مشكلة كبيرة فى ريجاتا نوفا موديل 86

[Mrs.Aya]

السلام عليكم ورحمة الله وبركاته
العربية بقى لها فترة معايا مش عارفة امشى بيها والشفاط مقفول بتطفى منى دا اولا ثانيا وانا ماشية بيها فجأة لو زودت بنزين العربية تكركر وتفصل زى ما يكون كل ما ادوس بنزين بدل ما الار بى ام يعلى يوطى لحد ما العربية تقف وافضل احاول ادور فيها وانا بكارك بنزين لحد ما تدور وتفضل تفصل وشوية تستجيب لتزويد البنزين وبحس انها لما بتعمل كدا زى ما تكون مكتومة ولما اضغط عليها بكارك البنزين الشكمان يطلع دخته تقريبا سودة احيانا مش على طول يعنى المهم بعد ما افضل اعمل كدا بتاع عشر دقايق تبدأ تمشى تانى وتبقى تمام بس برضو بفتح الشفاط عشان اضمن انها متفصلش منى والمشكلة دى كررتها كتير اوى معايا
واحيانا وانا سايقة لما اجى انقل سواء لاعلى او اقل واجى ازود بقى بنزين اسمع تكتكة واحس بالتكتكة دى على دواسة البنزين

وفى اثناء دا مرة وانا ماشية مقياس الزيت وقع واالزيت كله غرق المكنة كلها ومغسلتش المكنة ولا حاجة بس المشكلة زادت اوى بعد الموضوع دا
المهم

رجت للميكانيكى نضف الكاربيراتير وغيرت بذاذة البنزين وقالى جربيها يومين
هو معنتش بحتاج الشفاط الا اول ما ادور العربية وهى باردة وبس ودا كويس بس برضو المشكلة ظهرت تانى ورجعت تانى اضطر انى افتح الشفاط وانا ماشية
رجعتله تانى قالى خلى الكهربائى يشيكلك على الدينامو والاسبراتير
وديتها للكهربائى كان فعلا فى سلكين مش متظبطين المهم عادلى على كل السلوك وقالى انا شايف الدينامو والمشط بتاع الاسبراتير تمام بس لو تحبى هاتى دينمو جديد بالمشط وانا اغيرهولك اريح يعنى

انا حاليا بدور على دينمو
بس هو لما ظبطلى الوصلات والسلوك جربتها لمدة يومين لقيتها مش بتفصل منى وانا ماشية بس احيانا وانا ماشية واجى ادوس على دواسة البنزين اسمع تكتكة جامدة واحس بالتكتكة دى على دواسة البنزين واحس ان العربية مش بتسحب معايا كويس


يا ترى دا بقى عيب اية وهل فعلا ممكن يكون من مشط الاسبراتير ولا اية بالظبط ؟؟!!!
واروح لميكانيكى ولا كهربائى ولا عفشجى ولا اية ؟؟؟؟

[ابو لؤى]

ياترى الكركره دى زى صوت تسقيف كده ولا حاجه تانيه ؟

[Mrs.Aya]

ياترى الكركره دى زى صوت تسقيف كده ولا حاجه تانيه ؟

لا مش زى صوت تسقيف زى ما يكون حد بينفخ هوا فى المية كدا كركرة لما اجى ازود بنزين بيبقى الار بى ام عاوز يعلى معايا بس بدل ما يعلى بيوطى لحد العربية ما تفصل

التسقيف دا زى صوت التكتكة وانا بزود بنزين وبحس بها فى دواسة البنزين بحس ان مع كل تكتكة الدواسة بتصد فى رجلى على خفيف كدا

[ابو لؤى]

مشكله انك لمه تشيلى رجلك تبطل دى كربراتير ويستحسن لو حضرتك عملتيلو طقم اصلاح قبل كده او بيسموها اكس وباب تمسكى الكربراتير تحدفى من الشباك وتجيبى واحد استيراد او جديد

[ابو لؤى]

اكن حد بيبخ بنزين جااااامد مره واحده كده او زى صوت بخار المكوه ؟ ده كربراتير صدقينى نفس مشكلتك كانت عندى

[ابو لؤى]

موضوع الكهرباء كنت لسه هقولك اظبطى الكهرباء لانها كانت بتعمل معايا كده لمه يكون الكهربا مأخره انما حضرتك بتقولى مشط الكترونى وانا بصراحه ماعرفش بيتظبط ولا لا زى الشاكوش عندى

