نصيحه يا اهل الخبره الحقووووونى

[hesham155]

اولا تحيه لاهل المنتدا الكراااام
انا معايا لانوس وان اشترتها من كام شهر والحمد الله عربيه زى الفل ومريحانى جدااا
مره وحده وانا سايق العربيه بقيت حاسس انها متلته المهم كشفت لقيت بوجيه قاطع فعلا غيرت طقم بوجيهات والمكانيكى عمل حاجه غريبه فتح سن البوجيه شويه قبل تركيبه محطتش فى دمغى بعدها بكام يوم ببص على الزيت لقيته ناقص ببص على الشكمان بيطلع دخنه بيضه ينهاااااااااااار رحت غيرت زيت وفلتش برضو الدخنه موجوده اغير بوجيهات ولا موضوع فتح سن البوجيه ده ملوش دعوه ؟؟
لو عيزه طقم شنبر اعمله ولا هترجع تبوظ ثانى بصراحه الماتور سحبه حلو وانا بجرى وبقرص بالعربيه لدرجه انها بتجيب معايا ال 190 فا الكل قلى العمره او النص عمره هيبقا هتبقا هادى عشان لو قرصت هترجع ثانى وفى حد نصحنى احط زيت شنبر كحل مؤقت لحد ما اشوف هعمل ايه بالله عليكم سعدونىىىىى

[amoor89]

المكنة خفيفة وعايزة طقم شنبر اعملها طقم شنبر وهات حاجاتها الأصلية والتزم فى وقت التليين انك متقرصش عليها لكن بعد كده الدنيا بتبقى تمام
ونصيحة اخويا حاول تهدى شوية فى سواقتك اكيد فى حد فى حياتك بيخاف على سلامتك وبيستناك

[mrastra]

الميكانيكى فتح سن البوجية شوية عشان عارف ان البوجية دة بيغرق زيت
فعاوز يحافظ على البوجية اطول وقت ممكن
فعشان كدة فتح ثغرة البوجية عشان لما يتكون علية رواسب الزيت يفضل فترة كبيرة على ما يقطع