درجة الحرارة بتاعت العربيه بتعلى وبعدين العربيه تبطل ارميلها تشتغل عادى

[ahmed anwar]

السلام عليكم

أنا عندى عربيه لادا وكان فيها صوت تخبيط فى الموتور فالميكانيكى قالى ان هى عاوزه نص عامره وغيرلها الشامبر وظبط الموضوع

المشكلة دلوقتى ان العربية بتسخن معايا جامد جدااااااااا وابص الاقى العربيه بطلت منى ومؤشر الشحن بتاع البطاريه ينزل على اخره

ارمى للعربيه تدور والحرارة تنزل عادى جدا ومؤشر الشحت يرجع لطبيعته


والكلام دا كله بيحصل فى اول اليوم بص _يومين ورا بعض حصل نفس الموضوع وباقى اليوم عادى _



وكمان فيه حاجة العربيه فى المطاله سحبها زى الزفت اخرها التانى يا هل دا عشان لسه فى التليين

[J A G U A R]

اكشف على تروموستات الكوعه

[ahmed anwar]

دا عند الميكانيكى ولا عند مين


معلش استحمل اخوك معلوماته ضيقه فى الحاجت دى ^_^

[J A G U A R]

ولا يهمك ..
اكيد طبعا عند ميكانيكى بس يكون كويس

[م.محمد علاء]

يعني الحرارره تعلى..فالعربيه تسخن..فتبطل.فلما تدور العربيه تاني تلاقي الحراره نزلت وقتي.
كده إحتمال عندك قفله كهرباء لو الموضوع زي منا فهمت.
ولو العربيه سحبتها وحشه قوي جايز العربيه عايزه تظبط تاكيهات.أو إن التقسيمه بتاعة الكامه مأخره شويه.
والله أعلم

[ahmed anwar]

الف شكر يا رجالة جزاكم الله خير :)

[chiko]

انت عملة شنبر .. و لينت و الا لا .. لانك لو ملينتش احتمال كبير يكون الشنبر محمل و عايز يتلين .. ده شيئ طبيعي خصوصآ لو عملت شمايز محتاج علي الاقل اسبوع تلين

[Mohamed.Raafat]

طيب ياباشا العربية بتسخن و المروحة بتشتغل ولا لأ
لأن كده ممكن يكون فيه مشكلة فعلا في الكهرباء او الدينامو مش بيوصل شحن للعربية
و احتمال كمان تكون العربية محتاجة تتظبط كهرباء من ناحية الاسبراتير (تتقدم او تتاخر )