عايز افهم بجد ؟؟!!!!

[zadreamer]

ايه الشورت بلوك ده عباره عن ايه (بيضم ايه من اجزاء الموتور )؟
ولو تمنه 7 الاف اغير ولا اعمر ؟؟ (سبيكه واولسيهات و كامه )
ولو هشتريه اجرب ايه فيه ؟ وهل عليه ضمان وهو خارج ؟
والاستبدال ده هيخصم من تمن الاستيراد الي انا هشتريه ؟ وياترى اد ايه ؟
وهل بيكون شامل وش سليندر جديد كامل ولا ؟
ولو حد يعرف تاجر قطع غيار استيراد رينو ميجان 2 يكون امين

[rotanamasoud]

الشورت بلوك هو جسم المحرك الرايئسى اللى هو فيه الاربع بساتم ومن فوق وش السلندر ومن تحت كارتيره الزيت
يعنى يعتبر جسم المحرك بدون ادوات التغزيه والفتيس والمارش والدينمو

[chiko]

غير الماتور ياا باشا .. شغل الشورت بلوك ده .. اي كلام و بيتكلف اكتر من تمن ماتور استراد

[zadreamer]

الشورت بلوك هو جسم المحرك الرايئسى اللى هو فيه الاربع بساتم ومن فوق وش السلندر ومن تحت كارتيره الزيت
يعنى يعتبر جسم المحرك بدون ادوات التغزيه والفتيس والمارش والدينمو

الف شكر للافاده
يعني بيكون شامل عمود الكامه و الشميز ( الكرنك و السبيكه ... ؟

[zadreamer]

غير الماتور ياا باشا .. شغل الشورت بلوك ده .. اي كلام و بيتكلف اكتر من تمن ماتور استراد

فرق الشورت بلوك من الموتور اكتر من 4 الاف جندي ياعمنا !!!

[chiko]

ايوه مظبوط ..لكن هتدفع تمنه الماتور لتركيبه لو جيبته فاضي يبقي هتحتاج بساتم و طقم شمبر و سبايك و غيره و غيره .. و لو جيبته مليان .. مش ناقص منه غير الوش يبقي تمام .. هاته علي بركة الله ..لكن نصيحة اخ لو البلوك فاضي هات ماتور احسن ..

[zadreamer]

ايوه مظبوط ..لكن هتدفع تمنه الماتور لتركيبه لو جيبته فاضي يبقي هتحتاج بساتم و طقم شمبر و سبايك و غيره و غيره .. و لو جيبته مليان .. مش ناقص منه غير الوش يبقي تمام .. هاته علي بركة الله ..لكن نصيحة اخ لو البلوك فاضي هات ماتور احسن ..

طيب وايه رايك ف العمره المظبوطه ؟

[بيشوى_رمزى]

الشورت بلوك يا باشا هو الموتور من غير طلمبة الباور و المارش و الدينامو و الكمبريسور بتاع التكييف بيجى حتة واحده مش مفتوح يعنى الراجل بيطلع الموتور و يفك منه شوية الحاجات اللى قولتلك عليها و بيدهولك تروح لميكانيكى يسقطوا فى حوض العربية و يركب ادوات التغذية اللى كانت عند حضرتك فى الموتور القديم و تغيير سيور و بلى و زيت و كده بقى فله