العربية بتبطل وهي ماشية - سيراتو 2010

[ahmedsharkawy]

السلام عليكم،،
أنا عندي عربية سيراتو 2010 خليجي، في يوم فجأة بطلت خالص وأنا ماشي، وبتعمل الموضوع ده علي فترات، وبيبقي في تعليق في تدوير العربية علي فترات برضه، بس مافيش باك فاير!
روحت التوكيل امبارح لصيانة ال60 والمهندس قاللي ده ممكن يبقي حساس الكرنك! لما رجعت أخذ العربية قاللي الكمبيوتر مقراش حاجة وإن حساس الكرنك ممكن ميقراش إن في error في الأول!
المشكلة إني لسه حاسس إني لما بهدي العربية هتفصل ودوسة البنزين والفرامل مش قوية برضه!
أروح أغيره وأخلص ولا حد عنده معلومة ممكن تفيدني!

شكرا،،،

[samihanwar]

من رأيى جرب حساس كرنك من عند اى حد تعرفوا أو شوف مركز صيانه ابن حلال خليه يجربلك حساس من عندو وشوف النتيجه بدل متغرم على الفاضى زى ما حصل معايا فى الالنترا المهندس قالى حساس شكمان مليون الميه وبعد ما اشتريتو وركبتو لاقيت الموضوع حاجه تانيه خالص وللاسف الفنى الغبى قطع الفيشه بتاعت الحساس اللى كان راكب فى العربيه وفلوس اترمت فى الارض على الفاضى وربنا يعوض علينا
اللى قصدى عليه كمان ان الكمبيوتر بيخرف فى القرايه ويقولك ان فى حساس كزا بايظ ويكون سليم
يعنى الخلاصه لو زنقت معاك هاتو استيراد عشان اللى عندك طلع سليم رجع اللى اشتريتو
وده رأيى

[phantom200111]

كان عندي نفس العيب في عربيه اوبترا اوتوماتك وكل الكلام دة عملتو وغيرتو وطلع في الاخر حساس السلانسيه مع العلم ان الكشف بالكومبيوتر لم يظهر شيء

[phantom200111]

نفس العيب كما قلت سيارة اوبترا والكومبيوتر لم يظهر شيء لفيت لما تعبت جدا وكل دة بمصاريف وكلواحد يفتي فتوي غيرت بوابه الانجكشن وغيرت حساس الكرنك وفي الاخر بعد لف ومصاريف كهربائي قاللي حساس السلانسيه واشتريته جديد 375ج والحمد لله لم يظهر هذا العيب منذ حوالي 6 شهور وربنا الموفق

[the_master848]

زى ماقالوا الاخوة الافاضل وتزود عليهم طلمبة البنزين ..لو فيها حاجة او بايظة ممكن تعمل كده

[lokaaaaaaaaaa]

السلام عليكم
بص يا باشا انا المشكلة دى كانت عندى ولسة حاللها امبارح بس
كان عندى برجلة والعربية تقطع وانا على السلانسية او على سرعة
غيرت الايدل وغيرت بوجيهات ونظفت الرشاشات وعملت كل حاجة ممكن تتخيلها
وقست العادم وطلع زى الفل ودخلت العربية على الجهاز حوالى 3 مرات
وفى الاخر طلع ايييييييييييييييييييييييييه
الموبينه مطلعة شرارة كويسه لثلاث بوجيهات والرابع لا
طبعا غيرت الموبينه بواحدة استيراد و الفرق مش عايز اقولك بسم الله ما شاء الله العربية اتغيرت
360 درجة
ويارب اكون فيدتك فى المعلومة
انا عربيتى النترا 1993 الماكنيكية بيخافو يشتغلو فيها
ولو عزت الماكنيكى او الكهربائى قولى وانا ادلك عليهم

[aelmohamady]

حساس كرنك او الفيشة بتاعته مهزوزة او طلمبة بنزين

Sent from my samsung GT-I9152 using Forum Runner

[أسامه الحسيني]

ممكن على فكره يكون فلتر البنزين او فلتر هواء
وضيف ليهم تنظيف بوابه الهواء
ابدا بالاسهل وان شاء الله بسيطه