ار بي ام بيعلي و ينزل بعد 10 ثواني

[saifo911]

هوا يا جماعه لو الار بي ام عندي بيعلي علي 4 و انا علي التالت ثانيه بتاع 15 ثانيه و يرجع علي 3 تاني و العربيه تبتدي تسحب و لو قرصت بنزين الار بي ام يعلي ثواني و بعدين يرجع تاني لطبيعته هوا دا يبقي دبرياج ولا حاجه في الغيارات ولا حاجه في المتور

[saddam]

صديقي المواطن
قولا واحدا دبرياج لو مانوال وكلتشات لو أوتوماتيك وبالتوفيق وإلى اﻷمام ومن نصر إلى نصر
ودمتم للنضال

[saifo911]

يعني ايه بالظبط في الديبرياج اسطوانه ولا ايه بالظبط

[saifo911]

هي العربيه سوزوكي التو 1100 انجيكشن في ناس بتقولي الحساسات

[dr.hazem]

محتاج تنظف البوابة والحساسات وترستر الكمبيوتر بانك تفصل البطاريه نص دقيقة وتجرب وتشوف.. لو متحسنتش اكشف عليها بالكمبيوتر...
تحياتي

Sent from my Xperia Arc S using Forum Runner

[Ahmed Amin]

لو عربيتك مانيوال, وعلو الrpm دا بيحصل معاك لما بتدوس بتزين وأنت علي الغيار,
يبقي أسطوانة الدبرياج زي ما أستاذ صدام وضح لك,

لو الrpm بيعلي وبينزل وبيهرتل كدا وأنت ممور العربية, تبقي البوابة عايز تنضف هيا والحساس,