ارجو المساعدة للشاهين

[kimoroad]

انا هشتري ان شاء الله شاهين هي موديل 95 و طبعا الموديل موتور 1300 سي سي
لو اقدر اعرفه ايه هي عيوبه و مميزاته و هل في فرق كبير بينه و بين ال 1400
و هل يختلف في الكاربيراتير / و هل يختلف في الاسبراتير ( ابلاتين و كوندينسار ) ولا إلكتروني
و لو اقدر اعرف سعرها في حدود كام لو هي زيرو دواخل و حاله جيدة
أسف علي الاطاله ولاكن للضرورة لأني دفعت عربون

[ahmedaly1122]

اهم حاجه فى الموديل ده الدواخل تكون كويسه
واكشف على الموتور والات الجر كويس عشان مقرفكش
لكن هى ممتازه جدا وموفره فى البنزين جدا والاسبيراتير الالكترونى افضل طبعا
لو كل حاجه كويسه ودواخل كويسه فى حدود 26 او 27 الف

[kimoroad]

شكرا يا فندم علي ردك و انا اتفرجت عليها هي زيرو دواخل و مشيت بيها الكارونة مفيش صوت و الفتيس جيد بس الموتور كان فيه دخنة بسيطة جدا لما فكيت غطاء الزيت و لاكن صوته ناعم ولا بستم بيخبط ولا عيب
و عنديسؤال بعد اذنك هي ال 1300 بتنزل ابلاتين و كوندينسار فبريكة ولا هي اصلا إلكتروني

[hugan]

لو تقدر تشوف واحد ه بالموتورالمعدل لانشيا 1400
يكون افضل
الموتور المعدل افضل من الموتور القديم بتاع ال 31 من السبعينات
كاربراتير بك السلانسيه كهرباء
اسبراتير الكتروني افضل طبعا
الكارونه في 97 و98 افضل
افضل موديل في الشاهين عموما 97 و97

[kimoroad]

شكرا علي الردود وفعلا انا استفدت منها جامد
بس العربية فعلا طلهت حالتها نضيفة والاهم من كدة بالنسبالي انها بيتي و هي دي اكبر ميزة بالنسبالي
بس هي للأسف 1300 لأنها موديل 95 بس العربية حالتها اقدر اقول جيدا جدا ومقدرش اقوول ممتاز لأنها رشه بره و في نفس الوقت مقدرش اقول جيد لأن الحاله تحكم و هي افضل من الجيد و انا توكلت علي الله
فأنا هتكلم علي واقع هل ال 1300 في فرق كبير بنها و بين 1400 انا عارف ان دي بتاعة 31 و دي لانشيا فأكيد في فرق بس ال انا اقصده هو فرق كبير ولا بسيط وبالنسبة لعيوب الموتور ال 1300 لي عيوب عن ال 1400 كبيرة غير الفرق ال بينهم و بالنسبة لسخونه الموتور نفس الوضع ولا في موتور بيسخن اسرع من التاني و في السفر ال 1300 هيتعبني جامد ولا هيكون جيد ز الكاربيراتير انا الصراحة معرفش هو هو نفس كاربيراتير ال 1400 ولا في تغيير و الاسبراتير ربنا يقدرني و ابقي اغيرو و أجيب واحد إلكتروني و هل الالكتروني هيبقي افضل ولا هيتعب الموتور
و انا أسف علي الاطاله
و جزاكم الله خير .. شكرا

[hugan]

شكرا علي الردود وفعلا انا استفدت منها جامد
بس العربية فعلا طلهت حالتها نضيفة والاهم من كدة بالنسبالي انها بيتي و هي دي اكبر ميزة بالنسبالي
بس هي للأسف 1300 لأنها موديل 95 بس العربية حالتها اقدر اقول جيدا جدا ومقدرش اقوول ممتاز لأنها رشه بره و في نفس الوقت مقدرش اقول جيد لأن الحاله تحكم و هي افضل من الجيد و انا توكلت علي الله
فأنا هتكلم علي واقع هل ال 1300 في فرق كبير بنها و بين 1400 انا عارف ان دي بتاعة 31 و دي لانشيا فأكيد في فرق بس ال انا اقصده هو فرق كبير ولا بسيط وبالنسبة لعيوب الموتور ال 1300 لي عيوب عن ال 1400 كبيرة غير الفرق ال بينهم و بالنسبة لسخونه الموتور نفس الوضع ولا في موتور بيسخن اسرع من التاني و في السفر ال 1300 هيتعبني جامد ولا هيكون جيد ز الكاربيراتير انا الصراحة معرفش هو هو نفس كاربيراتير ال 1400 ولا في تغيير و الاسبراتير ربنا يقدرني و ابقي اغيرو و أجيب واحد إلكتروني و هل الالكتروني هيبقي افضل ولا هيتعب الموتور
و انا أسف علي الاطاله
و جزاكم الله خير .. شكرا

