سخونة السيارة بشكل مفاجئ ونقص كبير في مياة الرادياتير

[shoshasam]

السلام عليكم ورحمة الله وبركاته

اشترتيت تويوتا كورولا 1994 اتوماتيك من 3 شهور والحمد لله معايا كويسه جدا
وبعض الناس نصحوني اعمل صيانه لدورة التبريد لانها مهمة

اشتريت مياة خضرا امريكي كانز ب 15ج + علبة زيت باكم وروحت لمركز خدمه
قالي غير غطاء الرادياتير لانه مصدي وسوستته بايظه ...... جبت واحد جديد ب 25ج

وحط زيت الباكم في ماكينه تقليب كبيره وربطها بخراطيم الرادياتير لمدة ربع ساعه تقريبا
لتنظيف الدورة من الداخل وبعد كده حط المياه الخضرا وطلعت جربت العربيه لقيتها بقيت ممتازه
وسحبها وصوتها مختلف تماما وكنت مبسوط جدا منها

تاني يوم روحت لفني تكييف عشان اشحن فريون لان التكييف كان ضعيف جدا جدا
سيبتله العربيه لمده ساعتين ورجعت جربت التكييف لقيته ممتاز

فصلت التكييف لان الجو كان ساقعه وطلعت بالعربيه مافيش 5 دقايق لقيت عداد الحرارة
في السما ووصل للعلامه الحمرا
ووقفت العربية وفتحت الكبوت لقيت مروحه الرادياتير مش شغاله

روحت لبتاع التكييف تاني وبطلنا العربيه وقلتله المروحه بتاع الرادياتير مش شغاله
قالي سيبها تبرد وبعد كده حط في الرادياتير نص لتر مياة حنفيه وكذلك القربه لانهم نقصوا طبعا

ودورت العربيه بعد مابردت لقيت المروحه بتفصل وتشتغل تمام

روحت البيت وتاني يوم روحت الكليه من غير اشغل التكييف لان الجو كان كويس
لكن للاسف قبل الكليه ب 5 دقايق لقيت عداد الحرارة زاد جدا جدا سيبتها تبرد
وخلصت محاضرات و رجعت لقيت الرادايتير ناقص لتر كامل وكذلك القربه وزودت مياة حنفية تاني

* العربيه بتسخن بس لو مش مشغل التكييف ...... لو مشغله مش بتسخن
* من يوم ما اشتريت العربيه كان عداد الحرارة استحاله يوصل للنص مهما كان الجو او السرعه
* مش كل يوم بيحصل موضوع الحرارة ده


افيدوني لاني بقيت بخاف اسافر بيها لحسن تسخن مني تاني
وشكرا

[amz2011]

متابع

[borio1704]

غطا الرادياتير اللي حضرتك جبته أتوقع إن فيه مشكلة

قبل ما تشغل العربية وهي باردة اخلع غطا الرادياتير وبص عليه

الغطا فيه جزء من تحت (طبق صغير) لازم يكون حر الحركة.. عليه سوستة خفيفة..
زي الصورة دي




غالبا هتلاقيه لازق في جسم الغطا علشان عليه دهان لازق ولا حاجة

هات أي مفك رفيع وحركه شوية كده عند المنطقة ما بين الطبق وجسم الغطا لحد ما يفكوا اللزقة ما بينهم.. وكده يبقى العيب انتهى إن شاء الله.

زي كده





وابقى قوللنا إيه الأخبار



...

[oslam]

السلام عليكم ورحمة الله وبركاته

اشترتيت تويوتا كورولا 1994 اتوماتيك من 3 شهور والحمد لله معايا كويسه جدا
وبعض الناس نصحوني اعمل صيانه لدورة التبريد لانها مهمة

اشتريت مياة خضرا امريكي كانز ب 15ج + علبة زيت باكم وروحت لمركز خدمه
قالي غير غطاء الرادياتير لانه مصدي وسوستته بايظه ...... جبت واحد جديد ب 25ج

وحط زيت الباكم في ماكينه تقليب كبيره وربطها بخراطيم الرادياتير لمدة ربع ساعه تقريبا
لتنظيف الدورة من الداخل وبعد كده حط المياه الخضرا وطلعت جربت العربيه لقيتها بقيت ممتازه
وسحبها وصوتها مختلف تماما وكنت مبسوط جدا منها

