مشكلة في العريبة و مش عارف ايه الحل

[كشك7]

السلام عليكم و رحمة الله و بركاته
انا عربيتي هيونداي اكسيل 96
المشكلة ان العربية كانت بتغيب علي ما تدور لما تكون بردة و كانت اول ما تلقط و تشتغل تفصل علي طول و تعمل جعرة عالية اوي والحاكاية دي بتتكرر حوالي 10 مرات علي ما تدور
المهم روحت لكهربائي قالي روح لميكانيكي ... و الميكانيكي قالي غير البوجيهات و غيرتها و بعدين قالي روح لكهربائي قوله بص علي المارش . روحت للكهرابائي و فك المارش و فتحه و نطفه و ركبه و من بعدها اول لما العربية تدور المارش يعمل جعرة عالية و تشتغل العربية عادي بس احيانا تدور بعد مرة او اتنين المهم قولت للكهربائي علي الحكاية دي قالي عندك في سنتين مكسورين من ترس الفلام
فقولته غيره قالي كده لازم افك الموتور
ارجوكم قلولي ايه الحل و الراجل ده كلامه بجد و لا ايه
و اشكركم مقدما

[mfs3570]

هوه ........ الكهربائي ملوش دعوه اصلا بفك الموتور ............ وحتي لو فيه سنتين من الفولام مكسورين وده شئي مستحيل الفولام هيدور علي باقي السنون .......... ياريت حضرتك تشوف ميكانيك تاني او كهربائي تاني

[mfs3570]

كمان المارش ده مش مستريح لازم يريحه يعني يفك من المسمار ده سنه ويربط التاني سنه وهكذا لحد لما الصوت يهدي وياريت حضرتك تغير فلتر البنزين وتنظف فلتر الهوا .. والعربيه ان شاء الله هتدور من اول مره

[كشك7]

الف شكر ليكم يا جماعة علي الرد
اعذروني علشان انا لسه جديد في موضوع العربية
انا نضفت فلتر الهواء و غيرت زيت العربية
العربية بتدور عادي بس كل كام مرة تدور بعد محاولتين و لا تلاتة
بس في كل مرة بتدور فيها لازم تعمل الصوت العالي يا ريت توضحولي
بكرر اسفي و باعتذر منكم بس المشكلة ان خبرتي ضعيفة و دي اول عربية اجيبها و لسها بقاله اسبوع بس و خايف من الميكانيكية و الكلام بتاعهم

[mfs3570]

بص ياباشا .......... هقولك حاجه تريحك خالص ..... روح للكهلربائي وخليه يفك المارش من العربيه ...... خالص ...وبعد كده دور العربيه عن طريق الزق ...لان المارش مفكوك ..لو الصوت ظهر تاني يبقا خلاص المارش برائه ولو اختفي يبقا العيب في المارش ................. ولو حضرتك من القاهره انا ممكن اقابلك واعملك الموضوع ده ........ لان صعبان عليا اللي انت فيه ...وممكنم ابعتك لميكانيكي وكهربائي من الاخر ........... هيقولولك اتلعيب فين بالضبط وبدون اي مقابل ولا انا ولا حتي الصنايعيه ........... حتي يتم الاصلاح النهائي
01113570951 محمود فتحي

[mrastra]

كلام الكهربائى مظبوط
ترس الفولام عندك متاكل
والصوت صادر من احتكاك ترس الفولام بترس البندكس بتاع المارش

الحل
لازم الفتيس يتفك وتغير الترس فقط بتاع الفولام اما لو ان الفولام والترس حتى واحدة يبقى لازم تغير الفولام بالكامل وتجيبة استيراد فى حدود 50 جنية
ومصنعية فك وتركيب حوالى 120 جنية
ولو غيرت ترس الفولام او الفولام بالكامل كاجراء وقائى غير ترس البندكس بالمرة

[كشك7]

الف شكر علي الرد

[Yones]

طب معلش ياجماعة انا عندى مشكلة مشابهة....وهيا ان العربية عندى لو مشيت بيها يوم مثلا وركنتها وجيت ادورها تانى يوم متدورش من اول مرة تدور من تانى او تالت مرة....لكن لو دورتها وممشيتش بيها يوم كامل وادورها اليوم اللى بعده تدور من اول مرة.......بجد حاجة غريبة ومجنانى رغم ان الكربيراتير معموله صيانة والبوجيهات جديدة وطلمبة البنزين كهربا (Stock) موجودة تحت التانك ياترى العيب ممكن يبقى من ايه ؟؟

[Yones]

اتمنى الافادة ياجماعة بارائكم لان المشكلة دى بجد محيرانى بقالها فترة طويلة ومش لاقيلها حل

[mrastra]

لو حضرتك توصفلنا بدقة
هل المارش بيلف لكن الموتور مش بيدور
ولا
المارش نفسة مش بيلف وبيعمل صوت تكة او ما فيش اى اصوات

[كشك7]

لو حضرتك توصفلنا بدقة
هل المارش بيلف لكن الموتور مش بيدور
ولا
المارش نفسة مش بيلف وبيعمل صوت تكة او ما فيش اى اصوات

انا مش فاهم قصد حضرتك
بس هحاول اوضح
بص يا باشا العربية دلوقتي بعد ما غيرت البوجيهات لما اجي ادورها بتدور بس المارش بيعمل صوت عالي للحظة و يروح الصوت و العربية تشتغل عادي
بس احيانا متدورش غير بعد مرتين او تلاتة

[mrastra]

بس احيانا متدورش غير بعد مرتين او تلاتة

مهو انا بسال فى الجزئية دى
لما ما بتدورش تقصد المارش بيلف والعربية مش بتلقط وتدور؟
ولا ما فيش دوران للمارش من اصلة

[كشك7]

مهو انا بسال فى الجزئية دى
لما ما بتدورش تقصد المارش بيلف والعربية مش بتلقط وتدور؟
ولا ما فيش دوران للمارش من اصلة

بص هقولك
المارش بيلف بس العربية مش بتدور

[mrastra]

يبقى نفس العيب
ترس الفولام ومعاة ترس البندكس