نعره فى الموتور

[mohammed fathy]

السلام عليكم ورحمه الله وبركاته
انا عندى مشكله غريبه جدا فى العربيه
المشكله هيه ان فيه صوت نعره فى الموتور والصوت ده بيبان قوى لما عداد ال rpm يكون بين ٣ الى ٣.٥ rpm
والصوت ده موجود فى كل الغيارات و بيختفى تقريبا بعد ال ٣.٥ rpm
المهم انا غيرت علبه البيئه و علبه الشكمان و سير الكاتينه و بلى سير الكاتينه وسير الدينامو
ولسه المشكله موجوده ومش عارف ايه الحل فياريت يا باشا لو عندك فكره عن المشكله ديه تقولى

[aw2100]

ممكن تسجل الصوت وترفعه علشان نقدر نساعدك ؟؟؟؟؟

[mohammed fathy]

الصوت عامل زى صوت الديفل

[mohammed fathy]

زى صوت الديفل

[homos_loz]

بس يا سيدى ومن الاخر هما حاجتين اولا العمة السفلية اللى تحت فلتر الهواء تحت الرفرف اليمين ثانيا اكشف على موتور طلمبة البنزين وبقى اولى عملت اية

[mohammed fathy]

هوه موتور طرمبه البنزين ايه علاقته بالنعره
مجرد سؤال للعلم بالشيئ

[homos_loz]

ياباشا انت لما تدوس بنزين جامد حتسمع صوت نعرة الصوت دة من موتور الطرمبة انا كان عندى الصوت دة وعلى العموم يا سيدى دى راىء ولك مطلق الحرية واستنى راى الاعضاء

[mohammed fathy]

الف شكر يا باشا على المعلومه انا هجرب موضوع الطرمبه ده
وياريت لو اى حد عندو فكره تانيه يقول يا جماعه
و جزاكم الله خيرا

[a7med33]

كان عندى صوت نعره وطلعت طرمبه الميه العربيه تمبرا وشوف بيلى المارش وربنا يصلح الحال

[mohammed fathy]

الف شكر يا باشا على الاهتمام بس انا عندى العربيه مبتسخنش يعنى موضوع طرمبه الميه ده اظن انه مستبعد بس بالنسبه لبليه المارش هروح للميكانيكى اخليه يشيك عليه

[ozo_eg]

متابع لان عندى نفس المشكلة

[السويدي2015]

متابع لنفس المشكلة

[NightmarE84]

متابع باهتمام