قالو لى الموتور عايز عمرة

[ابومتولى]

الاخوة الافاضل
نوبيرا 2000 كورى بسمع صوت من الموتور عند الضغط الجامد على دواسة البنزين يشبه الونة اكثر من ميكانيكى قال لى عايزة عمرة او نصف عمرة علما باننى لااقرص على الغيار او مش بكبس على البنزين جامد حتى لااصل لصوت الونة والعربية ماشية زى الفل وسحبها تمام فهل الكلام ده مضبوط

[rotanamasoud]

لو ماشيه كويس سحب ومبتكولش بنزين ولا زيت خليها زى ما هى الا لو الونه مدايقاك اوى وعايز تحل عشان تظبط الموتور

[starlanos]

متابع

[ابومتولى]

لو ماشيه كويس سحب ومبتكولش بنزين ولا زيت خليها زى ما هى الا لو الونه مدايقاك اوى وعايز تحل عشان تظبط الموتور

مشكور على الرد
الحمد لله مافيش اى مشكلة ظاهرة معى ولكن صوت الونة دا ما سببه وهل ممكن يكون فيها عمرة ولو مسافر اقدر اقرص عليها على سرعات عالية

[ابومتولى]

هو فيه استفسار بسيط هل يوجد صوت او ونة من الموتور اول ما نسمعه يتقال ان الموتور عايز عمرة او نص عمرة وذلك عندما نزود بنزين لحد معين سواء العربية ماشية او واقفة

[بيشوى_رمزى]

فى دخنة بيضاء؟
حضرتك اكد على طنابير المجموعة؟

[abdlla50]

هما حكموا بكدا بناءا على ايه يعنى فى دخنه بتاكل زيت معاك

مفروض انك متابع الزيت
هل عزم الماكنه ضعيف معاك
افتح الكابوت ودور وزود بنزين وحاول توصل لمصدر الصوت جاى منين
من عند الكاتينه
او جوان المانفولد لو بايظ ممكن يعمل صوت ونه جامد برضه

وحاول حد بيشتغل فى السيارات الكورى يبصلك عليها

وماتقولوش ان حد قالك عايزه عمره