العربية مش بتدور الصبح !!!!

[mendo]

السلام عليكم


انا عندي لانوس 2002 الحمدلله كانت كويسه لحد من كام يوم جننتني. كل يوم الصبح مش برضي تدور خالص . البطارية جافة والعين خضرا , لما بدور المفتاح فالكونتاكت بسمع المارش وبتفضل مده ومش بتدور , ولو جيت ادورها تاني بيكون صوت المارش اضعف واخف , ولو جربت كذا مره ادور ورا بعض بيجي مره مش بسمع صوت مارش خالص . المهم كنت بسيبها خمس دقايق لو مدارتش من اول مره وادور تاني وغالبا كانت بتشتغل وتدور علطول

فانا مش عارف المشكله منين , ممكن حد بساعدني ؟

[mrastra]

المشكلة فى البطارية

[Ahmed Amin]

كان عندي بطارية مدياني أخضر برضه من سنة كدا, ومكنتش بتدور العربية وقلت أكيد العيب مش منها,
ولما أتكرر الموضوع كذا مرة روحت لبتاع بطاريات عشان يشوف أيه الحكاية حط الأفوميتير عليها لاقي الخارج ضعيييف,
مع أنها كانت أخضر علي طوول,

فنصيحة مني أكشف عليها بأفوميتير عند بتاع بطاريات,

[MOHAMED HASAN]

كان عندى نفس المشكلة و افتكرت انها البطارية بس عندى نور المارش كان بيفضل معلق و انا ماشى بلعربية او اول ما احط المفتاح فى الكونتكت لما شلت فيوز نور المارش و عملت مشوار بالعربية من ساعتها البطارية بتقوم العربية من اول تكة مع العلم ان البطارية كانت بتبقى مشحونة برضو مفيش مشكلة شوف لو فى كهرباء زايد على البطارية معلقة

[التائب اليك]

الكوره الخضضراء مش صادقة دايما ممكن تلتصق فيبان ان البطارية مشحونة هى بقالها كام سنه معاك
بس برده ممكن تكون المشكلة دورة الوقود