افتراضي هل وجود زيت على جسم الموتور يعد مشكلة , مرفق صورة

[khashabawy88]

السلام عليكم

لدى سيارة أفيو 2014 جديدة عامله 3750 كيلو فقط

اليوم كنت ألقى نظره على الموتور و مستوى المياه و الزيت و كله تمام و الحمد لله و لكن لفت نظرى وجود آثار زيت على جسم الموتور لم يكن موجود من قبل فهل ذلك يعد مشكلة ؟

صورة للتوضيح ( برجاء النظر للصورة بإمعان قبل إصدار الحكم لأن هناك شخص قال غطأ التكيهات و هو خطأ لأنه لا زيت على الغطاء )

[Kemo_88]

بص بصراحة, هى حاجة من الأتنين, ياإما زيت خارجى مدلوق ياإما تسريب, بس العربية جديدة فأحتمال التسريب دة ضعيف جدا, أحسن طريقة تعرف بيها أنك تنضف الزيت كويس قوى و تشوف هتجيب زيت تانى ولا لأ, لو جابت زيت يبقى تسريب و غالبا هيبقى من غطا التاكيهات لأن المكان دة أصلا مفهوش مكونات فيها زيت غير غطا التاكيهات, لو مجبتش زيت يبقى خلاص مفيش مشكلة.

[Kemo_88]

حبيت أقول حاجة تانية, لو طلع تسريب زيت أى كان مكانة, أنا لو مكانك أروح أطلب إستبدال العربية بالكامل فورا خصوصا ان هى 2014 ده معناه انها فيها عيب تقفيل حتى لو كانت عايزة تقريط على المسامير, الله أعلم إيه تانى مفكوك و محتاج تقريط, بس إنشاءالله مفيش مشكلة...

[Fadi Ezzat]

نضفة بفوم كويس وبعد كدة شوف فية تسريب تانى ولا لأ
لو فية اطلع على الضمان بقى انتا بتقول 2014

[khashabawy88]

هو ينفع أبدل العربيه :))))) أنت بتهرج أكيد ؟؟؟؟؟

[Kemo_88]

حقك عليا يا سيدى أنا غلطان, على العموم انت و نصيبك بقى, ربنا يوفقك.

[akmm]

وشوف غطاء الزيت مقفول كويس ولا لأ ................