تاني يوم روحت لفني تكييف عشان اشحن فريون لان التكييف كان ضعيف جدا جدا
سيبتله العربيه لمده ساعتين ورجعت جربت التكييف لقيته ممتاز

فصلت التكييف لان الجو كان ساقعه وطلعت بالعربيه مافيش 5 دقايق لقيت عداد الحرارة
في السما ووصل للعلامه الحمرا
ووقفت العربية وفتحت الكبوت لقيت مروحه الرادياتير مش شغاله

روحت لبتاع التكييف تاني وبطلنا العربيه وقلتله المروحه بتاع الرادياتير مش شغاله
قالي سيبها تبرد وبعد كده حط في الرادياتير نص لتر مياة حنفيه وكذلك القربه لانهم نقصوا طبعا

ودورت العربيه بعد مابردت لقيت المروحه بتفصل وتشتغل تمام

روحت البيت وتاني يوم روحت الكليه من غير اشغل التكييف لان الجو كان كويس
لكن للاسف قبل الكليه ب 5 دقايق لقيت عداد الحرارة زاد جدا جدا سيبتها تبرد
وخلصت محاضرات و رجعت لقيت الرادايتير ناقص لتر كامل وكذلك القربه وزودت مياة حنفية تاني

* العربيه بتسخن بس لو مش مشغل التكييف ...... لو مشغله مش بتسخن
* من يوم ما اشتريت العربيه كان عداد الحرارة استحاله يوصل للنص مهما كان الجو او السرعه
* مش كل يوم بيحصل موضوع الحرارة ده


افيدوني لاني بقيت بخاف اسافر بيها لحسن تسخن مني تاني
وشكرا

انا معايا كيا سيفيا 99 وكانت بتحصل معايا نفس الحركه ديه وجننتى كتير وفى الاخر طلع غطاء الريداتير الى انا غيرته برده بينفس وبيدخل طبعا هواء بارد والعربيه تاخد هواء والمروحه مش بتشتغل علشان صباع الحراره مش بتوصله درجه حراره المياه الى فى الريداتير غلط وبارده ومش بتشتغل هات غطاء ريداتير من حد مضمون ويكون اصلى وجرب وطمنا

[mcomics]

وممكن المشكلة مش في غطا الردياتير، ممكن تكون في سائل التبريد اللي عامل المحطة زودهولك
الموضوع دة حصل معايا زمان في عربيتي القديمة وكلفني غيار وش سلندر وغيار رادياتير وكوع معدني
البيه كان حاطتلي مزيل صدى (بيكون في كانزات معدنية نص لتر كدة) بدل من سائل التبريد
وطبعا أشتغل أكل في الموتور والرادياتير من جوه وعمل خروم دقيقة استحالة تتشاف او تتلاحظ حتي
بعديها حصلي موضوع الحرارة اللي بتزيد كل شوية دي و اكتشفنا الموضوع لما الرادياتير اتفك.
خلي بالك من عمال المحطات دول، منهم لله

[shoshasam]

متشكر جدا ياشباب علي ردكم

دي صور للغطا الجديد وحاولت افصل ما بين الكاوتشه
اللي تحت خالص وبين اللي فوقها
لكن مش بتتفصل وسوستها شغاله كويس

علي العموم انا ركبت الغطا القديم تاني
لو العيب من الجديد يبقي العربيه مش هاتسخن تاني باذن الله
وهاروح بيها مشوار كبير بكره ومش هاشغل التكييف نهائي








ودي صور للغطا القديم وزي ما انتوا شايفين ما ينفعشي خالص
لكن سبحان الله العربيه ماكنتشي بتسخن نهائي








وايه اللي في الصورة ده لانه بيسقط زيت كتير وكل ما امسحه يرجع تاني







هل الشرخ اللي في الاسبراتير ده يأثر في شئ
هل يستدعي تغييره




ملحوظه : روحت امبارح مشوار صغير بالعربيه بتاع 3 كيلو تقريبا
وركنت العربيه وكشفت علي مياة الرادياتير النهارده الصبح
لقيت الرادياتير ناقص كوبيه مياه صغيره لكن القربه مش ناقصه

[borio1704]

متشكر جدا ياشباب علي ردكم

دي صور للغطا الجديد وحاولت افصل ما بين الكاوتشه
اللي تحت خالص وبين اللي فوقها
لكن مش بتتفصل وسوستها شغاله كويس

