إعـــــــلان

Collapse

.

,
See more
See less

استفسار بخصوص ماتور لانسر 2007 بتاكل زيت

Collapse
X
 
  • Filter
  • الوقت
  • Show
Clear All
new posts

  • استفسار بخصوص ماتور لانسر 2007 بتاكل زيت

    السلام عليكم
    عندى الماتور من حوالى 6 شهور جاب جوان وش السلندر غيرته عند ميكانيكى
    المهم من يومها وعندى العربيه بتاكل زيت
    كنت جايب زيت شل الترا 10000 مكملش ال 5000 كيلو ولقيت العربيه مفهاش 2 كيلو على بعض
    روحت اشتريت زيت وزدته كيلو
    ونقص تانى لغاية 8000 يعنى 2 كيلو كده روحت للميكانيكى وقالى الزيت ده خفيف زياده عن اللزوم
    روحت غيرت وجبت زيت توتال 5000 علشان اللزوجه فيه عاليه
    وللاسف 3500 كيلو كلت حوالى كيلو زيت او اقل شويه
    ممكن اعرف هل الجوان ليه سبب ف الموضوع ده ولا المكنه فيها حاجه ؟
    بس العربيه مش بتسخن ولا اى حاجه وبسافر بيها عادى ولا اى حاجه
    [img3]http://images.mazika2day.com/images/23365123125395317622.jpg[/img3]

  • #2
    أى مشاكل فى الزيت يبقى فى تسريب فى حتة معينة, مافيش حاجة اسمها الزيت بيتاكل, هيروح فين؟ هيسرب أكيد. يا أما هيتبخر بقى.
    أسهل حاجة تعملها أهى, محتاج حد تانى معاك, أنت تركب العربية و تدور و تدوس على 1500 لفة كده لمدة 2 أو 3 دقايق, و بعدين ترفع و تسبها دايرة دقيقة من غير حاجة. بعد كده تزود بنزين على الآخر يعنى 6000 لفة, على الآخر آخر يعنى. مرة أو اتنين أو تلاتة و ما تطولش فى الدوسة يعنى هما 5 ثوانى أكتر حاجة. طبعا العربية متمورة و فرامل اليد مرفوعة و ايدك بعيدة عن الفتيس تماما ما تسندهاش عليه حتى.
    الشخص اللى معاك بقى دوره يقف أدام الكبوت و هو مفتوح يتفرج, و يقف بعيد سنة يعنى متر أو اتنينمثلا و من الجنب مش قدام العربية. لما أنت تيجى تزود جامد لو التسريب من حتة من وش السلندر زى الجوان هتبان على طول الزيت طالع منها زى رشاش مياه أو ممكن حتى ينقط مش أكتر.
    خلى بالك برضه من أى خرطوم من الخراطيم اللى واصله للمكنة خصوصا العلبة اللى مكتوب عليها "Engine Oil" دى بيكون واصلها كذا خرطوم, بعد ما تزود و تنزل تعدى صابعك على الخراطيم دى من غير منديل أو قماشة أو حاجة و تحس لو عليه زيت (صابعك عشان هتحس بالزيت على طول فى الحتة اللى موجود فيها غير القماشة اللى هتشوف فيها الزيت بس) و خصوصا من عند النهايتين بتوع كل خرطوم لأن الحتت دى أحيانا بيقى عندها قطع طولى بسيط أوى أوى بيخليها تسرب تحت الضغط.
    و تشوف برضه عند الجوانات لو فيه أى زيت محروق هيبقى لونه أسود باين, و تاخد بصة على الوش كله تشوف لو فيه أى بقع سوداء.
    و بعدين تحرك العربية و تشوف لو تحتها زيت برضه ممكن التسريب يكون من السدادة أو الفلتر.
    ده اللى تقدر تعمله أنت بنفسك عشان تشوف لو فى تسريب ولا لأ. لو جربت الكلام ده و مالقيتش أى تسريب يبقى تروح لميكانيكى تسبهالوا ممكن تضطر تحلها و يشوفلك فيها أيه.

    Comment


    • #3
      لما بتفتح الكابوت بتلاقى اى اثار لزيت مغرق الحوض من الموتور او من اتحت الموتور مسيل زيت ؟؟
      ولو فى اغسل الموتور من تحت وشوف لو بقى فى زيت تانى يبقى الميكانيكى مقفلش كويس وفى خرير زىيت زى ما قالك

      Comment


      • #4
        طيب ابقى راجع على المياه فى الريداتير وشوف هتلاقى طبقة زيت على وش المياه والا لا لان جوان وش السلندر بيركب ويربط الوش عليه بعد فترة يكون طبع لازم يتراجع عليه ربط لانه بيكون ريح شويه ودى بيخليه يعمل نسبة تسريب زيت على الميه فى الريداتير لانه كان حصل معايا بس نقص الزيت مكنش بشكل ملحوظ

        Comment

        Working...
        X