المكنه بتاكل الزيت

[aboyahea]

السلام عليكم ازيكم ياجماعه عاملين ايه ... ؟
انا عندي الماتور بتاع العربيه الاكسنت بتاكل الزيت اكل يعني ممكن علي ميعاد غيار الزيت الاقيها بتنزل لتر واحد من 3.5 لتر
وديتها للميكانيكي قالي هنفتح الماتور والله اعلم بالي جوا فيه ايه
ربنا يستر
وانا بصراحه عاوز اغير الماتور من 1300 اجيب ال1500cc
فاياريت لو حد يقدر يفدني في موضوع تسقيط الماتور يقولي عليه او سعر المكانه عمتا بكام وهل اسقط الماتور ولا اصلح المكنه وخلاص يارررريت الافاده

[Astro BoY]

من 3.5 لتر ل 1 لتر دى بعيدة اوى وكدة الموتور حالتة متاءخرة خالص هيا بطلع دخان ابيض ؟

[aboyahea]

من 3.5 لتر ل 1 لتر دى بعيدة اوى وكدة الموتور حالتة متاءخرة خالص هيا بطلع دخان ابيض ؟

اه بتطلع دخان ابيض بس لما حطيت الزيت الي بينضاف في غياره الزيت قل شويه بس برده بطلع ... ارجو الافاده
ياترا اعمل العمره ولا اجيب ماكنه جديده ولا لا وايه الحاجات الي تتغير وايه الحاجات الي تتعملها صاينه او خراطه وشكرا

[احمد كامل]

انا بردو عندى نفس العيب لقيت فى مرة لمبة الزيت نورت بطلت العربية و استنيت شوية و جيت اقيس الزيت
لقيته ناقص بكمية كبيرة تقريبا مش واصل اصلا للسيخ بتاع مقاس الزيت رحت للمكيكانيكى زودلى الزيت
و بعدين دور العربية و خلانى ادوس بنزين و راح يراقب من ورا لقاها بتطلع دخان ابيض
راح قالى كدة ياما هنضكر نفك الموتور او انك هتضطر تضيف زيت كل شوية
و بصراحة انا مش عارف اعمل ايه
ارجو الافادة

[ahmedelrayan]

بص يا باشا عمرة موتورهتكلف من 2000الى 2500 فأنا من وجهة نظرى مادام موتورك 1300ccيبقى هات موتور 1500ccافضل اولا عشان التكييف ثانيا هيكون انجكشن ثالثا هيكون سهل اوى تخلى العربية باور والمكنة دى بتركب عادى جدا على العربية بدون اى تعديل فى القواعد

[Fadi Ezzat]

غير الماتور افضل وهات 1500

[tito32]

بص يا باشا عمرة موتورهتكلف من 2000الى 2500 فأنا من وجهة نظرى مادام موتورك 1300ccيبقى هات موتور 1500ccافضل اولا عشان التكييف ثانيا هيكون انجكشن ثالثا هيكون سهل اوى تخلى العربية باور والمكنة دى بتركب عادى جدا على العربية بدون اى تعديل فى القواعد

انا مع هذا الراى ده

[tito32]

بص يا باشا عمرة موتورهتكلف من 2000الى 2500 فأنا من وجهة نظرى مادام موتورك 1300ccيبقى هات موتور 1500ccافضل اولا عشان التكييف ثانيا هيكون انجكشن ثالثا هيكون سهل اوى تخلى العربية باور والمكنة دى بتركب عادى جدا على العربية بدون اى تعديل فى القواعد

انا مع الراى ده

[aboyahea]

غير الماتور افضل وهات 1500

الف شكر لاهتمام حضرتك وهوا ده الي ان شاء الله هعمله بس ماحدش يعرف الاسعار عامله ايه وافضل مكان اجيب منه المكنه

[aboyahea]

الحمد لله

تم شراء ماتور 1300cc انجكشن وخت منه البلوك بس وشلت منه المنافول والرشاشات والدينمو والمارش وركبت عليه الكربراتير بتاع العربيه واجزاء التشغيل (الدينمو والمارش ) والعربيه تعمل بكفاءه عاليه مع تشغيل التكيف

[Abo_Mazen]

تم شراء ماتور 1300cc انجكشن وخت منه البلوك بس وشلت منه المنافول والرشاشات والدينمو والمارش وركبت عليه الكربراتير بتاع العربيه واجزاء التشغيل (الدينمو والمارش ) والعربيه تعمل بكفاءه عاليه مع تشغيل التكيف

الله ينور ..

[Fadi Ezzat]

الف مبروك بس مجبتش 1500 لية والاسعار عاملة اية

[Shadyelgedawy]

يا ريت تقوللنا التفاصيل ، منين وبكام
مع الشكر