الماتور بيسقف والسحب بيضعف مع السخونة

[Chery_fulwin]

ااسلام عليكم
عربيتي اول ما ادورها بيكون سحبها هايل بس لما مؤشر الحرارة بيوصل النص بيضعف سحبها وبتسقف شوية ياريت من الخبراء يقولي على حل للمشكلة دي

[ozo_eg]

متابع لمعرف حل المشكلة

[amoor89]

طيب مش حضرتك تقول ماركة العربية وموديلها عشان نقدر نساعدك ؟

[mrastra]

السبب هو سخونة السيارة
لو حليت المشكلة السحب هايبقى ثابت

[amr_elrashidy]

بص حضرتك انا عربيتي كيا سيفيا 99...فيها نفس المشكله ...الحلول اللي عملتها لحد دلوقت ومفيش فايدة...اولا تغيير جوان وش السلندر و طبعا ضبط السير التقسيمة ( الكاتينة)...تغيير كل الفلاتر الموجودة بالسيارة..بوجيهات طبعا..تم حل المراوح وتنضيفها و نفخ و تسليك الريدياتير تسليك بلدي بالسلك و بالهوا ..تغيير ماستر فرامل لان صاحب العربية اللي قبلي كان حاطط زيت باور :(..و ده طبعا ممكن يخلي الماستر يقفش وبالتالي العجل و بالتالي الموتور يحمل اكتر و يسقف اما يسخن..علبة الشكمان الخلفية .. الحلول اللي لسه مجربتهاش لاني زهقت و مش عارف مجديه ولالا...تغيير طلمبة المياة ولو انها بتقلب عادي جدا..و المروحة...اه صحيح ثرموستات الكوعه ملغية عندي و الكل اجمع ان دي للبلاد الباردة مش لينا و الله اعمل و رسوله...ارجو حد من المحترفين افادتنا و شكرا

[MAGEDSAMIR]

رجع الترموستات الداخلى مرة تانية علشان الكونترول يرجع يشوف المعدلات الطبيعية للحرارة اللى بناء عليها الموتور حيشتغل بالشكل الامثل

[mamdouhelsayd]

ااسلام عليكم
عربيتي اول ما ادورها بيكون سحبها هايل بس لما مؤشر الحرارة بيوصل النص بيضعف سحبها وبتسقف شوية ياريت من الخبراء يقولي على حل للمشكلة دي

ياريت حضرتك تحط بنزين 92 أو 95 وتجرب تطلع بيها على طريق طويل وإسحب جااااااااااامد وإدعيلى

[alzelafy]

راجع علىى المراوحح شوفها شغاله و بتفصل و لا لا ..... لو مبتفصلش يبقى عندك مشكله فى التبريد و هى دى اللى بتعمل فى العربيه كدة ,,,, يبقى ظبط دورة التبريد

[محمود السيد]

يا عم ام العربية تسقف قوم انت طبل لهااااااااااااااااا


المشكة دى والله اعلم ان الموتور بيسخن بيسخن الاسطوانة فبتبدا تفوت وبالتالى بيقل السحب اما والعربية باردة فبتكون الاسطوانة مريحة وعشان كدة مش بتفوت وبالتالى السحب بيكون كويس او الدوارة

[carrier]

حل مشكلتك دى فى حاجتين

متحطش غير بنزين 92 ومتهوبش ناحية بنزين 80 خالص ملك تسقيف المواتير بمصر

فك واعادة تركيب الانجكشن كاملا بعد تنظيفه هو وحساساته بالاير ماس والعمة

وتنظيف او تغيير رشاشات البنزين + الفلتر + البوجيهات