سؤال - تكاليف طقم شمبر كرستاله 98 اتوماتيك - 1300 cc

[ِAmr weKa]

لأهل الخبره - انا عضو جديد هنا و عندى لانسر 98 اتوماتيك عداد 198000 ك - موتور 1300 - صوت الموتور هادى جدا و لكن يوجد دخان ابيض خارج من الشكمان . و لو قرصت جامد على المكنه مفيش صوت تخبيط او تصقيف او اى حاجه صوتها مكتوم يعنى .... ف غالبا كدا و ربنا يستر - عندى سؤالين :
1- الميكانيكى قالى لازم اخرج الموتور كلو و نفك ؟؟ هل دا صحيح ولا ممكن وهو جوه الحوض ؟
2- تكلفه طقم الشنبر و اسعاره و أنواعه و افضل زيت للتليين ؟

و شكرا جزيلا لكل الاعضاء المحترمين . و تشرفت بوجودى فى المنتدى المحترم نايل موتور .

[Sameh samy]

عن تجربة لو عملت طقم شنبر تبقي بترمي فلوسك علي الارض موش هايعيش لان مذاري البستم بتبقي موش مزوطة وهاتكرلك الشنبر اول ماتدور
الحل التاني تعمل عمرة كاملة لكن الياباني لايمكن يرجع ناعم زي الاول تاني
الحل التالت والافضل موتور استيراد علي ابوة وخد من القديم قطع غيار تعينها عندك زي الطلمبات والدينامو والكباس وكدة وبيع الباقي

[ِAmr weKa]

هو الميكانيكى لما سمع صوت المكنه قالى شمبر و صوت المكنه مفهوش ترزيع او صوت غريب مثلا انو يقولى عمره كامله .. بس ازاى لو شمبر هيبوظ تانى .. ؟؟ طالما باقى الاجزاء سليمه .. و ان كل دا وارد بالفعل .. المكنه الاتوماتيك بتيجى من غير فتيس و بكام ؟؟

و اخيرا خالص الشكر مستر سامح .

[Sameh samy]

هاقول لحضرتك الميكانيكي مستنتج انها طقم شنبر لان الموتور ناعم بس محدش يجزم بالكلام دة الا لما الموتور يتفك
المجاري بتاعة البساتم اللي بيمشي فيها البستم في طقم الشنبر موش بتتخرط وبيبقي فيها نتوءات صغيرة بتكسر الشنبر تاني وموتور الياباني مايىجعش ناعم زي الاول تاني عشان كدة بفضل تغيرو

[mrastra]

تكلفة طقم الشنبر لعربيتك
طقم شنبر برازيلى 120
طقم جوانات اعتقد 100
الوش هايتفك ويروح للخراط ينضفة ويعمل رودية للصبابات ويغير جلد صباب 150
جركن زيت للتليين 75
صفيحة بنزين للتليين 50 جنية
مصنعية ميكانيكى 350

انما خد بالك من حاجة الميكانيكى عشان يخلى الزبون يفك الموتور بيسهلة الموضوع ويقولة مش هاتحتاج الا طقم شنبر فقط ودى حاجة لا يمكن حد فينا يجزم بيها ..... لازم الموتور يتفك ولما يتفك غصب عنك هاتعمل اللى فية
فلازم تعمل حسابك انك هاتغير 4 شمايز وطقم بستم حديد
خرط 4 شمايز 200
طقم بستم ابتداء من 350
ولو عملت 4 شمايز وجبت طقم بستم جديد وطبعا شنبر جديد كدة انت عملت الاحسن للموتور وما يبقاش فاضل غير طقم سبيكة حتى لو نفس الزيرو
يعنى الكرنك ياخد وش نضافة وتجبلة طقم سبيكة مصانع وتبقى عملت عمرة كاملة للموتور وتسيبة يلين برحتة .... والنتيجة علمها عند الله

وخلى بالك المواتير الاستيراد برضة مش مضمونة اوى ممكن تيجى خفيفة لان المستوردين بيجيبو شغل من افقر دول اوربا

[ِAmr weKa]

تكلفة طقم الشنبر لعربيتك
طقم شنبر برازيلى 120
طقم جوانات اعتقد 100
الوش هايتفك ويروح للخراط ينضفة ويعمل رودية للصبابات ويغير جلد صباب 150
جركن زيت للتليين 75
صفيحة بنزين للتليين 50 جنية
مصنعية ميكانيكى 350

انما خد بالك من حاجة الميكانيكى عشان يخلى الزبون يفك الموتور بيسهلة الموضوع ويقولة مش هاتحتاج الا طقم شنبر فقط ودى حاجة لا يمكن حد فينا يجزم بيها ..... لازم الموتور يتفك ولما يتفك غصب عنك هاتعمل اللى فية
فلازم تعمل حسابك انك هاتغير 4 شمايز وطقم بستم حديد
خرط 4 شمايز 200
طقم بستم ابتداء من 350
ولو عملت 4 شمايز وجبت طقم بستم جديد وطبعا شنبر جديد كدة انت عملت الاحسن للموتور وما يبقاش فاضل غير طقم سبيكة حتى لو نفس الزيرو
يعنى الكرنك ياخد وش نضافة وتجبلة طقم سبيكة مصانع وتبقى عملت عمرة كاملة للموتور وتسيبة يلين برحتة .... والنتيجة علمها عند الله

وخلى بالك المواتير الاستيراد برضة مش مضمونة اوى ممكن تيجى خفيفة لان المستوردين بيجيبو شغل من افقر دول اوربا

[ِAmr weKa]

متشكر اوى اوى اوى يا باشا .. معلش متعرفش سعر السكاتره - مساعد امامى - جلب مقصات ؟