مشكلة فى محرك السيارة

[hamadaelhariry]

السيارة كيا شوما 99 اوتوماتيك 1800 cc خليجى . مشكلة الموتور تتلخص فى وجود صوت كهرباء زائده او متأخرة ( صوت تسئيف او سكع ) أولا فى عمليه السحب و ثانيا على طول المشى بالسيارة كما لو انى حاطط بنزين 80 مع العلم ان انا استخدم بنزين 92 و تم تغير السيرفيس كامل ( بوجيهات - فلتر هواء - فلتر بنزين - سير كاتينة - تنظيف بخاخات ) . بخلاف ان rpm عالى حوالى 900 لفة عند الوقوف . رحت للميكانيكى قال ان جوان وش السلندر متحمص و هو ده السبب فى المشكلة . بخلاف تأخير النقل من التانى للتالت .
ارجو الأفادة . لأنى رايح التوكيل الأسبوع القادم .

[Muahmmad Honda]

خضرتك روح لكهربائى قوله اخرلى الكهربا و كل حاجة هتبقى زى الفل ان شاء الله :)

[hamadaelhariry]

شكرا للرد بس الموتور انجكشن

[akmm]

متابع .........................

[chiko]

الجوان ياا فندم .. غيره .. و خالي بالك من التقسيمه ..

[hamadaelhariry]

قصدك جوان وش السلندر

[chiko]

ايوه ..و طبعآ غيره بالاصلي

[Saforyaa]

اتوقع جوان الفرن تبقي تبص عليه بصة

[hamadaelhariry]

فى واحد تانى خالص بيفتى وقال المشكلة فى البنزين هو اللى وحش مع العلم ان العربية 128 بحط فيها 92 من نفس محطة البنزين و مفيش مشكلة .

[eleanor]

حضرتك بتقول ان العربيه انجكشن يبقى المشكله ان الموبينه بتدى كهرباء ضعيفه

[hamadaelhariry]

انا فعلا فكرت فى كدة و قلت للميكانيكى . قال ان الموبينه خاصة فى الأنجكشن يا اما شغالة يا اما بايظة مفيش وسط قلتلة يعنى مش ممكن تقطع كهربا لما تسخن قالى لأ زى مبقلك يا شغالة يا بايظة

[eleanor]

انا فعلا فكرت فى كدة و قلت للميكانيكى . قال ان الموبينه خاصة فى الأنجكشن يا اما شغالة يا اما بايظة مفيش وسط قلتلة يعنى مش ممكن تقطع كهربا لما تسخن قالى لأ زى مبقلك يا شغالة يا بايظة

لا ياباشا الموبينه بتضعف كان معانا مرسيدس سى 1800 برده فيها 2 موبينه كانت لما تدور الصبح تسمع صوت طقطقه وبعد ماتسخن تروح وبعد كده بتخلى العربيه تسقف ولو كبست بنزين تتخنق بزياده وتسقف جامد روحنا للمكينيكى وكشف عليها وقال الموبينه رقم 2 ضعيفه وفعلا اول لما غيرناها العربيه اتظبطت

[hamadaelhariry]

على العموم انا رايح التوكيل و هكشف بالكمبيوتر على الأعطال اللى موجودة علشان معظم الناس اللى انا رحتلهم قلولى البرنامج بتعها مش عندنا . اما نشوف رأى توكيل كيا ايه . و الأمر لله

[hamadaelhariry]

حتى كمان التوكيل معرفش ايه المشكلة و قال هنعمل مقايسة اصلاح علشان نعرف العطل او المشكلة فين و المقايسة لوحدها هتتكلف 2000 جنية و لو انا موفقتش على الأصلاح هدفع المبلغ ده و هاخد الموتور مفكوك و اروح بالعربية على كدة بالذمة ده كلام يتقال . و على فكرة بعد صوت التسئيف ظهر صوت تكتكه عامل زى صوت التاكيهات
اللى عنده الأفادة يقلى

[chiko]

بص يا باشا اسمع مني و ريح نفسك .. هتشيل الوش القديم ارميه و هات وش تاني استراد .. هتشتري نفسك من كل الكلام ده .. هي الكيا شوما و الريو مشهوره بمشاكل الوش خصوصآ لما بتسخن اوي .. و مفيش خراط بيعرف يعملها ميه ميه .. بتشتغل اه لكن مش بكفائه ..