مشكله غلبت الصنايعيه فى حلها

[mohmedhoss]

السلام عليكم ورحمه الله وبركاته

باختصار شديد طبعا بعد شكر رجاله المنتدى والاعضاء على الحجات الكيتر اللى واحد اتعلمها هندخل فى الموضوع على طول
عربيتى فيات 131 العربيه بيتى ومش متهانه باختصار
فى خنقه فى دواسه البنزين بمعنى انك تكون عالسلانسيه ودايس سنه بنزين وتيجى تزود الماتور يتخنق وبعدين يشد عادى الموضوع ده بيحصل فى السلانسيه وطبعا فى الغيارات مع المشى
انا هقول اللى عملته فى العربيه
نضفت الكربراتير ووسعت البيكات الخنقه خفت بس لسه موجوده بشكل مزعج بس مش زي الاول الاول كنت ممكن تحس العربيه هتبطل غيرت الاسبراتير والموبينه جدااااد وبوجيهات وفلاتر بنزين وهوا وسلك بوجيهات و راجعت عالتقسيمه والتكيهات فكيت الكربراتير عملت فيه اكس وباب وتظبيط رشاش فضلت المشكله موجوده هتجننننننن بجد
غيرت طرمبه البنزين والقديمه كانت ضعيفه فعلا بعد ماغيرت الطرمبه العربيه بقت غريبه الخنقه راحت وبتجمع فى ثواااااااانى 100 كيلو قعدت يومين خرجت بيها بعد شويه لاقيت الخنقه رجعت واكتر من الاول وبقى بنتشه ظااااااهره جداااااا
انا اسف عالتطويل بس انا بحكى كل اللى حصل عشان انا فعلا طلع عينى ومحدش عارف ايه السبب انا عارف ان فى ناس دمغها جباره وخبره فى المواضيع ديه وممكن الاقى الحل وشكراااا على كل حال

[mafify]

غيرت فلتر البنزين

[ahmedamin84]

اتاكد انك بتمون من محطه بنزين كويسه ﻻن الموضوع ده حصل معايا و احترت فيه و طلع في الاخر عيب بنزين

[mohmedhoss]

اتاكد انك بتمون من محطه بنزين كويسه ﻻن الموضوع ده حصل معايا و احترت فيه و طلع في الاخر عيب بنزين

انا بحط من الوطنيه ممكن تكون ديه كمان مضروبه ؟

[amrelsaqqa]

اتأكد ان فلتر البنزين مش راكب بالعكس
(مش عارف ليه دى اللى جت على بالى دلوقتى )
ومتابع معاك

[mohmedhoss]

اتأكد ان فلتر البنزين مش راكب بالعكس
(مش عارف ليه دى اللى جت على بالى دلوقتى )
ومتابع معاك

لا راكب مظبوط وانا كنت حاطط واحد عادى وبعدين غيرته بواحد تانى نوعه انضف المفروض ومتركب مظبوط

هو انا شكيت فى حاجه ان الاسبراتير اللى راكب جديد اه بس صينى ؟ ممكن يكون هو اللى ملغبط الدنيا كلها كده انا هتجنن بصراحه
وشكرا ياباشاااا لاهتمامك

[فتح الباب]

طلمبة البنزين الجديده دخلها رواسب زى القديمه بالظبط والمشكله دى هتفضل معاك الى ان تفك التانك تغسله وتسلك الطلمبه المسدوده وتحرص على نظافة البنزين وجرب

[Mido Casper]

شوف البنزينه اللي بتمون منها ممكن يكون بنزينها مش مضبوط :/ وربنا معاك لحد ما توصل للحل

[mohmedhoss]

طلمبة البنزين الجديده دخلها رواسب زى القديمه بالظبط والمشكله دى هتفضل معاك الى ان تفك التانك تغسله وتسلك الطلمبه المسدوده وتحرص على نظافة البنزين وجرب

كلام مظبوط 100 % بس سؤال صغير هو مفروض انا عندى طلمبه البنزين فى الماتور مش كهربا وفلتر البنزين بعد الطلمبه مش قبليها ياعنى هو بيفلتر البنزين اللى بيعدى بعد الطلمبه وهو داخل الكربراتير مش وهو جاى عالطلمبه ... هو المفروض يبقى قبل الطلبمه ولا بعديها ؟؟؟؟ وشكرا يا باشا على اهتمامك ورايك وانا ان شاء الله هفك التنك واغسلو

[kaza]

غير رق طلمبة التعجيل اللي في جنب الكربراتير واتاكد ان نافورة التعجيل بترش بنزين لما بتدوس الدواسة ودة عن طريق النظر في فتحات الكربراتير وانت شايل العمة طلمبة التعجيل بتزود نسبة البنزين للهواء في حالة الانتقال من سرعة اللا حمل للقدرة المتوسطة ونتيجة اختلاف سرعة دخول الهواء للموتور نتيجة فتح الصمام الخانق ناس كتير ماتعرفش دة الا المتخصصين شوية تحياتي

[abdelhaleem]

تاكد ان التنك مش مصدي من جوه وده عن تجربه

[essamenen]

