استفسار بخصوص التاكيهات للشاهين

[eldeplomasy]

ده تكلمة موضوع الحقوني اللى اتلغى من قبل الادارة

انا كنت عايز اسال هل التاكيهات ممكن تقفل لوحدها ولا بتفتح بس وهل الفتح ممكن يسخنها لدرجة انها توصل ل110 درجة عند سرعة 160كيلو ومبتنزلش غير لما اشيل رجلي من على دواسة البنزين؟؟؟

ولا التاكيهات سواء قفلت او فتحت مش بتسخن مع العلم ان العربية سحبها ممتاز والزيت مقياسه كويس جدا هو بس متوسخ شوية والميه في الردياتير مش بتنقص وعاديه جدا الحمد لله

فيدوني افادكم الله

وشكرا جزيلا

[eldeplomasy]

معلومة العربية اللى بتكلم عنها الشاهين موديل 2006 ال 1600 مش ال320


وصحيح نسيت اقولكوا استملنا ال320 بصراحه لازم كلكوا تركبوها

[bishoy02010]

يلا عدى علينا انتة بس و نركبها معاك انتة تؤمر

[tmedhat]

الحرارة على السرعة العالية
حاجة من اتنين
يا الرادياتير مش سالك كويس
يا الشكمان مسدود او مكتوم شوية

[ahmedsrs]

هى الشاهين 2006 ألأنجكشن فيها تاكيهات ولا كستوبنات

[tmedhat]

شاهين 2006 تاكيهات 0اطباق بتتغير زى ال128بالضبط

[FIATBloodline]

والله انا لو مكانك اول حاجه هبص عليها
the radiator

[sab3aawy]

عندنا فيه حاجتين بيتاكلو فى الصباب، من الآسفل الصباب نفسه وقاعد ةالصباب بيتاكلو ، ودول يخلو التاكيه يقفل ويحمل ، ومن الأعلى التآكل فى ركبة الكامة والطبق يؤدى ان التاكيه يفتح ، وبالتالى ايهما اسرع تآكلا هو اللى هيحدد التاكيه فاتح وللا قافل ، كما ان ضبط التاكيهات بيتلخبط بعد اى اعمال ضبط مثل تغيير عمود الكامة او الفارغة بتاعته،او عمل طقم صباب، لذلك لا مانع انك تكشف على خلوص التاكيهات لان الموضوع مش هيكلفك اكتر من 20 جنيه، وبالفعل التاكية لما يكون مقوفل ومحمل يسخن العربية جدا،

بالنسبة للحرارة، فممكن تغير الردياتير الى ردياتير نحاس لو كان اللى عندك حديد، وممكن تستعمل الثرموستات الواطى او تركب مروحة دائمة الحركة على طرمبة المية