[Mrs.Aya]

اكن حد بيبخ بنزين جااااامد مره واحده كده او زى صوت بخار المكوه ؟ ده كربراتير صدقينى نفس مشكلتك كانت عندى

انا فعلا عن قريب عملت طقم اصلاح مستورد والمرة دى نضفلى الكربيراتير بعلبتين والمشكلة راجت بس صوت تكتكة لما اجى ازود بنزين بين نقلة ونقلة واحس بيها بتصد فى الدواسة على خفيف مش جامد يعنى بقت اكتر والصوت بقى اعلى
ووانا ماشية معدتش بتفصل لكن بحسها احيانا بتهنج منى كدا السحبة بتاعتها فجأة مش تبقى تمام

ونسيت اقول ان الاول قبل التصليح لما كنت اطفى العربية تفضل تكركر برضو اكنها لسة دايرة بتاع دقيقة ولو عاوزاها تبطل اسرع ادوس بنزين مرتين كدا تقوم تهدى وتبطل الكركرة دى

وبعد الاصلاح المشكلة دى اختفت بس ظهرت مرة واحدة بس لمدة 3 ثوانى كدا

دا بقى من اية ؟؟
معلش تعبتك معايا

[Mrs.Aya]

موضوع الكهرباء كنت لسه هقولك اظبطى الكهرباء لانها كانت بتعمل معايا كده لمه يكون الكهربا مأخره انما حضرتك بتقولى مشط الكترونى وانا بصراحه ماعرفش بيتظبط ولا لا زى الشاكوش عندى

اه فعلا هو الكترونى والكهربائى قالى انا شايفة كويس ومية مية اهو يمكن لو لحظة المشكلة لما بتحصل اشوف العربية - ودا صعب جدا لان ملهاش مواعيد ههههههه - اقولك فيه عيب ولا لا والاضمن نغيره وبدور حاليا على واحد

[ابو لؤى]

موضوع انها تفضل دايره دى يأما كربراتير وحش يأما ظبطه كهرباء وغالبا هيا ظبطه كهرباء بس انا مش عارف فكره المشط الالكترونى دى بتكون زى عندنا ولا حاجه تانيه فهمانى ؟

[ابو لؤى]

طب ممكن سؤال حضرتك بتحسى اوقات ان الاربى ام بيعلى ويوطى لوحده لو العربيه دايره ؟ يعنى صوت الماتور بيعلى لوحده ويوطى

[ابو لؤى]

وبعدين الكهربائى عاوز يغير الدينمو ليه ايه دخل ده فى موضوع المشط

[Mrs.Aya]

طب ممكن سؤال حضرتك بتحسى اوقات ان الاربى ام بيعلى ويوطى لوحده لو العربيه دايره ؟ يعنى صوت الماتور بيعلى لوحده ويوطى

فعلا دا كان بيحصل لما كنت وانا ماشية تعمل كدا واضطر اشغل الشفاط كان بيعلى على الواقف لحد ما يوصل الار بى ام على 20 ولكن حاليا بعض الاصلاح ملجأتش انى افتح الشفاط تانى والوضع تمام مفيش غير بس التكتكة وان احيانا بتبقى سحبتها مش حلوة بحس انها مخنوقة لما ازودلها بنزين


وبالنسبة لمشط لاسبراتير هو مشط الكترونى الميكانيكى كان قالى غيريه يمكن المشط بيسخن فبيسبب المشكلة دى وانتى ماشية ولو صبرتى عليه خمس دقايق يبرد هتلاقي العربية دارت تانى

ومش عارفة الصراحة

[Mrs.Aya]

وبعدين الكهربائى عاوز يغير الدينمو ليه ايه دخل ده فى موضوع المشط

هو قال ان المشط بتاعى مش عارفة نوع اية كدا ان هو والدينمو حاجة واحدة مينفعش يتشال لوحدة ويتغير

فلازم لما اروح ادور على الدينمو اقوله دينمو بالمشط واوريهوله عشان يجيبلى زيه

مش عارفة دا صح ولا لا

[ابو لؤى]

بصراحه اول مره اعرف حوار ان الدينمو بيكون مع المشط ده ؟

[ابو لؤى]

هو ماتورك كام سى سى ؟