جربت تحط ايدك علي فتحه تزويد الزيت والعربيه دايره ؟

[mahmoud85]

بسم الله الرحمن الرحيم
فيه ناس بتقول لما تحط ايدك علي فتحه تزويد الزيت في العربيه وهي دايره (طبعا بعد ما تفك الغطا ) بتحس بقوه سحب او شفط لايدك وفي ناس بتقول انها بتحس بقوه طرد
ياتري ايه الصح وتفسير ده ايه ودلالته علي قوه المحرك ؟
وشكرا مقدما

[ابو لؤى]

سبحان الله وبحمده سبحان الله العظيم

[م.محمد علاء]

دي إشتغالات ليس لها اساس.

[mahmoud85]

دي إشتغالات ليس لها اساس.

تفسيرك ؟

[Survival]

الدلالة اللى انا شايفها انك ما تعرفش الناس دى تانى و لا تسمع منها.

[abo-berry]

انا فعلا سمعت الكلام ده قبل كده , يقولك حط ورقه وهتلاقيها بتعمل زى اهتزاز ويقولك دى حاجه فى التاكيهات , طبعا انا مجربتش ومعرفش الكلام ده صح ولا غلط

[dr.hazem]

انه الفتي اللي ملوش حدود....

[abo-berry]

انه الفتي اللي ملوش حدود....

بالظبط كده , 99 % من الصانيعيه حافظين مش فاهمين

[speed_magnum]

وماله.
كل شيء جايز

[emam]

معلومة كنت عرفتها من زميل من سواقين الشغل معانا ان لو فيه دخان ومعاه طرطشه زيت يبقا الماتور خفيف والله اعلم

[Fo1Fo]

الوقت اللى فيه بستم نازل فى حجره الكرنك فى بستم تانى طالع فالأثنين او الأربعه ضغطهم بيعادل بعض فيدوبك لوحطيط ورقه ها تحس بزبزبه خفيفه انما لو الموتور مفوت ولا محتاج شنبر ها يبدأ يخرج غازات عادم من خرطوم الفايظ اللى جاى من كارتيرة الزيت أسفل الموتور و داخل الى عمة الكربراتير وكل ما قلت كميه وضغط الغازات اللى خارجه من الخرطوم ده دليل على حبكة حلقات البستم (الشنبر ) وبالتالى قوه المحرك

[م.محمد علاء]

الوقت اللى فيه بستم نازل فى حجره الكرنك فى بستم تانى طالع فالأثنين او الأربعه ضغطهم بيعادل بعض فيدوبك لوحطيط ورقه ها تحس بزبزبه خفيفه انما لو الموتور مفوت ولا محتاج شنبر ها يبدأ يخرج غازات عادم من خرطوم الفايظ اللى جاى من كارتيرة الزيت أسفل الموتور و داخل الى عمة الكربراتير وكل ما قلت كميه وضغط الغازات اللى خارجه من الخرطوم ده دليل على حبكة حلقات البستم (الشنبر ) وبالتالى قوه المحرك

ممكن بردو..
مع مراعاة إنك تكون سادد فايظ المحرك.
بس لو فيه طرد بقوه.ده يبقى دلاله إن مش الشنابر مفوته.ده مفيش شنبر من اساسه.

[Walid_M]

تحياتي

[محمود السيد]

هروح اسئل وراجع