العربيه طفت لوحدها والحراره قرب الاخر

[ashraf_msd]

السلام عليكم

كنت ماشي بالعربيه لاقيتها بتكركر واول ما وقفت في الاشاره بطلت مني
العربيه اوتماتك
المهم لاقيت الحراره قرب الاخر والريدياتير مافهوش ميه خالص وكل الميه بتنقط من تحت
مليت ميه لاقيتها برضو بتسرب من تحت العربيه
اولا هل في ضرر حصل للماتور عشان مشيت عليها وهيا سخنه؟ مشيت بتاع نص ساعه كده
ثانيا ممكن يكون السبب طرمبه ميه ولا رديايتر ولا ايه بالظبط

[mrastra]

اكيد فى كوعة مياه مقطوعة بتسرب المياة او جزء من الردياتير
لازم يتغير بسرعة جدا
وبامر الله ما فيش حاجة حصلت
بس عاوزك تكشف على زيت الموتور وشوفة هل اختلط به الماء؟؟؟

[ashraf_msd]

اكيد فى كوعة مياه مقطوعة بتسرب المياة او جزء من الردياتير
لازم يتغير بسرعة جدا
وبامر الله ما فيش حاجة حصلت
بس عاوزك تكشف على زيت الموتور وشوفة هل اختلط به الماء؟؟؟

شكرا عالمساعده ياباشا .. بس حضرتك تقصد ايه باني اكشف عالزيت؟ واعمل ده ازاي؟

[Ahmed Amin]

هيا نوعها ايه العربية ؟
وهتكشف علي الزيت بأنك تطلع مقياس الزيت اللي بتقيس منه زيت العربية عادي الصبح,
وتشوف لونه طبيعي ولا مدي علي طحينة كدا.!

[ashraf_msd]

هيا نوعها ايه العربية ؟
وهتكشف علي الزيت بأنك تطلع مقياس الزيت اللي بتقيس منه زيت العربية عادي الصبح,
وتشوف لونه طبيعي ولا مدي علي طحينة كدا.!

العربيه سوبارو امبريزا 2007 اوتو
كشفت عالزيت زي مانت قلت وخليت واحد يبص عليه برضو قالي الزيت تمام

نزلت تحت العربيه لاقيت هوز الريدياتير مخروم
لفيت عليه شريط لحام مؤقتا وزودت الميه والعربيه مشيت تمام ما سخنتش
النهارده الصبح سخنت تاني فاهروح اغير الهوز كده ونشوف .. وتسلم يا باشا

[فبريكا]

ده شئ طبيعي وامان للعربية انها تطفي بس بعد ما لاقيت حرارة مؤشر العربية جية على اللون او قرب من اللون الاحمر لازم كنت تتوقف فورا لحد ما تنخفض حرارة العربية علشان متجبش وش ماتور او الماتور يقفش منك وتعمل عمرة وخرط للماتور بالنسبة للحرارة ليها اسباب كتير منها الرادير مخروم او الطبة بتاعت الماتور او الخراطيم بتاعت الردياتير او غطا الردياتير او انت مغيرتش زيت العربية وماشي علية فترة كبيرة .

تحياتي

[ashraf_msd]

ده شئ طبيعي وامان للعربية انها تطفي بس بعد ما لاقيت حرارة مؤشر العربية جية على اللون او قرب من اللون الاحمر لازم كنت تتوقف فورا لحد ما تنخفض حرارة العربية علشان متجبش وش ماتور او الماتور يقفش منك وتعمل عمرة وخرط للماتور بالنسبة للحرارة ليها اسباب كتير منها الرادير مخروم او الطبة بتاعت الماتور او الخراطيم بتاعت الردياتير او غطا الردياتير او انت مغيرتش زيت العربية وماشي علية فترة كبيرة .

تحياتي

تمام يا باشا .. انا كل قلقي اني مشيت باعربيه لحد ما طفت نفسها من الحرارة .. فهل كده الماتور اتأثر ولا هيا طالما طفت خلاص؟؟

[فبريكا]

ان شاء الله مفهاش الا الخير بس روح لاي ميكانيكي يبص عليها بصه ويعرف سبب الحرارة لكن المفروض كنت سبتها تبرد شوية لحد ما تهدى خالص وتفتح غطي الرادياتير وكشفت على المية فى الرادياتير وتزودها مية لو ناقصة بعد ما تدور الماتور لو كان السبب من المية انما لو الزيت مشكلة لازم تاخد بالك من عدد الكيلومترات لكل نوع زيت بتغيرو صون عربيتك علشان تصونك وما تعملهاش معاك .

ربنا يحفظك

[aboaladham]

من الاخر ربنا بيحبك انها مجابتش معاك جوان وش سلندر

[ashraf_msd]

من الاخر ربنا بيحبك انها مجابتش معاك جوان وش سلندر

الحمد لله ربنا ستر .. وجت سليمة