نقصان مياه في هيونداي اكسنت ار بي 2012

[avocato]

السلام عليكم
ارجو الافاده من اصحاب الخبره من فضلكم العربيه اكسنت ار بي 2012 كل شويه المياه بتنقص في الاربه وروحت التوكيل 3 مرات لان العربيه في الضمان ومش عارفين يحلو لي المشكله اخر مره كانت امبارح ومهندس الاستقبال قاللي احتمال يكون جوان وش السلندر هو اللي عايز يتغير وداني ميعاد علي بكره .... هل الكلام ده صحيح ؟؟؟ و ينفع عربيه 2012 تحل وش السلندر لتغيير الجوان عشان نقص المياه ؟؟؟؟
ارجو الافاده ضروري جزاكم الله خير

[Amr_Azab]

طالما العربية في الضمان يبقي متقدرش تروح لاي حد بره لازم تتابع مع التوكيل
وموضوع نقص المياه ده بيبقي حاجة من التالي فممكن تتابعها معاهم :-
1. خراطيم دورة التبريد او غطاء القربة المكثف بتاعه بايظ او القربة نفسها مخرومة
2. طرمبة المياه
3. الردياتير
4. بلوك الموتور ( الموتور كان سخن من مشوار طويل وتم غسيله بمياه باردة فحصل فيه شرخ )
5. جوان وش السلندر

انا رتبتهملك من الآقل تكلفة والآكثر سهولة الي الآصعب فالمفروض يتم الكشف علي الحاجات دي بنفس الترتيب
وياريت تحدد برده معدل النقص في المياه عندك قد ايه ؟ وبتحط مياه نوعها ايه ؟

بالتوفيق ان شاء الله

[بيشوى_رمزى]

و طبب البلوك