العربيه بتنط فى الطلعه

[aliyehia]

الاخوه الافاضل
انا معايا عربيه 124 سبور 1800
لما ادى الاول و انا طالع العربيه تبدا تنط و اضطر اشيل رجلى من على البنزين
و لو حملت سنه على البنزين و انا بارفع رجلى من على الدبرياج ساعات (مش دايما) تطلع عادى
الغريبه انى لو طلعت على التانى ما يحصلش النط ده
انا مغير طقم كهرباء كامل و العربيه في المشى كويسه و مش بتقطع و في السلانسيه منتظمه
يا ريت حد يفيدنى في سبب الموضوع ده

[aliyehia]

ايه يا شباب
ده انا كنت معتبر السوال ده مش صعب قوى

[houras1010]

العيب فى الفتيس

[aliyehia]

قصدك في اسطوانه الدبرياج و لا في الفتيس نفسه
طيب و لما باطلع على التانى و ده مفروض انه اصعب على العربيه ما بتحصلش المشكله دى
ارجو الافاده

[aliyehia]

معقول يا جماعه يومين و رد واحد فقط و مختصر
انا ساعات باحس ان الناس كلها ركزت فى قسم احوال الشارع المصرى و نسيت ان المنتدى اساسه للعربيات
ارجو اعاده المنتدى لهدفه الرءيسى و زياده التواصل

[houras1010]

قصدك في اسطوانه الدبرياج و لا في الفتيس نفسه
طيب و لما باطلع على التانى و ده مفروض انه اصعب على العربيه ما بتحصلش المشكله دى
ارجو الافاده

قصدى الفتيس نفسه وبالنسبه للتانى ليه مش عامل مشكله عشان مجموعه التانى سليمه

[aliyehia]

هل ده معناه فتيس جديد و لا ممكن. تصليح الترس بتاع الاول بتغييره

[ابو لؤى]

كل مشكلتك هيا فى واير الدبرياج محتاج يعلى شويه مع احترامى للعضو اللى قالك فتيس او كلام من ده ماتدخلش نفسك فى فك فتيس والكلام ده

[aliyehia]

ربنا يكرمك حاراجع الميكانيكى و ابقى اطمنك

[houras1010]

ياريت تكون الحاجه البسيطه زى شد الواير هى السبب بس لما بقول جوة الفتيس بقصد اصل المشكله ممكن يكون فين عشان يكون حل جذري
ليها

http://nileup.com/up/uploads/nilemotors_13981958091.bmp

زى ما يكون الخط ليه طرفين A&B وحصل ميل من ناحيه B لو نزلت بالطرف A شكلها هيكون كما لو كان مضبوط لكن الأصل ان الحافه B تترفع

http://nileup.com/up/uploads/nilemotors_13981951831.bmp

[houras1010]

[aliyehia]

انا رحت لميكانيكى تانى و بعد ما جرب و من غير ما اقول له ايه المشكله قال لى انت محتاج تغير اسطوانه الدبرياج و الديسك و البليه
انا فعلا جبتهم ماركه فاليو تركى من عند الكيلانى و بكره ان شاء الله حيركبهم و ابقى ابلغكم بالنتيجه

[فادى محمد]

قبل ماتركبهم بص علي ترس الفولام لو فيه ريجه غيره استيراد او امسحه ع المخرطه ضروري علشان مايعملش
معاك رعشه في الطلعه بعد كده

[aliyehia]

الف شكر على الردود و ان شاء الله سيتم مراعاه النصاءح

[mitooth]

كل مشكلتك هيا فى واير الدبرياج محتاج يعلى شويه مع احترامى للعضو اللى قالك فتيس او كلام من ده ماتدخلش نفسك فى فك فتيس والكلام ده

كلام مظبوط ولو فى رعشة مع الطلعة والغيارات ساعات بتعض فى العصاية ده ديسك ياباشا وممكن يكون اسطوانة حتى لو مليانة بس ريجلاشها مش مظبوط ( اللى هى السوست اللى فيها مبوشة) بس شوف الاول واير الديبرياج زى ما قال البشمهندس