العربية مكتومة

[Ahmed_Lancer]

السلام عليكم
انا معايا لانسر 98 مانيوال والموتور عامل 315000 كم

من حوالى اسبوع وانا ماشى فى امان الله لقيت صوت العربيى بقى غريب وبقت العربية مكتومة وبقيت حاسس برعشة خفيفة فى العربية ممكن يكون اللى قاعد جنبى مش حاسس بيها بس انا باحسها فى الفتيس والدواسات والدركسيون بالاضافة لكده انى بحس ان الدركسيون تقيل شوية

ولما اجى بدوس جامد على البنزين باسمع صوت غريب رفيع كده (عننننننننننـ...) مختلف عن صوت الموتور الطبيعى ده غير ان سحب العربية بيبقى ضعيف

والموضوع ده بيروح وييجى ومكنتش اعرف من ايه

المهم بعد الملاحظة لقيت ان الموضوع ده كله بيحصل بس لما مروحة الرادياتير بتشتغل و كذلك لما اجى اشغل التكييف
رحت لميكانيكى واتنين وتلاته

الاول قال لى : العربية مفهاش حاجة وانت بيتهيألك

التانى قال لى : التاكيهات بتاعت العربية مفتوحة وعايزة تتظبط والكربراتير عايز ينضف

التالت قال لى : عندك مشكلة فى قواعد الموتور

المهم انا بخبرتى البسيطة لاحظت ان التكييف ومكنة الباور موجودين فى سير واحد يمكن علشان كده لما باشغل التكييف الدركسيون بيتقل بس السؤال هنا طب ايه دخل مروحة الرادياتير بالموضوع؟

والمشكلة اللى فى العربية دى ميكانيكا ولا كهرباء ؟

افيدونى جزاكم الله خيراً

[Ahmed_Lancer]

ده بالاضافة الى انى لاحظت ايضاً ان العربية لما تكون دايرة وهى واقفة فى مكانها الاقى الموتور بيتهز هزة خفيفة (حتى لو مروحة الرادياتير مش شغالة) والهزة دى غير منتظمة يعنى بتروح وتيجى

حد يرد عليا ربنا يكرمكم يا رب

[Ahmed_Lancer]

رحت لميكانيكى رابع واتأكدت انها قواعد موتور لأن الموتور بيلف لورا لما ادوس بنزين :(

لكن لسه معرفتش ايه سبب الصوت اللى بيطلع لما مروحة الرادياتير او التكييف يشتغلوا ....صوت عامل زى الصفارة او صوت هوا كل ما دوس بنزين جامد

حد يعبرنى يا جماعة

[usama_usmm]

هو انا مش خبير بس من كتر الذهاب الي صنايعيه هاقولك علي حاجه اولا اقطع الشك باليقين وبص علي قواعد الموتور بعينك او ادي العربيه غيار وهي مبطله طبعا وهز العربيه وبص علي الموتور ثابت ولا لا
2 التاكيهات لو مفتوحه هتسمع صوت زي رنه كده في الوش من فوق وانت ادري بصوت عربيتك وده عكس اللي انت بتولو لانها مخنوقه
3 المروحه لازم لما تشتغل تعمل فرق بسيط لانها بتسحب كهرباء كتير وبتخلي الدينامو يحمل جامد وطبعا هو علي سير علي الموتور بس اتاكد من سلك الارضي نضفه كويس بميه سخنه واربطه كويس 4 هات اسبراي تنضيف كربراتير او انجكشن حسب عربيتك ونضف الحساسات والبوابه وكل ما يمكن تنضيفه والبيكات في الكربراتير وغير فلتر بنزين ونضف فلتر الهواء وكده عملت سرفيس للعربيه هيفوقها

[Mostafa Hessen]

ان شاء الله دى كهرباء
وغالبا الدينمو بيطلع شحن مش مظبوط
قيس شحن الدينمو