزعين قطع غيار تويوتا المعتمدين وهات منه ازازتين ميه حمراء وحط عليهم 3لتر ميه مقطره وامزجهم في بعض وسمي وشرب العربيه هاتتمنى تسمع صوت المروحه تاني وتشوف املاح في دورة ميه العربيه تاني الازازتين ب140 جنيه بس هاتنسى العربيه 3 سنين ان شاء الله
                        المية خضراء او حمراء حاجة واحدة ياباشا الفرق مجرد لون وتركيز الميه وكل شركة مصنعة ليها لون مخصص ياعنى الالمانى واليابانى مية حمراء والفيات والكورى خضراء والأمريكى برتقالى واسمع ان فية ميه جديدة نازلة زرقاء والكل تركيبة واحدة مع اختلاف التركيبة والتركيز لك تحياتى؟؟؟
                        [U][SIZE=5][COLOR=Lime]مع تحياتى وليد [/COLOR][/SIZE][/U]
                        [SIGPIC]http://www.nilemotors.net/Nile/signaturepics/sigpic130473_3.gif[/SIGPIC]

                        Comment

                        Working...
                        X