ورق الموتور الاستيراد

[Tiger2013]

يا جماعة انا ركبت موتور استيراد و ميكانيكي هو اللي جابهولي اسمه الحج عصام السني في صقر قريش المعادي , ومدوخني على ورق الموتور بقالي 3 شهور مش عارف اعمل معاه ايه ؟ تنصحوني بأيه ؟؟؟؟

[hugan]

اعمل فيه محضر في القسم
لو مانفعش المحضر
الفاتوره اللي معاك مكتوب فيها اسم المستورد في بورسعيد
هاتضطر تروح ليه
وتخليه يبعت الافراج علي المرور

[mo3tazanas]

من الاخر لا قسم هينفعك ولا اى حد هينفعك انت تروحلة وتقولة يا يجيب الورق يا ياخد الماتور تانى بمبك معاك قولة قوم رايح حلة عند اى حد ورجعهولة وقولة ماتورك عاندك انا عايز فلوسى

[Tiger2013]

تمام , بس اصبر معاه لحد امتى و بعد كده اشد معاه .

تاني حاجة حد سمع عن الحج عصام السني ده في المعادي

[chiko]

ملتقش الا السني !!!!! بص زن عليه كل شويه .. لحد ما يجبلك الورق .. كان لازم تبقي مبلغ لحد ما تاخد المخالصه .. ده بالذات لو خد فلوسه كامله مبيهتمش بعد كده

[chiko]

هو مين المكانيكي اللي واداك عنده ؟؟ و من انهي منطقه ؟ يمكن اقدر اساعدك

[Tiger2013]

انت تعرفه ؟؟؟؟ ايه رأيك فيه ؟ محترم و لا ايه ؟ هل ممكن يركبلي موتور مسروق لا قدر الله ؟ و لا مجرد انه بطيء بس

هو جابلي الموتور من محل اسمه التركي و صاحبه اسمه تامر الشافعي في صقر قريش

[chiko]

انا معرفهوش شخصيآ لكن اعرف ناس معرفه اتعاملة معاه .. و بكل اسف رايهم فيه مش قد كده .. و اغلب ورش صقر بيضحكو علي الزبون اكتر من انهم بيشتغلو .. كل ما في الامر ان التاجر بيبقي عنده صورة من الافراج و لازم يروح بوسعيد عشان يعمل الافراج و يحوله علي مرورك .. و لو ما زنتش عليه مش هعمل الورق .. و طبعآ بالنسبه للميكانيكي اللي هو السني .. الامر بالنسبه له انتهي عند تركيب الماتور .. انا لما بغير مواتير .. بروح للتاجر مباشره و بشوف البطاقه الاستراديه و صورة الافراج علي بياض يعني ختم التاجر و مصلحة الجمارك بدون اسم الشاري لانه بيكون اسم الشخص صاحب العربيه اللي هيشتري الماتور .. و في خلال اسبوعين بيبعت الافراج علي مرورك و بيديك رقم لاصادر فقط .. و انت بتروح المرور التابع ليك و بتسال هل الافراج وصل او لا .. انتي اكيد اديته صورة الرخصه .. صح ؟

[Tiger2013]

اديته صورة الرخصة طبعا

[chiko]

يبقي زن عليه كل شوية لحد ما يجبلك الافراج ... الحكايه في الغالب كسل مش اكتر

[Tiger2013]

الف شكر يا باشا

[كريم kok]

ياباشا اعمل محضر الاول وبعدين روحله وزعق معاه حسسو انك مش فارقه معاك وعرفو انك لو مخاش ورق الموتور هتعمل محضر ومتقلوش انك عملت محضر واديلو مهله يومين لن كده موتور من غير ورق يعني مشكوك فيه انو مسروق

[Tiger2013]

في حد بيفهم في الاجراءات الجمركية بتاعت المواتير؟؟

[Tiger2013]

انا روحت للتاجر بتاع المواتير , وقالي اديني مهلة 20 يوم و لو ما جبتلكش ورق الموتور , حيغير الموتور بواحد تاني .
وقالي ان ورقة الافراج الجمركي مش لاقيها عند المستورد في بورسعيد , واخد بصمة الموتور و قالي حيدخل رقم الموتور في فاتورة افراج جمركي مجمعة "؟؟؟ الكلام ده ممكن يحصل ولا ايه؟؟

[lada2010]

باشا معلومة لك ان عصام السنى متوفى من شهر ونص واللى ماسك مكانة واحد واخد اسم الحاج عصام الله يرحمة وشغال باسمة تانى شى مش تامر الشافعى دا بيشتغل فى العربيات اليابانى احذر من الشخصية دى لان واحد صاحبى تامر بوظ لة الموتور وفى الاخر الرجل باع العربية بخسارة اللهم بلغت