السلام عليكم
انا حسيت انك بتتكلم عنى وانت بتحكى الموضوع
انا كان عندى نفس المشكله والحمد لله اتحلت
وكان سببها الاسبراتير كان مبوش يعنى تمسك عامود الاسبراتير تلافيه بيتحرك وطبعا مع حركه المحرك المفاجاء الابلاتين مش بيوصل الكهرباء للموبينه غيرته والحمد لله اتحلت المشكله
راجع الاسبراتير القديم وشوف اذا كان فيه بوش ولا لا و راجع الجديد برضو وشوف نسبه الخلوص الى فيه
لو مش فيه بوش يبقى العيب مش منه
كمان فى حاجه حصلت لواحد صحبى ممكن تكون هى السبب برضو
هو ان شحن الدنمو ضعيف وديه ممكن تعرفها عند اى كهربائى
على فكره انا معايا برضو 131 والمشكله دى طلعت عينى لدرجه انى قرفت من العربيه وغيرت بوجيهات كتير وسلوك بوجيهات وشكيت فى الكربراتير وغيرت جلده التسريع فى الكربراتير بس الحمد لله اتحلت المشكله
ربنا يوفقك وقولى عملت ايه
ملحوظه اوعى تعمل جلبه فى المخرطه للاسبراتير لو طلع بايظ انا عملت جلبه وطلعت فاشله وبعد كده جبت اسبراتير صينى ب 100 ج من 3 شهور وشغال زى الفل

[mohmedhoss]

غير رق طلمبة التعجيل اللي في جنب الكربراتير واتاكد ان نافورة التعجيل بترش بنزين لما بتدوس الدواسة ودة عن طريق النظر في فتحات الكربراتير وانت شايل العمة طلمبة التعجيل بتزود نسبة البنزين للهواء في حالة الانتقال من سرعة اللا حمل للقدرة المتوسطة ونتيجة اختلاف سرعة دخول الهواء للموتور نتيجة فتح الصمام الخانق ناس كتير ماتعرفش دة الا المتخصصين شوية تحياتي

تم حل المشكله يا باشااااا عند ورشه فى عابدين ناس خبره من يجى 60 سنه كان بيتعامل معاهم والدى وطلع فعلا ان كان فى كزا عيب فى الكربراتير والراجل اللى روحتله الاول معملش فيه حاجه و نصاب والحمدلله العربيه اتظبطط وفعلا كلام حضرتك قريب من الكلام اللى قالهولى الصنايعى اللى صلحها الف شكرا على ردك المحترم

[mohmedhoss]

السلام عليكم
انا حسيت انك بتتكلم عنى وانت بتحكى الموضوع
انا كان عندى نفس المشكله والحمد لله اتحلت
وكان سببها الاسبراتير كان مبوش يعنى تمسك عامود الاسبراتير تلافيه بيتحرك وطبعا مع حركه المحرك المفاجاء الابلاتين مش بيوصل الكهرباء للموبينه غيرته والحمد لله اتحلت المشكله
راجع الاسبراتير القديم وشوف اذا كان فيه بوش ولا لا و راجع الجديد برضو وشوف نسبه الخلوص الى فيه
لو مش فيه بوش يبقى العيب مش منه
كمان فى حاجه حصلت لواحد صحبى ممكن تكون هى السبب برضو
هو ان شحن الدنمو ضعيف وديه ممكن تعرفها عند اى كهربائى
على فكره انا معايا برضو 131 والمشكله دى طلعت عينى لدرجه انى قرفت من العربيه وغيرت بوجيهات كتير وسلوك بوجيهات وشكيت فى الكربراتير وغيرت جلده التسريع فى الكربراتير بس الحمد لله اتحلت المشكله
ربنا يوفقك وقولى عملت ايه
ملحوظه اوعى تعمل جلبه فى المخرطه للاسبراتير لو طلع بايظ انا عملت جلبه وطلعت فاشله وبعد كده جبت اسبراتير صينى ب 100 ج من 3 شهور وشغال زى الفل

ياباشا ال 131 عربيه اصيله بس مطلعه عنينااااااا والمصيبه ان الخنقه والمشكله اللى عندى وكانت عند حضرتك مرتبطه بحجات كتيييييييييييييييير فى الكهربا زي ماحضرتك قولت الدنيمو وكشفت عليه انا بقيت افصص العربيه حته حته هههههههه وفعلا الموضوع متعلق بكزا حاجه بس الحمدلله المشكله اتصلحت عند واحد خبره والسبب فى ده كله الزفت بتاع الكربراتير انو مصلحش الكربراتير وظبطه كده بس وده اللى خلانى الف حولين نفسى الراجل قالى ان الكربراتير كان الجوان مقطوع و فى حاجه فى الرشاش و البيكات غلط وكزا حاجه كده وكمان تقسيمه الكتينه كانت ماخره سنه والتكيكهات كانت مقفوله بس السبب الرئيسى طبعا فى التقطيعه والخنقه كان الكربراتير انا جرب العربيه الحمدلله كويس والسحب كويس وقرصت عليها بس يارب تفضل على حال كده ومطلعش حاجه تانى ده انا عشت فتره سودا :d والف شكر ياباشا على اهتمامك وربنا يقدرنا عليها ههههههه