علي العموم انا ركبت الغطا القديم تاني
لو العيب من الجديد يبقي العربيه مش هاتسخن تاني باذن الله
وهاروح بيها مشوار كبير بكره ومش هاشغل التكييف نهائي








ودي صور للغطا القديم وزي ما انتوا شايفين ما ينفعشي خالص
لكن سبحان الله العربيه ماكنتشي بتسخن نهائي








وايه اللي في الصورة ده لانه بيسقط زيت كتير وكل ما امسحه يرجع تاني







هل الشرخ اللي في الاسبراتير ده يأثر في شئ
هل يستدعي تغييره




ملحوظه : روحت امبارح مشوار صغير بالعربيه بتاع 3 كيلو تقريبا
وركنت العربيه وكشفت علي مياة الرادياتير النهارده الصبح
لقيت الرادياتير ناقص كوبيه مياه صغيره لكن القربه مش ناقصه

طيب .. خلينا مع بعض واحدة واحدة...

بالنسبة لغطا الرادياتير.. المفروض مفيش أجزاء تنفصل عن بعض... إنما مجرد حركة بسيطة من الطبق الصغير علشان تسمح إن المية ترجع من القربة للرادياتير مرة تانية لما العربية تبرد.


بص على الصورة دي...



اللي قصدي عليه هو الطبق الأسود الصغير اللي فوق خالص في الصورة

عايز تتأكد إنه شغال صح.. جرب تشفط الطبق ببقك وشوفه بيتحرك ولا لأ.


طيب.. بس أنا شايف من كلامك في أخر سطر إن المشكلة مش من غطا الرادياتير... بس الغطا الجديد أظهر مشكلة تانية ما كانتش واضحة

ما دام المية بتنقص يبقى فيه عند تسريب... غالبا من الخراطيم بتاعة الرادياتير

غطا الرادياتير الجديد خلى الضغط يعلى والخراطيم عندك كانت قديمة ومشققة.. فهتلاقي واحد ضارب بس في مكان مستخبي

بص كده على الخرطوم التحتاني بتاع الرادياتير (الفوقاني إنت أكيد شايفه بعينك).. وشيك كمان على خراطيم الدفاية.


بالنسبة للزيت اللي فوق.. فده جاي بسبب إن الجوانات اللي تحت المسامير دي بقت ناشفة ومشققة وعايزة تتغير.

ممكن تروح تشتري طقم جديد مع جوان غطا التاكيهات.. مش هيكلفك كله على بعضه 50 جنيه.


وبالنسبة للشرخ في وش الاسبيراتير... أكيد له تأثير على سحب العربية وممكن يخلي الموتور يبرجل أحيانا.. لإن الشرارة بتهرب منه.


على فكرة.. كل اللي بيحصل ده طبيعي.. الأجزاء الكاوتش عمرها الافتراضي 5 سنين.. وانت معاك عربية عمرها 20 سنة دلوقتي.. وكل ده عادي وحصل معايا في التويوتا كريسيدا اللي كانت معايا قبل كده.



...

[shoshasam]

* انا حطيت غطا الرادياتير القديم وهاجرب لما اسافر بكره باذن الله

* متشكر جدا علي توضيحك لموضوع الجوانات وتسريب الزيت ولما اروح اعملها قريب أكيد

* بخصوص السحب , انا بحس بضعف السحب بس لما احط بنزين 80
لكن لما بفول بنزين 92 العربيه بتبقي ممتازه عشان كده حرمت احط 80 تاني حتي لو مش هاخرج بيها

هاتابع معاك باذن الله خطوه خطوه عشان كل الناس تستفاد

[shoshasam]

حتي الان لم يحدث أي مشاكل بخصوص الحرارة نهائي من يوم ما رجعت الغطا القديم بتاع الكربراتير
وفي نقصان بسيط في القربة لكن الردياتير مش بينقص والحمد لله

متشكر لكل الأعضاء اللي ساعدوني بأرائهم

[Hosam_fouad]

هخليك في الغطا القديم ........ واشتري واحد اصلي وجرب بمايه خنفيه لمده اسبوع لو بقيت كويسه معاك اشتري مايه من موبايل او توتال

[shoshasam]

تقصد واحد استيراد