نقص مياه التبريد بولو 98

[exelence]

إستفسار يا جماعه
عرببتى بولو 98 عداد الحرارة مش شغال و مياه القربة بتقل دايما" و المروحة بتشتغل على طول تفتكروا المشكلة فى حساس الحرارة و لا جوان وش سليندر؟

[aw2100]

غير غطاء القربة الأول واغسل دورة التبريد والرادياتير ولو قديم الأفضل تغيره بواحد جديد وحط مية تبريد حمراء نوع نظيف ممكن توتال وشوف ممكن الحرارة تتظبط والمية ماتنقصش لو نقصت يبقى كده جوان الوش محتاج تغيير وربنا معاك !!

[exelence]

طب مفيش علامات تدل على ان المشكلة فى جوان وش السليندر

[aw2100]

بيبقى فيه تقطيع وسحب العربية بيضعف ويقوى حسب كمية المية اللى بتخش السلندر وبتلاقى بخار مية كتير من الجكمان ومية بتنقط منه خصوصا والعربية باردة ولو فكيت البوجيهات ممكن تلاقى بوجية او اكتر مصدى !!!

[exelence]

يعنى مش زى ما الناس بتقول ان الزيت بيبقى زى الطحينة كده ؟

[aw2100]

لو المية نزلت فى الزيت بيعمل طحينة بس من كلامك استنتجت ان مافيش المشكلة دى عندك فقولتلك باقى الأعراض !!

[alzelafy]

الجوان 3 حالات الاولى و هى المياة تدخل على الزيت و تعمل طحينه و دى لازم تتعمل فورى التانيه المياة تنزل على السلندر و بالتالى بتنزل من الشكمان و لما الوضع يتطور بتحط المياة من القربه و تنزل هى من الشكمان قدامك وقتى .... و ممكن تمشى بالعربيه فى الوضع دة عدة شهور كمان طالما مواليها بتزويد المياة ........ الوضع التالت بتلاقى القربه بتاعه المياة فيها فقاقيع هواء و دى بردو خطرها قليل

[besso]

لو فيها جوان هتلاقي فين نفخ في غطاء القربه وانت بتزود بنزين

[exelence]

معلومات محترمه شكرا" لكم يا خبرائنا