تجربة Octane Booster للمحركات ذوى الانضغاط المرتفع

[ashouhdy]

الحمد لله تجربة ممتازة بالذات لمحرك ذو انضغاط عالى (فقط)

10.5:1 الاقرب للبنزين 95

كان احيانا ممكن فى الزحام الشديد و التكييف والحر احيانا ممكن تحس بكركرة بالذات لما تحط بنزين من محطة اى كلام

وكنت دايما بختار محطات نضيفة لتلافي المشكلة دى

دلوقتى جربت ال بووستر دة المفروض بيرفع درجة اوكتان كاملة يعنى 92 يبقي 93 ويقرب لل95

والحقيقة النتيجة هايلة معايا

مفيش اى كركرة حتى لو حطيت من التعاون :) وصوت الموتور هدي كمان

سعرة 35 جنية وبيتحط مع التفويلة لانة بيكفى لحد 90لتر فخسارة يتحط على 10 او 20 لتر في التنك


والحمد لله نتيجة هايلة و دلوقتى البنزين مقارب لل 95 في الاوكتان

[Hosam_Optrawy]

35 مع البنزين اللى غلى كدا خراب ديار :)

على فكره الموتور ال Ecotec نسبته 10.8 مش 10.5 ودا يمكن اللى مخليه حساس للبنزين

طبعا الكروز والاسترا

الفلوونس الفيس ليفت 11.0 المفروض تمشى بالبوستر على طول او 95

السبورتاج 11.0 وكمان حقن مباشر ومع ذلك شغاله 92 عادى الله اكبر عشان صحابها مايقولوش بنحسد :)

[ashouhdy]

كل المواتير اللى بنسب عالية دى بتكرر يا حسام ... بس مش كلة بياخد بالة او يحس الصوت

انا عندى محدش بيحية ولا يسمعة بس انا بعرف انا اللى سايق وعارف

الbooster فرق فرق بشع معايا نعومة و صوت الكركرة انتهي حتى صوت الspark بتاع البوجيهات اختفي

انا مش عارف حفضل ادفع ال35 جنية دول على طول ولا اية :) بس انا بكتيري تفويلة ونص في الشهر حتى لو بالسفر مرة او مرتين للساحل

[ashouhdy]

انا مشترك في منتدى اجنبي بتاع كروز

بيتكلموا في تجارب ال booster مع البنزين بتاعهم ال Premium91 اللى هو 95 عندنا

بيحطوا البوستتر عالبنزين ال95 وبيقولوا اذاى البنزين ال98 مش منتشر في ال US

حيجننوني يا حسام والله

انت عارف بقولهم على البنزين بتاعنا ال 92 :) لما عرفوا انة 89 عندهم جالهم ذهووووووووول وبيقولوا مستحيل الecotec يمشي بالبنزين دة ههههههههه

[Hosam_Optrawy]

ييجوا يشوفوا طوابير ال 80 وهى واقف فيها أعرق السيارات :)

[graffittiii]

انت عارف بقولهم على البنزين بتاعنا ال 92 :) لما عرفوا انة 89 عندهم جالهم ذهووووووووول وبيقولوا مستحيل الecotec يمشي بالبنزين دة ههههههههه

معلش ممكن بعد إذنك شرح مبسط للحتة دي ..

اللي فهمته أن 92 عندنا بيعادل 89 عندهم !! .. إيه سبب الفروقات دي وهل هي مختلفة من دولة للتانية !! .

[ashouhdy]

معلش ممكن بعد إذنك شرح مبسط للحتة دي ..

اللي فهمته أن 92 عندنا بيعادل 89 عندهم !! .. إيه سبب الفروقات دي وهل هي مختلفة من دولة للتانية !! .

كل العالم ماشي بالنسبة بتاعتنا هى اسمها الكامل 92ron فال92 فمصر هو هو في اى دولة في العالم

ال ron هو معدل انضغاط الاوكتان بتاع البنزين تحت سرعة 600rpm

عدا امريكا وكندا والبرازيل مش بتمشي بطريقة حساب ال ron بيمشوا بطريقة تانية بتبقي MON وهى نسبة ادق لصفاء الاوكتان في البنزين بيبقي تح انضغاط اعلى للموتور 900rpm

المهم لما الدنيا كلها بتعادل نسبة امريكا بتبقي اقل حوال 3.7% لو حنحولها لل ron اللى هي اقل دقة بحاجة بسيطة

يعنى ال 91 في امريكا يعادل ال 87ron في كل العالم بما فيها مصر

[ashouhdy]

ال octane booster بقي بيزود درجة كاملة يعنى
لو حنحطة عندنا حيزود درجة فبنتكلم في 93 و كسور ... اقرب لل95 ودة بيساعد المواتير الحديثة اكتر

[graffittiii]

كل العالم ماشي بالنسبة بتاعتنا هى اسمها الكامل 92ron فال92 فمصر هو هو في اى دولة في العالم

ال ron هو معدل انضغاط الاوكتان بتاع البنزين تحت سرعة 600rpm

عدا امريكا وكندا والبرازيل مش بتمشي بطريقة حساب ال ron بيمشوا بطريقة تانية بتبقي MON وهى نسبة ادق لصفاء الاوكتان في البنزين بيبقي تح انضغاط اعلى للموتور 900rpm

المهم لما الدنيا كلها بتعادل نسبة امريكا بتبقي اقل حوال 3.7% لو حنحولها لل ron اللى هي اقل دقة بحاجة بسيطة

يعنى ال 91 في امريكا يعادل ال 87ron في كل العالم بما فيها مصر

تسلم يا ashouhdy باشا ...
أول مرة أعرف معلومة أختلاف طريقة حساب نسبة الأوكتان في أمريكا وكندا ...
مشكور علي التوضيح ...

[akmm]

الاوكتان بوستر فيه منه انواع كتيره وارخص من الستيب ... وموجود باسعار معقوله في بنزينات وطنيه .

[amrelsaqqa]

طب الاوكتان بوستر هو نفسه كدة pure عبارة عن كام ؟
اصل الفكرة انى ممكن اشتري بنزين 95 واخليه عندى واحط لترين تلاتة ولا حاجة مع كل تفويلة :d وهيبقى اوفر من الـ 35 جنيه اللى صعب تتعود عليهم وممكن يغلوا كمان في اي وقت !

انا اتفاجئت امبارح ان بيجو 301 برضه نسبة انضغاطها 11 و زمان فعلا اول ما جبت العربية حطيت نفس البوستر ده مش عايز اقولك ايه النعومة والجمال اللى كنت حاسس بيه ، العربية كانت مزة اوى :d :d

[amrelsaqqa]

وعلى فكرة نظريا المفروض الاستهلاك داخل المدينة ع الاقل يتحسن ، فممكن وانت بتصرف الـ 35 تكون بتوفر برضه ع الجانب الاخر اهى حاجة تشيل حاجة

[ashouhdy]

وعلى فكرة نظريا المفروض الاستهلاك داخل المدينة ع الاقل يتحسن ، فممكن وانت بتصرف الـ 35 تكون بتوفر برضه ع الجانب الاخر اهى حاجة تشيل حاجة

صوت الموتور كمان اختلف جدا معايا بالذات في الحرق

[S O P H O S]

ميعرفوش ال 92 عندنا انه 70 عندهم

[hossam_elwani]

التسارع بقه افضل ولا مش ملحوظ؟؟