العربية بتسخن بخار بيخرج من الريداتير

[elbaradhy]

يا شباب انا معاي لانسر 2006 حصلت معاي مشكلة امبارح لقيت الحرارة زادت قوي و الريداتير بيطلع بخار كتير قوي بس انا زودت الريداتير و القربة و العربية مبطلة
حد يفيدني هو الريداتير باظ ولا ايه المشكلة
و الحاجة التانية حد بيقولي ممكن الموتور يكون جاب وش سلندر عشان زودت العربية و هي مبطلة حد يفيدني

[saddam]

صديقي المواطن
المشكلة حتعوز شرح وتجارب أكثر يعني مبدئيا حتروح تغيرلي غطا القربة وغطا الراديتير لو عندك بنوع جديد ومتحطش حاجة.مستعملة أو إستيراد ثم تجرب وترجع تكلمني ونشوف حصل معاك إيه وطبعا حتحط مياه خضراء عشان لو فيه خرم أو تسريب نعمله ونشوف بتنز ميه منين مفيش ترشيح ولسه بتسخن بس أقل من اﻷول حنفك الراديتير وننظفه بالسيخ أو اﻷفضل نجيب فلاش وننظفه لكن بعد مننظف بالجهاز في البنزينة ثم تحط فلاش وتدور 5 دقايق ثم تخلي بتاع الجهاز يشطفهولك وترجع تخلي مياه خضراء ومعاها مانع ترشيح محترم بارز اﻷمريكاني وبرضو حيحارب الصدا ويزيت الطرمبة ولو فيه خرم أو ترشيح حيسده ولو بعد كل ده فضلت تسخن يبقه نبتدي نخش ونشوف داخل المكنة ووش السلندر جايز اﻹسبراتير لافف زيادة فبتسخن ولكن بعون الله في أول خطوتين موضوعك حيتحل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[elbaradhy]

متشكر جدا لحضرتك هجرب و هرد عليك

[elbaradhy]

متشكر جدا ليكم يا شباب الحمد لله طلع بس الفيبرة بتاعت الريداتير و مفيش حاجة تاني
السبب كان عدم تنظيف الريداتير و الموتور الحمد لله زي الفل