هي الفولكس البيتلز بتتساق ازاي ؟؟

[For islam]

السلام عليكم ياشباب ,,

اتحطيت في موقف محرج مع واحد اعرفه , اشترى عربية فولكس بيتلز القديمة دي وقالي اسوقها اركنها بس.

انا عارف ان الفولكس دي غياراتها غير عربيتي , فاركبت العربية ودورتها وبابوص عالفيتيس اشوف السرعات لاقيتها ممسوووووووحة :d اتخضيت وماعرفتش احركها . المشكلة بقا ان صاحبي ده هو كمان اول مرة يسوق فولكس فا كان شكلنا زي مانكون سارقين الفلوس وعايزين نشتري اي حاجة وخلاص ههههههههه.

فا ياريت ياشباب اللي عنده خبرة في الموضوع يلحقنا وياسلام بقا لو يصورلنا رسمة اتجاهات السرعات اللي عالفيتيس .

شكرا يارجالة وربنا مايكسفكو الكسفه دي

[Fo1Fo]

انا مره مديرى فى العمل ( الله يرحمه ) من 20سنه قالى خد عربيتى (بيتلز ) وكلفنى بمأموريه وكان معايا 2 زمايلى وبعد ماوصلنا المكان اللى عوزين نروحه عاوز أجيب مارش رير مش عارفين وما حدش فى الشارع عارف على رأيك زى اللى سارقينها وكانت حوسه بقى كل ما نحتاج نجيب مارش رير زمايلى تنزل تزق (كنا شباب ساعتها ) لغايه ما رجعنا بأسأله المارش رير أزاى ؟ قالى سوسته والتانى . من يومها حرمت أخدها منه وأروح بعربيتى حتى ده لوكان هايكلفنى كتير . ولا الدواسات بتاعتها كل العربيات دواسات البنزين والدبرياج والفرامل منحنيه ونازله من فوق دى بقى مستقيمه وطالعه من الأرض يعنى طول مأنت سايق رجليك متعلقه وكعب رجلك مش لامس الأرض .اذا كانت القياده بالنسبه لى 100% متعه مع العربيه دى 150% عذاب

[dolly13]

هههههههههههههههههه
نفس الموقف حصلى من كام سنة
كنت راكنة عربيتى وواحد ببيتلز جه ركن ورايا وساب والدته فى العربية
والدته قالتلى تعالى يابنتى حركيها انتى
المهم دخلت العربية ومش عارفة لا اجيب مارش ولا عارفة حتى الفرامل فين
العربية فضلت تريح تريح وورايا ميكروباص عمال يزمر وانا اقوله والله ماراضية تقف
الحمد لله اخيرا ريحت على الميكروباص وجه صاحبها فضل يضحك ويقولى هى عربية ماتتساقش فعلا

[For islam]

هههههههههه فعلا مواقف محرجة جدا ,
والعجيب بقا ان في ناس بتمووووووت في العربية دي , وانا منهم ههههه .... كان حلم حياتي زمان اجيبها بس لما فكرت اجيب عربية ناس كتير حواليا فضلو يتريقو عليها خلوني غيرت رأيي بس بردو لسه باحبها.

المهم بقا ماحدش يا شباب قالي بردو الغيرات ازاي :d

[fourseasons]

https://www.google.co.uk/search?q=volkswagen%20beetle%20gear%20shift%20cover&espv=210&es_sm=93&um=1&ie=UTF-8&hl=ar&tbm=isch&source=og&sa=N&tab=wi&ei=zfh4UuDfKsqrhAfa_oH4Cg#es_sm=93&espv=210&hl=ar&q=volkswagen+beetle+1973+gear+shift+cover&tbm=isch&um=1&facrc=_&imgdii=_&imgrc=Ry1o5WbhZo8upM%3A%3BB6NyxurwzlZQwM%3Bhttp%253A%252F%252Fwww.mtmfg.com%252Fimages%252Fshiftknob.jpg%3Bhttp%253A%252F%252Fwww.mtmfg.com%252Fcategory%252Fview%252F51%3B1046%3B552

شوف كده يا باشا

[For islam]

تسلم ياغالي , بس في صور كتير مختلفة مش عارف انهي فيهم , وغير كدا المارش رير بيكون فيه سوسته

اللي فهمته ان لفوق الاول و لتحت التاني ويمين لفوق التالت ويمين لتحت الرابع والشمال لتحت الرير ..صح كدا ؟