ارجو المساعدة فى كربراتير 127 عند الدوران الصبح

[carrozzeria]

السلام عليكم اخوانى ارجو المساعدة المشكلة كالاتى انا عندى عربية 127 متركب فية ماتور توب 1050 تمام العربية كانت الاول اول ما ادور كانت تدور دلوقتى الازم اضغط على دواسة البنزين اكثر من 4مرات واول ما تشتغل احس انة مخنوقة كدا حليت الكرابراتير وفكيتة وشلت بك السلانسية ونظفتة وايضا العوامة وبك كان جوة دة على ما اتقد بتاع السرعة وكان نظيف ونظفتة بلبنزين وركبت نفس الحكاية سئلت ناس قالو ممكن تكون البكات وسعت بس الجكمان ما بيطلعش دخانة كنت عوز اعرف العيب من اى من البكات اغيرة وارجو لو منة ارقامة كام وطريقة ظبط بك السلانسية وايضا الهواء وشكرا

[aw2100]

العيب ده من كهربة العربية راجع الأسبراتير والابلاتين والكوندنسر والبوجيهات وظبط التكايات كل ده يخنق العربية اول الدوارة مش بس الكاربراتير !!

[carrozzeria]

يعنى اخى الكريم ممكن يكون عيب الكهرباء تسبب العيب دة مش الكربراتير طيب اخى كنت عوز اعرف ارقام بيكات الكرابراتير وازاى اعرف اظبط بك السلانسية وكمان الهواء وانا اسف وكمان ظبط الاسبراتير

[aw2100]

لو عاوز عربيتك تبقى طلقة اشترى كاربراتير ويبر استعمال اللى بيركب على موتور ال128 وركبله خراطيم مية سخنة وحتدعيلى حيخلى موتور العربية صاروخ واستهلاكه معقول فى البنزين انا كنت مركبه فى ال 128 القديمه 10/10 ودى صورتة
Fiat 128 Weber 32 ICA Carburetor | eBay

[starsat]

اشكرك اخى الكريم على النصيحة وعلى سرعة الرد بس انا حاسس انى مش من الكرابراتير الانى اخوك دماغة حلوة وفكيت الكرابراتير من جوة وشوفت العوامة وفى داخل العوامة بيك السرعة طلعتة وكان نظيف وايضا بك السلانسية ايضا نظيف ومفهوش مشكلة ولو فيهم مشكلة مش كانت العربية تطلع دخانة معاية هيا ما بطلعش دخانة خالص الحمد لله فا كنت عوز اعرف ممكن احتمال يكونوا واسعة مثلا ولا اشيك على الكهرباء الاول الكوندنسر والابلاتين والبوجيهات انا عارف البوجهات عادى وكنت عوز اعرف ازاى احل الكوندنسر والبلاتين من الاسبراتير الانى بازن لله حركبهم بنفسى واول ما اركبهم ازاى اظبط الاسبراتير من المسمار وشكرا اخى وانا اسف على الاطالة

[hugan]

غيره بواحد استيراد وريح دماغك
الكراتير في مصر مالوش تصليح شغلانه كلها نصب
كان عندي نفس المشكله في ال 27 التوب
وماتحلتش بعد مصاريف كتير الا بتغييره بواحد استيراد

[aw2100]

اشكرك اخى الكريم على النصيحة وعلى سرعة الرد بس انا حاسس انى مش من الكرابراتير الانى اخوك دماغة حلوة وفكيت الكرابراتير من جوة وشوفت العوامة وفى داخل العوامة بيك السرعة طلعتة وكان نظيف وايضا بك السلانسية ايضا نظيف ومفهوش مشكلة ولو فيهم مشكلة مش كانت العربية تطلع دخانة معاية هيا ما بطلعش دخانة خالص الحمد لله فا كنت عوز اعرف ممكن احتمال يكونوا واسعة مثلا ولا اشيك على الكهرباء الاول الكوندنسر والابلاتين والبوجيهات انا عارف البوجهات عادى وكنت عوز اعرف ازاى احل الكوندنسر والبلاتين من الاسبراتير الانى بازن لله حركبهم بنفسى واول ما اركبهم ازاى اظبط الاسبراتير من المسمار وشكرا اخى وانا اسف على الاطالة

فك الابلاتين والكوندنسر وتركيبهم كمان سهل لكن فية ظبطه للابلاتين ماينفعش اشرحها فتحة الأبلاتين المفروض تتظبط لو زياده او نقصة بتخلى العربية متكتفة او تسخن فلو تروح لميكانيكى ممكن يكون البلاتين عندك عاوز ظبط بس او الكوندنسر محتاج يتغير علشان بيبوظ اسرع من الأبلاتين وبراحتك !!

[starsat]

اوكى اخى الفاضل انا بازن لله حروح للميكانيكى واغير طقم الكهرباء واشوف لو اشتغلت تمام يبقة الكربراتير سليم عملت نفس الحكاية حريح دماغى واشترى واحد استعمال واشكركم على الافادة وبارك لله فيكم

[Colin Chapman]

فيورا جيبسى 1974