مش لاقي طقم بستم

[mido20900]

انا جبت كل حاجت العمره و مش لاقي بساتم
عندي دايو زاز 2001 ال 1200 سي سي
جبت بستم قريب منها بتاع مازدا 323 بس قصير 3 مل زي الخراط ما قاس و قال مينفعش
ومش لاقي بساتم قريبه او زيها لا جديد و لا استيراد
حد عنده اي خلفيه عن الحوار ده و هل ينفع اركب بستم المازدا و لا العربيه مش هتدور بيه
افيدونا


متابع باهتمام عشان لايصصص:fun_36_3_4[1]:صصصصصصصصصصصص

[besso]

ممكن تشوف طقم اى عربيه تانيه لكن يكون نفس المقاسات واللى يفيدك هو الخراط او الميكانيكى

[chiko]

مظبوط اللي يفيدك هو الخراط ..انا بيتهيالي ان فيه واحد في شارع شبرا عنده حاجتها كلها ..انا شوفته من كم سنه .. مبيشتغلش الا في العربيه ده بس .. روحله هو قبل روض الفرج

[mido20900]

ممكن تقولي فين بالظبط ف شارع شبرا
انا من مسره
الله يكرمك

[chiko]

انا كنت بجيب حاجات العمره من شركة بتاعت ياباني نص نقل و مكروباص هي مشهوره اوي هناك و انا بسال علي المحل ده دخلت عند واحد بيبيع حاجات الادا سماره و الاده الجديده و الديو زاز و الرينو 12 لاني شوفت فوانسها و الشبكه بتاعتها متعلق ...انت لو نزلت هناك و سالت هيدلوك عليه لان انا مش فاكر فين بالتحديد الموضوع ده بقاله فتره