أهتزاز عداد rpm

[Amr_Azab]

عندي مشكلة في العربية بقالها فترة زي منا كاتب في اسم الموضوع
( العربية سكودا فابيا 1000 سي سي )
وهي ان عداد rpm اوقات بيتهز علي السلانسيه ومعني انه بيتهز انه بيبقي ثابت علي 9 واوقات يتهز وينزل لحد 8 او 7.5 وبعدين يرجع تاني علي 9 ( بتبقي حركة مزبزبة كده طالع نازل لحد ميثبت علي 9 )
واوقات بينزل كده وميرجعش تاني وتروح العربية مبطلة بس مش كتير

لسة مغير موبينة استعمال الخارج في رمضان اللي فات
نضفت البوابة كويس جدا من اسبوع وبقت عاملة زي الجديدة مفيهاش اي شوائب
بمون بنزين 92 من موبيل او شيل فقط
حطيت stp من يومين ولسه التفويلة مخلصتش
لسة مغير فلتر هواء من اسبوعين مكملش 1000 كم
كان عندي كسر في علبة الجاكمان اللي في النص ولحمته وبقي 100%

دي الحاجات اللي عملتها قريب وحسيت ان ممكن يكون ليها علاقة
فياريت لو حد عنده فكرة يفيدني

[GALAL mohammed]

ياريت تتأكد ان خراطيم الهواء راكبه في مكانها صح ، وخلي بالك ممكن يكون خرطوم مقطوع ، انا كتن بيحصل معايا الموضوع ده وبعد حوارات اكتشفت ان خراطيم الهواء في منها مقطوع فغيرتهم والمشكله اتحلت

[Amr_Azab]

الف شكر يا باشا انا فعلا مجاش في دماغي خالص الاحتمال ده
حكشف عليهم واشوف ايه الكلام
شكرا يا باشا

[Amr_Azab]

انا بصيت لقيت في خرطوم هوا داخل للموتور بس متني جامد وبالتالي مفيش هوا بيعدي كويس واللي بيعدي نسبة قليلة اوي
أحتمال يكون هو فعدله واشوف النتيجة
شكرا يا باشا

[Amr_Azab]

للآسف الخرطوم طلع بتاع فايز الزيت وملوش علاقة
فالخراطيم كلها كده زي الفل مفيهاش حاجة

[mohmok]

للآسف الخرطوم طلع بتاع فايز الزيت وملوش علاقة
فالخراطيم كلها كده زي الفل مفيهاش حاجة

جرب تنظف صمام ال idle وده االمسئول عن السلانسيه

[aboaladham]

دا حساس الاير ماس .. شيك عليه ياباشا وادعيلي وبعد كده اتاكد ان خرطوم الهوا اللي جاي من علبة فلتر الهوا مفهوش تنفيس لحد مانيفولد الهوا . (لانها لازم تكون دوره مغلقه)
حساس الاير ماس حتلاقيه عباره عن فيشه راكبه في علبه اسطوانيه بخرطوم الهوا قبل المانيفولد .
وبعد كده حاجه مهمه حاول تنضف فلتر الهوا او هاتلك فلتر جديد لو الفلتر لونه اتغير عن اللون الابيض الطبيعي

[Amr_Azab]

الف شكر يا باشا جاري التجربة ان شاء الله