نقاش حول الفرق مابين الكاتينه الجنزير والكاتينه الكاوتش

[hossam_elwani]

معلوماتى ان الكاتينه الكاوتش تم استخدمها كجيل حديث من السيور بدل عن الكاتينه الحنزير الحديد وده عشان تقليل اصوات الاتحكاك فى مساره فى المحرك

انا شايف ان المعلومه دى اكذوبه كبيره لان الصوت مش فارق كتير بين الاتنين والدليل هو صوت محرك الالنترا hd او md كمثال هادى جدا ومتسمعش ليه صوت

وكان الغرض من التغيير هو استنزاف اصحاب السيارات للتغير بشكل دورى للكاتينه الكاوتش كل 60 الف كيلو او اقل بدا ماكانت الكاتينه الجنزير بتقعد تقريبا بعمر المحرك


حد عنده اضافه او رأى مخالف؟؟

[amrelsaqqa]

الفكرة في السير كانت انه ارخص واخف في التصنيع فبيقلل تكلفة العربية وطبعا ما تستهونش بالمبلغ اللى يتوفر حتى لو كان تافه ، يعنى لو 10 دولار بس اقل في تكلفة العربية الواحدة هتجمع معاهم مليارات .. كمان السيور والفلاتر بتمثل نسبة كبيرة من اكل عيش التوكيلات ومراكز الخدمة ، يعنى كسبان كسبان في الحالتين ، بيريح دماغه في التصنيع ، وانت اللى تلبس في الصيانة بعد كدة ..


موضوع انه انعم وصوته اقل ده غير ملاحظ تماما في المواتير الحديثة وفعلا تكاد تكون اشتغالة ليس الا ، يمكن كانت بتعمل فرق مع المواتير القديمة انما الجديدة في رأيي لا ، بالعكس انا شايف انها بتخلى صوت الموتور لذيذ :d



وفي الفترة الاخيرة الملاحظ ان المصنعين كلهم تقريبا رجعوا للجنزير تانى زي كيا-هيونداى ، نيسان ، جينرال موتورز ، ومن قبلهم تويوتا ..

[amrelsaqqa]

بس ارجع اقولك كموضوعية برضه في الكلام ، كله ليه ميزاته وعيوبه ، الجنزير حوار ، وتغيير الجنزير بالتروس بالبلف حوار كبير ومصاريف عالية ، وخلى بالك الجنزير برضه مش بيعيش العمر يعنى .. وحساس اوى لنوع الزيت وتغييره في مواعيده ..

والاهم من ده كله ، ان مشكلة قطع السير وكسر الصبابات ، مش محمية تماما في نظام الجنزير ! ميزة الجنزير انه بيعمل اصوات تحذيرية قبل ما يبوظ ، لكنه مش محمى من القطع على ار بي ام عالى ، وساعتها النتايج بتبقى كارثية ، اكتر من السير

[hossam_elwani]

بس ارجع اقولك كموضوعية برضه في الكلام ، كله ليه ميزاته وعيوبه ، الجنزير حوار ، وتغيير الجنزير بالتروس بالبلف حوار كبير ومصاريف عالية ، وخلى بالك الجنزير برضه مش بيعيش العمر يعنى .. وحساس اوى لنوع الزيت وتغييره في مواعيده ..

والاهم من ده كله ، ان مشكلة قطع السير وكسر الصبابات ، مش محمية تماما في نظام الجنزير ! ميزة الجنزير انه بيعمل اصوات تحذيرية قبل ما يبوظ ، لكنه مش محمى من القطع على ار بي ام عالى ، وساعتها النتايج بتبقى كارثية ، اكتر من السير

هو السير الجنزير لازم يتزيت كل فتره ؟؟!!

[amrelsaqqa]

هو السير الجنزير لازم يتزيت كل فتره ؟؟!!

غالبا بيبقى في مجاري للزيت ناحية وش التقسيمة مع دورة الزيت يعنى ، والحتة دى بيبقى لها مشاكلها في تسريب الزيت وتغيير الاولسيهات كل شوية

[amrelsaqqa]

في الهندسة عموما مفيش حاجة كلها مميزات 100%
وحاجة كلها عيوب 100%
لازم يبقى فيه tradeoff يعنى مقايضة ، تختار ايه على حساب ايه

يعنى كمثال ، موتور 1 كامة احسن من 2 كامة في حاجات ، و 2 كامة احسن من 1 كامة في حاجات تانية ، وهكذا ...

[engwms]

متابع...........

[mae54m]

الكاتينة الجنزير افضل لانها بتعيش اكتر وكمان مبيقطعش فجاة زى الكاتينة الكاوتش وده لو حصل مثلا فى الكاتينة الكاوتش ممكن يسبب اضرار بالغة للمحرك لكن فى الفترة الاخيرة دى ومع تطور صناعة السيارات تطور كبير اصبح هناك كاتينة كاوتش مصنعة من خامات افضل من السابق وبتكنولوجيا افضل عاشن تعيش اكتر .

[ahmedsrs]

الكاتينة الجنزير تحتاج الى تزييت لتقليل الاحتكاك ونتيجة لموضوع الاحتكاك الكاتينة الجنزير الى هى اثقل من السير الجلد تستهلك جزء من الهورس بور للمحرك

[hossam_elwani]

الكاتينة الجنزير تحتاج الى تزييت لتقليل الاحتكاك ونتيجة لموضوع الاحتكاك الكاتينة الجنزير الى هى اثقل من السير الجلد تستهلك جزء من الهورس بور للمحرك

معقول انها توصل للاستهلاك جزء من القدره الحصانيه؟؟

[ahmedsrs]

لو فرضا كفائة الكاتينة الجلد ١٠٠٪ فكفائة الكاتينة الجنزير ٩٧٪ والفرق قوة حصانية ضائعة فى الاحتكاك بين الوصلات والبكرات

[mk3]

ليه متقولش ان عزل المواتير هو اللى زاد مش صوت الجنزير هو اللى اختفى

[akmm]

ايا كانت الآراء .... فالكاتسنه الحديد او الجنزير يعنى اكيد اقوى من السير الكاوتشوك واطول عمرا .... وفى النهايه التكلفه متقاربه مابين تغيير الجنزير والسيير الكاوتش .