رعشه في المحرك عند اضاءه النور

[7ahmed7]

السلام عليكم
انا كنت مغير ماتور العربيه وكان الماتور الجديد كويس جدا
المهم شوفت في المنتدي هنا اعلان عن مركز بيظبط عادم السياره وبيظبط حرق الماطور قلت كويس اهو الواحد يعمل صيانه ويظبط الكلام
المهم رحت المركز قالولي بعد الكشف ان الماطور محتاج يتظبطلو الكربراتير علشان حرق البنزين عالي قلتلهم تمام فكو الكربراتير وظبطوه وركبوه تاني وغيرولي البيجوهات قلت تمام
المهم بعد ما استلمت العربيه لقيت فيها ان لما بدوس بنزين واشيل رجلي الاكسلاتير ما بيرجعش بسرعه بيفضل محمل شويه
وتاني خاحه لقيت ان لما بشغل النور الواطي او العالي بلاقي المطور بيرعش

رحت للمركز تاني يوم وقلتلهم علي الحاجات دي قالولي بعد الكشف العربيه مافيهاش حاجه وهي كدا تمام قلتلهم ازاي بس العربيه قبل ما اعملها ماكنتش كدا قالولي هي المفروض تبقي كدا

المهم انا بصراحه اتخنقت منهم عاوز اعرف ايه حل المشكله دي
- ان الاكسلاتير مش بيرجع بسرعه بعد ما بشيل رجلي من علي البنزين
- وان المطور بيرعش لما بشغل النور الواطي او العالي او لما المراوح بتاعت التبريد بتشتغل

ياريت حد يفيدني في المشكلتين دول

وشكرا

[7ahmed7]

هو انا كاتب الموضوع في مكان غلط ولا ايه -- هو ما فيش حد هنا

[abdlla50]

بص ياباشا على حد علمى والله اعلم عشان مافتيش

خلى كهربائى محترم يبصلك على العربيه ويشيك على كهربة الماتور

بالنسبه للاكسراتير مابيرجعش تانى بسرعه ممكن يكون السلك محمل شويه

[7ahmed7]

شكرا لاهتمامك انا هاعمل كده واشوف

[ahmedfouad]

غالبا فى كبل ارضى اتفصل وما رجعش مكانه
يا ريت تقول اسم المركز ده علشان حصل موقف زى ده معايا قبل كدة ولو طلع هو يبقى الناس تبقى عارفة

[7ahmed7]

هو المركز ده كنت عارفه عن طريق نايل موتورز بس مش فاكر اسمه بالظبط بس هو في جسر السويس عند اولاد رجب - اعتقد اسمه مركز الصفا
ياريت لو تعرف انهي كابل ولا فين تقول لي لحسن انا دايخ

[ahmedfouad]

هو المركز ده كنت عارفه عن طريق نايل موتورز بس مش فاكر اسمه بالظبط بس هو في جسر السويس عند اولاد رجب - اعتقد اسمه مركز الصفا
ياريت لو تعرف انهي كابل ولا فين تقول لي لحسن انا دايخ

هو نفس المركز فعلاً .. لازم بعد ما تخلص ترجعله تانى
لازم تروح لكهربائى وهو اللى هيقولك انهى كابل بعد الكشف

[abdoumahros]

اعتقد

السلام عليكم
انا كنت مغير ماتور العربيه وكان الماتور الجديد كويس جدا
المهم شوفت في المنتدي هنا اعلان عن مركز بيظبط عادم السياره وبيظبط حرق الماطور قلت كويس اهو الواحد يعمل صيانه ويظبط الكلام
المهم رحت المركز قالولي بعد الكشف ان الماطور محتاج يتظبطلو الكربراتير علشان حرق البنزين عالي قلتلهم تمام فكو الكربراتير وظبطوه وركبوه تاني وغيرولي البيجوهات قلت تمام
المهم بعد ما استلمت العربيه لقيت فيها ان لما بدوس بنزين واشيل رجلي الاكسلاتير ما بيرجعش بسرعه بيفضل محمل شويه
وتاني خاحه لقيت ان لما بشغل النور الواطي او العالي بلاقي المطور بيرعش

رحت للمركز تاني يوم وقلتلهم علي الحاجات دي قالولي بعد الكشف العربيه مافيهاش حاجه وهي كدا تمام قلتلهم ازاي بس العربيه قبل ما اعملها ماكنتش كدا قالولي هي المفروض تبقي كدا

المهم انا بصراحه اتخنقت منهم عاوز اعرف ايه حل المشكله دي
- ان الاكسلاتير مش بيرجع بسرعه بعد ما بشيل رجلي من علي البنزين
- وان المطور بيرعش لما بشغل النور الواطي او العالي او لما المراوح بتاعت التبريد بتشتغل

ياريت حد يفيدني في المشكلتين دول

وشكرا

[abdoumahros]

اعتقد

اعتقد ان رعشه الموتور عند استخدام النور سببها ان كابلات البطاريه موش مثبته كويس او ان او ان سلك الارضي العام مهزوز والاتنين سهل وبرضه لو سير الدينامو موش مشدود كويس يعمل كده
اما رجوع دواسه البنزين فده سببه ان سلك البنزين موش ( مرتاح صح ) او ان سوسته الكربراتيىر بتاعت سلك البنزين موش بتتحرك بسهوله وبرضه كل ده سهل

[bergkamp]

انا عندى نفس المشكله وشيكت ع الحاجات دى ولسه موجوده برضو

[M R. Z E C O]

صديقي العضو

غالبا هو الارضي

تقبل مروري zeco

[أحمد طلبه]

السلام عليكم
بالنسبه المطور بيرعش لما بتشغل النور
النور بيسحب كهربا من البطاريه فا بتالى البطاريه بينقص شحنها فا بتقوم دائره الشحن بوظيفتها وهى انها تشحن البطاريه فا بيزيد الحمل على الدينامو لشحن البطاريه مره اخرى فا بالتالى بيزيد الحمل على الموتور ونفس الموضوع بالنسبه للمروحه

[zhekt]

السلام عليكم ورحمة الله وبركاته
أخي الكريم المشكله دي باذن الله تنحصر في حاجتين
الاولى اما البطاريه ضعيفه
والثانيه عيب في الدينامو
وبالتأكيد لو حضرتك بتمشي بالسياره بالليل اول ما تنور النور العالى تحس وكان حاجه بشد السياره من الخلف كانك بتغل التكييف وانا ماشي مثلا