مشكلة بعد تغيير البوجيهات

[shoshasam]

روحت أغير البوجيهات وطقم سلوكها للصيانة الدورية مش اكتر
لاحظت ان العربية بقت بتطول في الدوراة يعني لازم افضل قارص علي
مفتاح الكونتاك 3 أو 4 ثواني عشان تدور (سواء العربية سخنة او بارده)

قبل مااغير البوجيهات وطقم السلوك كانت ممتازة في الدوارة
يدوب ألمس المفتاح بس وتدور في لحظة وتبقي تمام
(سواء العربية سخنة او بارده أو صباحا أو في البرد)

تويوتا كورولا 1994 اوتوماتيك
وشكرا

[ايمن فهمى]

السلك الجديد نوع سئ ( شكلة صينى مضروب )بيهرب شرارة روح غيرة تانى من عند اللى انت جبته من عندة بسرعه

[Land_Cruiser]

يا سلوك البوجيهات نوعها سئ يا اما البوجيهات الجديده بايظه. ممكن حضرتك تراجع الميكانيكي او لو تعرف فك البوجيهات وبص عليهم ويفضل تبقي تشتري قطع الغيار بنفسك من عند حد مضمون سواء بوجيهات او اسلاك لان المضروب كتير

[shoshasam]

متشكر جدا علي رودوكم ياشباب
وانا شاري قطع الغيار بنفسي
والميكانيكي قاللي هات سلوك بوجيهات أصلي افضل ب 250ج من طنطا
لكن انا اللي استكبرت المشوار وجبت سلوك ب 75ج ماليزي
هل ده يكون السبب ؟
والبوجيهات الجديدة نفس نوع القديمة أن جي كي شمعة واحده

هل ممكن يكون في بوجية ماتربطشي كويس ؟
لو مشيت بيها كده فترة (3 شهور مثلا) وبعدين جبت سلوك أصلي
هل ده ياثر علي الموتور في شئ ؟

متشكر مرة تانية

[ايمن فهمى]

ياباشا العفو دة واجب
- انت فعلا كدة اكدتلنا السبب وهو سلك البوجيهات
- مفيش حاجه اسمها بوجيه مش مربوط كويس لانه هتلاقيه طار من العربيه بمجرد التدوير
- ولكن لو فى بوجيه فاصل هتلاقى العربية ( متلته ) يعنى صوت كركرة فى الطلعه جامد ومفيش ولا عزم ولا سحب
- مفيش تاثير على الموتور وممكن تمشى بيها كدة اكتر من ثلاث شهور عادى ( وجه نظرى )

[shoshasam]

لا هوه مافيش اي من الاعراض اللي حضرتك قولت عليها
هوه الجديد بعد التغيير حاجتين فقط
* بطئ الدوارة سواء العربية بارده او سخنة
* رعشة العربية عند بدء الدوارة صباحا قلت كتير قوي

باذن الله في اقرب وقت هاجيب السلوك الاصلي واغيرهم واكتب النتيجة هنا

[the_master848]

طيب العربية بتسقف ف القرص والسحب؟ لو بتعمل كده يبقى ممكن يكون الاسبراتير عايز يتظبط مش أكتر وبيأثر على طول التدوير فعلا

[shoshasam]

لا مافيش اي تسقيف نهائي لا في القرص ولا السحب ولا الكيك داون ولا أثناء صعود الكباري
بالعكس سحب العربية كمجمل ممتاز

هوه فيه شرخ بسيط في واحد من منافذ الاسبراتير لكن الشرخ ده موجود من يوم ما اشتريت العربية

تقصد ان الكهربا عايزة تتقدم او تتاخر مثلا

دي صورة الشرخ اللي في الاسبراتير

[the_master848]

طيب ماهو لو الشرخ ده هو السبب كانت عملت كده من زمان بس انت بتقول ده من بعد البوجيهات يبقى ممكن ظبط اسبراتير او البوجيهات مش مناسبة للعربية اتأكد من مقاس البوجيهات

[shoshasam]

بص حضرتك هوه الموضوع بدأ يتغير لوحده بدون اي تعديل او تغيير مني من اسبوع تقريبا
* لو العربية بارده (صباحا) مافيش اي تغيير
* لكن لو العربيه سخنة وركنتها اشتري حاجه مثلا
وجيت ادورها تاني بتدور في لحظه بمجرد ما المس المفتاح زي الاول بالظيط
لكن طبعا ماظبتتشي فجأة

يعني بقيت تدور بعد 3 ثواني ثم ثانيتين ثم ثانية ثم الدوراة في لحظه
ده في خلال الاسبوع اللي فاتت حتي اليوم لكن لازم تكون سخنة مش بارده

سالت ناس كتيره
اللي قالي علي ما البوجيهات طبعت مكانها واللي قاللي علي ما السلوك الكهربا مشيت فيها
طبعا كله كلام هبل في هبل لا يقدم ولا يأخر
لكن المهم انها بدأت تتحسن لوحدها
مشكلتها الوحيده دلوقتي صباحا فقط وهيا بارده

وهاتابع معاكو باذن الله اي تغيير
وشكرا