دوارة الفيرنا ؟

[wael6]

السلام عليكم
العربيه فيرنا2013 غاز 55 الف كم مانيوال


انا لسه منضف الحساسات ومغير فلتر بنزين وبوجيهات

والدوار عندى بتتاخر لو العربية اتركنت 4 او 5 ساعات بتدور من تانى مره
على عكس السابق كانت من اول مره حتى لو تانى يوم الصبح وفى البرد؟

ولما بدى امبليه عشان احول غاز العربيه بتفصل حتى وهى سخنه ولا زم اسند بنزين بسرعه عشان متفصلش ؟

علما بان علبة الشكمان الخلفية عندى بايظه
وكلبسات العمه مكسورة ومثبتها بمسامير والى حد ما فلتر الهوا محكوم وشغال كويس
والسحب الحمد لله كويس

متابعكم
وشكرا جزيلا

[wael6]

ضيف على هذا برجله فى السلانسيه وانا دايس على الدبرياج ؟

[wael6]

متابع

[wael6]

العربيه مش بتدور من اول مره خصوصا وهى بارده ممكن بعد تانى او تالت مره ثم رجه جامده فى الموتور وال rpm بيكون واطى كانها هتبطل لثوانى ثم تعلى لوحدها فوق الواحد ثم تنزل تانى لما تسخن طبيعي بعد دقيقتين او تلاته

[wael6]

اللهم صل على محمد وعلى آله وصحبه أجمعين

[د.محمود صلاح]

راجع على نظام الغاز عند الشركة اللي ركبتهولك .. تكلفة المراجعة 15 جنيه والضمان عليهم طبعا

[wael6]

راجع على نظام الغاز عند الشركة اللي ركبتهولك .. تكلفة المراجعة 15 جنيه والضمان عليهم طبعا

المشكلة ان المشاكل دى كلها وانا مشغلها ع البنزين
والجديد دلوقتى فيه تعتيل عند التشغيل (سواء بارده او سخنه)
قبل دوران المارش وبتدور بصعوبه جدا
علما بان البطارية حالتها جيده
ده عيب مكنه ولا كهربا ؟
وشكرا

[wael6]

وكمان لاحظت ان اعدادات الكاسيت بتتشال
وارجع اعملها تانى ؟

[dipole_moment]

وكمان لاحظت ان اعدادات الكاسيت بتتشال
وارجع اعملها تانى ؟

بص موضوع اعدادات الكاسيت ده و الساعة بتاعة التابلوه و عداد المسافة بتاع التريب ( trip ) بيتصفروا حصلت معايا كذا مره فى الفيرنا و بصراحة معرفتش سببها لحد دلوقتى.
و فعلا بتحصل اما بيبقا فيه تعتيل فى الدوارة
ممكن تكون البوجيهات قديمة او مرطبة
و يفضل طبعا تراجع شركة الغاز علشان الدنيا تظبط معاك
و نتمنى اما تروح شركة الغاز تقولنا عملوا معاك ايه ؟
بالتوفيق

[sherifatar]

اخي المحترم الموضوع سهل وبسيط ان شاء الله
ممكن حضرتك تشرفني في المركز وان شاء الله تخرج من عندنا مبسوط
الموضوع سهل ان شاء الله هنكشف عليها بالجهاز والحل بسيط
ورقمي معاك لو احتجت تكلمني في اي وقت 01091801808

[د.محمود صلاح]

هل البطارية سليمة ؟؟

[wael6]

اخي المحترم الموضوع سهل وبسيط ان شاء الله
ممكن حضرتك تشرفني في المركز وان شاء الله تخرج من عندنا مبسوط
الموضوع سهل ان شاء الله هنكشف عليها بالجهاز والحل بسيط
ورقمي معاك لو احتجت تكلمني في اي وقت 01091801808

بالفعل انا كنت عند حضرتك النهارده يا استاذ شريف
والناس اللى عندك قاموا بالواجب مقابلتهم حلوة ومحترمين وفاهمين
والحمد لله المكنة اتظبت
بالرجوع الى البوجيهات الاصليه واحد شمعه بدل 3 شمعه اللى كنت مركبها من قبل
وبالكشف على جهاز الاعطال
وجد بعض الاخطاء لحساس الكرنك ولخبطة فى خليط الوقود
والحمد لله اتشالت الاخطاء دى من سوفت ويير كمبيوتر العربيه

ولكن تبقت التعتيله وان كانت قد قلت كثيرا
وكان راى المتخصص فى شئون الموتور انها من البطارية او المارش
حيث ووجد ان البطارية الجافة اللى ر اكبه اشارتها سودا وعاوزه تتشحن

وشكرا جزيلا

[wael6]

هل البطارية سليمة ؟؟

لا اشارتها سودا وعاوزه تتشحن
الكهربائي قالى خد مشوار طويل من غير متشغل حاجه خالص عشان الدينامو يشحنها اوتوماتيكيا
افضل من شحنها ع التونجر
عشان العلامة ترجع خضرا

هل كده صح
ولا وجب تغييرها ؟
وشكرا جزيلا

[sherifatar]

مشكور يا اخي علي احترام انا اسف مكنتش موجود للاسف علشان اقابل حضرتك وعموما نتقابل تاني ان شاء الله
ومعلش انا بعتذر ان الكهربائي مكنش موجود لانه كان بيجيب سيارة من برة للاسف

[wael6]

مشكور يا اخي علي احترام انا اسف مكنتش موجود للاسف علشان اقابل حضرتك وعموما نتقابل تاني ان شاء الله
ومعلش انا بعتذر ان الكهربائي مكنش موجود لانه كان بيجيب سيارة من برة للاسف

الله يعزك يا بشمهندس

انا غيرت البطارية والحمد لله الحال اتظبط والعربيه سخنه
لكن لما بتتركن فتره مش بتدور من اول مره؟
نفسي ادورها فى وقت من اول مره بدون سندة بنزين

وكنت عاوز اسال حضرتك دورة التبريد بتتكلف كام ؟
واجيب معايا جركن مياه موبيل ولا اد ايه ؟

وعندكم علبة الشكمان الاخيره للفيرنا الاصليه
او لو فيه علبه كوبي شبه التربو بس مش تربو من غير صوت ولا فلتر بتتكلف كام بتركيبها؟

متابع حضرتك
وشكرا جزيلا