سخونة العربية ثم طحينة في الزيت

[ahmedmosad]

السلام عليكم

العربية دايو لانوس موديل 2007 عاملة 145 الف كيلو

- كان عندي مشكلة في الردياتير تسريب نتيجة ثقب في ماسورة والعربية سخنت جدا المهم بعدها ظبطت الردياتير والدنيا مشيت والحرارة رجعت الي معدلها الطبيعي

- بعد كده لقيت المياه بتقل فبقيت ازودها ومرة سخنت تاني ووقفت العربية وزودت مياه

- العربية كنت حاسسها مش مظبطة وكانت بتغيب شوية في الدوارة في اول اليوم ولو راكنها يومين ولا حاجة

- بعديها قلت اروح بقي اشوف ايه القصة واغير زيت وفلاتر وكدة
-الميكانيكي شاف مقياس الزيت قالي ده ناقص شوية بعدين بيفتح الطبة اللي بيحط منها الزيت الجديد لاقها عامل طحينة , الزيت في الكارتيرة اسود بس مش عامل طحينة (انا كنت بامشي بالعربية عادي مش عارف ازاي)

- الميكانيكي قالي 350 فك وتركيب وش السلندر ديه مصنعية بس وقالي هافكلك الوش تعملو كشط وتظبيت عند خراط وتجيبو اركبهولك وقالي ما تمشيش بالعربية

بعد اذنكم عايز اعرف

1- هل لازم يكون حصل مشكلة في الوش (فقاقيع من درجة الحرارة ) ولا ممكن تكون مشكلة الجوان بس واوفر موضوع الخراطة خصوصا انه هيفكو وخراط في مكان اخر وشغلانة ؟
2- هل يمكن السير بالعربية لمسافة 60 كيلو مثلا (للوصول للحرفيين) علشان اشوف حد تاني ولا كده خطر علي الموتور وممكن الموضوع يتطور ؟
3- هل مبلغ 350 جنية للقصة ديه مبالغ فيه ولا معقول ؟

[ahmedteam]

العربيه غالبا فيها مشكله وش سلندر مش جوان بس اعمله عند حد فاهم علشان ميتكررش

ممكن تروح بيها الحرفيين عادى بس قبل ما تتحرك زبط المياه و الزيت

التكلفه مش هقدر افيدك فيها

[أبومازن333]

مصنعية فك وتركيب وش السلندر وتغيير جوان وش السلندر 90 جنيه
مع العلم الموتور 1500 يتاع النوبيرا 1 ، يعني أصعب في الفك والتركيب بكتير من موتور اللانوس

[ahmedmosad]

طيب كده العربية هتبات ولا ياخد وقت اد ايه الموضوع ده