العربيه بتبطل و لما اشيل فيشه البطاريه واحطها تدور

[shadygalal669]

بسم الله الرحمن الرحيم

السلام عليكم و رحمة الله

انا معايا عربيه بيجو 406 موديل 1999
اللي حصل اني كنت في مشوار و طالع كوبري وعلي طلعه الكوبري العربيه كانت واخده ال3 و هديت عشان الطريق زحمه و مشغل التكيف و العربيه جت سقطت غيار عشان تطلع الكوبري لقيتها اول ما سقطت الغيار بطلت ادورها تدور لكن اول ما ادوس بنزين تبطل تاني علي طول
كان في ميكانيكي علي الكوبري بموتسيكل كدا جه فتح الكبوت وكان معاه مفتاح قلب حاجه او فتح حاجه تحت عند الجزء اللي معلم عليه ده



وبعدين قالي دور قامت العربيه دارت و مفيهاش مشاكل و بعدين فتح علبة الفيوزات اللي خلف البطاريه و قلب الفيشه المربعه مش لاقيلها صوره للاسف هي في علبة الفيوزات اللي خلف البطاريه و قالي انا كدا قالب الفيشه و العربيه مشيت قالي حساس مش فاكر ايه طار من العربيه و راح اشتري حساس تاني مكانه و نزل تتحت العربيه ركبه من تحت كدا حساسا منغير اي فيشه عباره عن حلقه دائريه كدا

انا مكنتش عارف اروح معاه لان كان معي اختي و امي و زوجة اخي

المهم العربيه قعدت يومين كدا و عملت نفس القصه تاني مع اخويا راح لميكانيكي قاله افضل فيشه البطاريه و رستر الكمبيوتر و هتدور و ده اللي حصل فعلا

مجرد ما رستر الكمبيوتر العربيه مشيت عادي وقاله لو عملتها تاني رستر تاني وخلاص

انا عايز اعرف ايه اللي عمله الراجل ده خلاها تدور في الاول وايه الحساس اللي عامل زي الحلقه ده يادوبك حط عليه زيت وركبه من تحت
وممكن يكون ايه العيب دلوقتي ؟؟

اسف علي الاطالة

[adelghanem]

متابع

[dr.hazem]

متابع..

Sent from my LT18i using Forum Runner

[HOSSAM99]

و عليكم السلام و رحمة الله و بركاته
أولاً الميكانيكي ده نصاب للأسف .. لأن ببساطه لما بيبقي فيه عيب في حساس ما في أي عربيه علشان تعرفه لازم تكشف بالجهاز لكن هو ما شاء الله عليه عرف العيب بمجرد النظر ... و كمان طلع مكان الحساس مستخبي تحت العربيه علشان حضرتك متشوفش بيركب أيه و كمان عارف مكان قريب بيبع قطع غياربيجو و بالأخص حساسات !!
حضرتك العربيه لما تعمل كده تاني لازم تكشف أعطال بالجهاز من غير ما تفصل البطاريه علشان كود العطل ما يتمسحش
و خلي ميكانيكي فاهم يراجع علي ضغط طلمبة البنزين بعد مشوار محترم (بتعمل نفس الأعراض دي في أواخر أيامها)

[shadygalal669]

و عليكم السلام و رحمة الله و بركاته
أولاً الميكانيكي ده نصاب للأسف .. لأن ببساطه لما بيبقي فيه عيب في حساس ما في أي عربيه علشان تعرفه لازم تكشف بالجهاز لكن هو ما شاء الله عليه عرف العيب بمجرد النظر ... و كمان طلع مكان الحساس مستخبي تحت العربيه علشان حضرتك متشوفش بيركب أيه و كمان عارف مكان قريب بيبع قطع غياربيجو و بالأخص حساسات !!
حضرتك العربيه لما تعمل كده تاني لازم تكشف أعطال بالجهاز من غير ما تفصل البطاريه علشان كود العطل ما يتمسحش
و خلي ميكانيكي فاهم يراجع علي ضغط طلمبة البنزين بعد مشوار محترم (بتعمل نفس الأعراض دي في أواخر أيامها)

انا كنت حاسس انه نصاب والله لاني قولتله هات رقم موبيلك قعد يفبرك اي رقم و يقولي هتتصل تلاقيه مقفول دلوقتي

انا حاسس ان طلمبة البنزين ممكن لان عندي لما العربيه بيبقي فيها ال1/4 التانك كدا لو بطلت مش بتدور غير لما تحط بنزين
او لو وقفتها علي طريق نازل و فيها ربع التانك بتلاقيها مش عايزه تدور لازم تكون فيها اكتر من الربع او علي طريق عدل

[vecevector]

ياباشا الموطوع بان العربيه مش بدور لو ربع التنك مليان كده خراطيم الراجع بتاع البنزين مخلوف مع خرطوم سحب الطرمبه لان ماسوره الراجع في التنك بتكون اعلي من ماسوره السحب في التنك

[shadygalal669]

ياباشا الموطوع بان العربيه مش بدور لو ربع التنك مليان كده خراطيم الراجع بتاع البنزين مخلوف مع خرطوم سحب الطرمبه لان ماسوره الراجع في التنك بتكون اعلي من ماسوره السحب في التنك

تسلم يا فندم

انا هقول للميكانيكي علي المعلومه دي