مشكلة كبيرة في موتور النتر 2008 ياريت حد يساعدني

[noha.krarah]

اولا انا عربيتي هيونداي النترا 2008
روحت اغير زيت لقيت الراجل بتاع الزيت بيقولي صوت الموتور عالي بعديها حسيت اني صوت الموتور عالي فعلا غير الاول مع العلم اني هو هو نفس نوع الزيت اللي بحطه المهم بعد الف كيلو بقيس الزيت لقيت الزيت نزل لغاية الحد الادني ياعني نزل حولي 300 او 400 ملي ولاحظت اني العربية بتاكل بنزين عن الاول ، واحد قالي شوفي الشكمان بيطلع دخان والا لا لقيت الشكمان بيطلع دخان بسيط لما بزود بنزين قوي بس لقيت في ميه كتير بتنزل من الشكمان ده بدات اتابع مستوي الميه يوم بيوم لقيت اني مستوي الميه بينقع كل حوالي 4 ايام كوباية ميه

انا خايفه قوي خصوصا لما عرفت اني سعر الموتور استيراد 15 الف جنيه

[amoor89]

كده تقريبا الموتور خفيف وهيحتاج طقم شنبر مش لازم تجيبى موتور خالص كل الحكاية ميكانيكى امين يفتح ويشوف هتحتاج ايه بس خلى اللى يتعامل معاه راجل يعنى اخوكى مثلا بلاش حضرتك عشان ما يطمعش

[amoor89]

بس ازاى العربية 2008 وتبقى كده هى ماشية قد ايه

[tamertolba]

كده زي مالاخ عمور بيقول طقم شنمبر بس انا هزود عليه طقم جوان والاتنين بيعملو 900 جنيه الاصلي اما لو كوري نوع كويس بيعمل حوالي 625 جنيه بس اهم حاجه الصنايعي الي هيركبهم يكون شاطر وامين

[J A G U A R]

نقص زيت
دخنه بيضا
ترشيح زيت محروق على البوجيهات وده غالبا اكيد

يبقى طقم شنبر

[samihanwar]

هى سواقتك رياضيه ولا كلاسيك؟
لأن العربيات دى مبتستحملش القرص والحرق
وأنا رأيى تلحقيها فى البدري عشان مدخليش نفسك فى قصه خراطه ولوازم أكتر من كده

[tito29]

اولا انا عربيتي هيونداي النترا 2008
روحت اغير زيت لقيت الراجل بتاع الزيت بيقولي صوت الموتور عالي بعديها حسيت اني صوت الموتور عالي فعلا غير الاول مع العلم اني هو هو نفس نوع الزيت اللي بحطه المهم بعد الف كيلو بقيس الزيت لقيت الزيت نزل لغاية الحد الادني ياعني نزل حولي 300 او 400 ملي ولاحظت اني العربية بتاكل بنزين عن الاول ، واحد قالي شوفي الشكمان بيطلع دخان والا لا لقيت الشكمان بيطلع دخان بسيط لما بزود بنزين قوي بس لقيت في ميه كتير بتنزل من الشكمان ده بدات اتابع مستوي الميه يوم بيوم لقيت اني مستوي الميه بينقع كل حوالي 4 ايام كوباية ميه

انا خايفه قوي خصوصا لما عرفت اني سعر الموتور استيراد 15 الف جنيه

مع أحترامي لجميع الناس أللي شاركت بالرد

هل حضرتك عامل كيلومتر عالي بالعربية ؟ يعني فوق ال250 ألف علي الأقل؟
هل حضرتك بتعمل الصيانات الدورية في وقتها ؟
هل حضرتك ناوي تحتفظ شوية بالسيارة ولا ناوي تبيعها؟

أولا تمن الموتور أقل بكتير جدا من 15 ألف
يعني علي ما أعتقد أن تمن البلوك من غير أدوات تغذية في حدود 4 ألاف
و حضرتك مش محتاج ده أصلا
لأن الموتور مش بيخبط و حرق الزيت لسه مش مخيف قوي

أستشير ميكانيكي أمين و كويس
مع العلم بأن طقم الشنبر عادة مش بيعيش كتير يعني ممكن من 6 شهور لسنة

لو العربية عاملة كيلومتر عالي و حضرتك ناوي تخليها شوية و الميكانيكي شايف أن الموتور محتاج شغل داخلي يبقي الأفضل أنك تعمل عمرة كاملة و تكلفتها حوالي 4 ألاف جنيه
بس الموتور كله من الداخل حايبقي زي الزيرو و ده أفضل من موتور أستيراد مستعمل يعلم ألله وحده حالته الحقيقية