أرجو المساعدة: عايزة ماتور برافا 2001 وميكانيكى ضرورى

[Hala Refaat]

عندى برافا2001 1300cc ومحتاجة اعرف افضل مكان اجيب منه ماتور للعربية وبكام وميكانيكى كويس والعربية مركونة فى الهرم وأنا فى العاشر من رمضان وبقالها شهرين والناس دوخونى ياريت حد يفيدنى اعمل إيه؟؟

[mohmdomar]

هاتيه من عزبة شلبي بحوالي 1800 من غير ادوات التغذية والفتيس

[mr_hamed_s]

اعرف ميكانيكى فى المعادى كويس جداا وبيفهم فى العربيات الفيات
توديهالة وهوه ممكن يجيبللك الموتور وتريحى ماخك من وجع القلب ولو عايزة انتى تجيبية ممكن يركبهولك

هوه فى المعادى صقر قريش

[Hala Refaat]

شكرا على الرد لكن لى سؤال بالنسبة لميكانيكى صقر قريش هل حضرتك تقصد عمرو ؟ وممكن اعرف العنوان فين؟؟ وعلى فكرة عمرو دوخنى بمواعيد كتيرة ويوم ما ابنى وصل له متأخر زعل ومشى واعطيته ميعاد تانى يوم وانتظرته ولم يأتى

[Hala Refaat]

بالنسبة لعزبة شلبى انا لا اعرف احد هناك واريد ان اشترى الماتور بالكامل لأن الفتيس عندى مش تمام الماتور الكامل يعمل كام هناك ولو يقدر حد يساعدنى فى ميكانيكى كويس هو اللى يشترى الماتور يبقى افضل

[Hala Refaat]

اعرف ميكانيكى فى المعادى كويس جداا وبيفهم فى العربيات الفيات
توديهالة وهوه ممكن يجيبللك الموتور وتريحى ماخك من وجع القلب ولو عايزة انتى تجيبية ممكن يركبهولك

هوه فى المعادى صقر قريش

انا رقمى 01000311301 رجاء الاتصال بى لتبليغى بأى جديد وياريت سريعا

[i_Am_Legend]

الموتور موجود في الوكالة

[Hala Refaat]

الموتور موجود في الوكالة

ياريت لو توضح لى اكتر عند مين فى الوكالة ؟ وبكام ؟ وهل المحل بيضمن الموتور؟ وهل تقترح على ميكانيكى تعرفه يكون شاطر ومواعيده مظيوطة؟! انا تعبت من عدم وجود العربية وخايفة وهى بعيدة يتسرق منها حاجة ... ارجو المساعدة

[i_Am_Legend]

دة تاجر ومستورد قطع غيار... اسمة فاروق.. في عزبة شلبي... 01226473376 قوليلة انك من طرف احمد ايمن اللي معاه الالفا روميو السودا...هو اسعارة ممتازة..

[Hala Refaat]

حاذروااااااااا هذا المركز وعمرو النصاب

السلام عليكم ورحمة الله
قبل العيد بيومين كلمت عمرو بتاع البرافا شغال فى مركز فى صقر قريش فى المعادى واتفقت معاه انه يغير الموتور وبعد ماكان اتفاقه معانا على 4000 ج قال لى لا دى حتتكلف اكتر حوالى 4500 غير ورق الموتور وتكلفة نقلها للورشة وكان عايز يوديها الورشة فى القومية وبعدين اتفقنا انها تروح المركز فى المعادى فى صقر قريش علشان الأمكانيات وتخلص العربية بسرعة وجاب ونش تبعه على حسابى ورحنا الورشة وكان معى واحد قريبى واخد 3500ج والرخصة والمفتاح واتفق معايا بعد العيد بيومين ورحت له فى الميعاد مع ابنى ووجدت العربية كما هى وقال انا حأخلصها وتستلموها منى وحأتصل بيكم تجربوا العربية ولا داعى حد ييجى وانا عارف شغلى وضحك على ابنى بكلمتين المهم انتظرت اسبوع والتانى وكلمته قال بعد بكرة وذهب ابنى ومعه قريبى وجرب العربية قال لى الفتيس به نفس العيب اللى كان موجود والموتور تعبان ومفيش بوجيهات جديدة و... المهم قال العربية لسه مخلصتش واخد منه 300ج وراح له قريبى بالأمس فجأة فوجده حالل وش السلندر !!! الباشا جاب موتور قديم من عنده وبيحاول يظبطه علشان يشغل العربية وكان قبلها بيقول لأبنى ده احنا حنجتاج نصلح كذا وكذا يعنى التكاليف معدية ال 5000ج . قولولى النصاب ده أعمل معاه إيه؟؟؟

[جيفارا]

تفرشي له الملايات ع العام وتعملي موضوع تحذيري على
صفحة العام
وصفحة الفيات
وصفحة المحركات
وصفحة التعديلات


شرديــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـله..... وجرسيه...
وربنا يقدرك على فعل الخير...