ليه في حساس كامة طالما في حساس كرنك؟

[alameer81]

السلام عليكم

ليه في حساس كامة بيقرا زاوية عامود الكامة مع ان ممكن الكمبيوتر يستنتجها من زاوية الكرنك؟؟
طالما المحرك مافيهوش cvvt يبقي دايما الكامة متزامنة مع الكرنك من خلال سير الكاتينة؟؟

[Zing0]

يمكن علشان سير الكاتينة لو حبيت تغيرة و الصنايعى خلف تقسيمة (الكامة مع الكرنك) يقوم الحساس يفضحه و يشتمه بالأم على طول و يهزأه و بعدين يعرفه غلطه.
يقوم من سكات ظابط شغله.

[MOTOR HEAD]

السلام عليكم

ليه في حساس كامة بيقرا زاوية عامود الكامة مع ان ممكن الكمبيوتر يستنتجها من زاوية الكرنك؟؟
طالما المحرك مافيهوش cvvt يبقي دايما الكامة متزامنة مع الكرنك من خلال سير الكاتينة؟؟

ممكن شرح لنظام cvvt لانه المفروض عندى فى النيو اكسنت

كل ما ادور على فيديو يطلعلى نظام vvt بتاع تيوتا

[amrelsaqqa]

ممكن شرح لنظام cvvt لانه المفروض عندى فى النيو اكسنت

كل ما ادور على فيديو يطلعلى نظام vvt بتاع تيوتا

نفس الفكرة بمسميات مختلفة
باختصار vvt او cvvt
continuously variable valve timing بمعنى ان الصبابات توقيت فتحها وقفلها (valve timing) مع حركة الكامات مش ثابت (متغير باستمرار ) ، وقت الفتح والقفل بيختلف حسب سرعة الموتور والحمل اللى عليه وده بيخلى الموتور يوفر في البنزين في السرعات البطيئة وفي نفس الوقت يفتري لما تقرص عليه ويطلع افضل اداء ممكن

[mahmoud_ali]

نفس الفكرة بمسميات مختلفة
باختصار vvt او cvvt
continuously variable valve timing بمعنى ان الصبابات توقيت فتحها وقفلها (valve timing) مع حركة الكامات مش ثابت (متغير باستمرار ) ، وقت الفتح والقفل بيختلف حسب سرعة الموتور والحمل اللى عليه وده بيخلى الموتور يوفر في البنزين في السرعات البطيئة وفي نفس الوقت يفتري لما تقرص عليه ويطلع افضل اداء ممكن

تسلم يا باشا على المعلومه بس عندى احساس انه نفس نظام الفتيس cvt فى اللانسر

[gabry832003]

من وجهة نظرى وظيفتة مهمة فى حالة عدم ضبط التقسيمة او انقطاع سير الكاتينة

[MOTOR HEAD]

نفس الفكرة بمسميات مختلفة
باختصار vvt او cvvt
continuously variable valve timing بمعنى ان الصبابات توقيت فتحها وقفلها (valve timing) مع حركة الكامات مش ثابت (متغير باستمرار ) ، وقت الفتح والقفل بيختلف حسب سرعة الموتور والحمل اللى عليه وده بيخلى الموتور يوفر في البنزين في السرعات البطيئة وفي نفس الوقت يفتري لما تقرص عليه ويطلع افضل اداء ممكن

حضرتك بتقول وقت الفتح و الغلق متغير باستمرار

ينعى مش زى ما الناس بتقول يجى عند 3000 لفه و الكامه تفتح للاخر

صح كده ولا ايه ؟؟؟

[amrelsaqqa]

تسلم يا باشا على المعلومه بس عندى احساس انه نفس نظام الفتيس cvt فى اللانسر

لا دى حاجة تانية خالص الـ cvt
continuously variable transmission وده نوع من انواع الفتيس الاوتوماتيك مش تكنولوجيا في الموتور ومعناه الحرفى ناقل حركة متغير باستمرار بمعنى ان مفيش نقلات ثابتة اول وتانى وتالت ورابع ، تقدر تقول عدد لا نهائى من النقلات والمسافة بينهم صغيرة جدا ، يعنى الار بي ام بيثبت والعربية بتسحب وكأن الفتيس ده اللى بيحصل جواه ان ترس واحد وبيكبر وبيصغر بأي درجة ممكنة وبينقل كل ثانية من غير ما تحس عشان يفضل محافظ على نفس الار بي ام ، مش مجموعة تروس ثابتة بيتم التنقل بينهم ( في الواقع بتبقى سيور وتروس مخروطية بتديك العدد الكبير ده من النقلات )

اهم ميزة فيه توفير البنزين
بالاضافة انه بيريح الموتور طول ما رجلك خفيفة على الدواسة وتلاقى العربية بتسحب وانت مثبت رجلك
كمان مناسب جدا للمواتير اللى بتدور بعدد لفات ثابت ( المواتير الكهربائية مثلا )

عيبه انه مش ممتع اوى في السواقة وده من خلال تجربتى الشخصية ليه في اللانسر لانك مش بتحس بصوت الموتور العادي اللى بيزيد بالتدريج مع السحب

[بيشوى_رمزى]

السلام عليكم

ليه في حساس كامة بيقرا زاوية عامود الكامة مع ان ممكن الكمبيوتر يستنتجها من زاوية الكرنك؟؟
طالما المحرك مافيهوش cvvt يبقي دايما الكامة متزامنة مع الكرنك من خلال سير الكاتينة؟؟

حساس الكامة و الكرنك مع بعض بيحددوا توقيت الاشعال "البوجيهات" و تظبيط فتح و قفل الرشاش "كمية البنزين المطلوبة على الrpm اللى شغالة عليه الماكينة

[MOTOR HEAD]

حضرتك بتقول وقت الفتح و الغلق متغير باستمرار

ينعى مش زى ما الناس بتقول يجى عند 3000 لفه و الكامه تفتح للاخر

صح كده ولا ايه ؟؟؟

[aly_72200]

اذا وجدت حساس كامة ستجد ان تحكم الاشعال لكل بوجيه والتحكم لكل رشاش على حده اما فى عدم وجود حساس الكامة ستجد التحكم مشترك بين كل 2 بوجيه و 2 رشاش او الرشاشات الاربعه بتحكم واحد (يعنى ضخ الرشاشات بيبقى مشترك 2 مع بعض او4 مع بعض)

[بيشوى_رمزى]

اذا وجدت حساس كامة ستجد ان تحكم الاشعال لكل بوجيه والتحكم لكل رشاش على حده اما فى عدم وجود حساس الكامة ستجد التحكم مشترك بين كل 2 بوجيه و 2 رشاش او الرشاشات الاربعه بتحكم واحد (يعنى ضخ الرشاشات بيبقى مشترك 2 مع بعض او4 مع بعض)

ارجو التوضيح للاهتمام