شوف انت هاتستفيد بال 100 سي سي
لاءن ال 1400 اساسا ضغيف او تفدر تقول مكفي العربيه
طالما العربيه اللي شوفتها نضيفه ومضمونه توكل علي الله
اهم شي العربيه تكون سليمه ومش ملعوب في اساسها 4

ماظنش كربارتير ال 300 هو بتاع ال 1400 مختلفين تماما
كربراتبر ال 1400 بتاع التمبرا احدث
وتقنيه ان بك السلاسنيه كهرباء ميزه كبيره لانه بيعمل عمليه تنضيف ذاتي للبك وبالتالي العربيه ماتبطلش منك لو البك اتسد في السلاسنيه او اثناء المور
الاسبراتير الالكنروني ميزته انه بيظبط عمليه الاشعال تمام
ومفيش تصفيق او كركره وبيظهر اكنر في الشتاء والعربيه تدور من اول تكه
وطبعا مفيش كوندينسر او ابلاتين يلدع ويبرجل العربيه ومفيش موبينا
بالتالي انت خفيت جزء ممكن يكون من اسباب ان العربيه تعطل منك او تقطع

لكن في ال 1400 في مشط بديل الموبينا وسعره غالي
وممكن يقطع لكن انا باعمل له تغيير كل 3 سنوات حتي لو سليم واشتري الاصلي

[kimoroad]

شكرا يا فندم علي ردك السريع و انا لسة حالا مخلص القاعدة مع الراجل و العربية بسم الله ما شاء الله و الاسبراتير الحمد لله طلع إلكتروني و هي طبعا زيرو دواخل
و اتفقنا علي 26 بعد خناق :)
و الموتور كان بسم الله ما شاء الله
و ايه رأي حضرتك في السعر ده جيد ولا مقبول ؟

[hugan]

شكرا يا فندم علي ردك السريع و انا لسة حالا مخلص القاعدة مع الراجل و العربية بسم الله ما شاء الله و الاسبراتير الحمد لله طلع إلكتروني و هي طبعا زيرو دواخل
و اتفقنا علي 26 بعد خناق :)
و الموتور كان بسم الله ما شاء الله
و ايه رأي حضرتك في السعر ده جيد ولا مقبول ؟

1000مبروك ربنا يبارك لك فيها
ويعطيك خيرها ويكفيك شرها
اتاكد منه ان سير الكاتينه محتاج يتغير او هو لسه مغيره
وشوف غير زيت للعربيه امتي
وغير زيت الكارونه وزيت الفتيس
او راجع عليهم

السعر في نظري لاءي عربيه مش مهم
يزيد 2000 عن ثمنها الاصلي بس اهم حاجه ان العربيه تكون نضيفه وسليمه
وورقها تمام ومفيش مشاكل في ترخيصها

[kimoroad]

الله يبارك فيك يا فندم
و ايه رأي حضرتك في السعر هو كدة عالي شوية ولا مقبول ولا ايه رأي حضرتك

[hugan]

الله يبارك فيك يا فندم
و ايه رأي حضرتك في السعر هو كدة عالي شوية ولا مقبول ولا ايه رأي حضرتك

مقبول طبعا
نقطه تانيه في السعر طالما العربيه عجبتك
ماتفكرش في السعر ازيد شويه او اقل
المهم حاله العربيه
وهاتلاقي واحد جارك او صاحبك كمان يومين
بعد ماتستلم العربيه يقولك
ايه ده انا كان قدامي واحده زيها وانضف من عربيتك
وكانت ب22 لو كنت بس قولت لي
سيبك منه

[kimoroad]

الحمد لله علي كل شئ و ان شاء الله تكون فتحة خير عليا
وفعلا دايما الواحد بيحصل معاه موقف انه يشوف اسعار اقل بعد البيع بس هي للأسف حصلت معايا انا شخصيا لما اشتريت 128 بعديها لقيت واحدة كانت زيرو دواخل و اعلي في الموديل و سعرها معقوول بس انا طبعا كنت راضي بالمكتوب